أنا معجبة بشخص لا يعرفني لكنني أدعو أن يكون من نصيبي، هل يمكن أن يستجيب الله دعائي؟

Question

سلام عليكم انا عندي ٢٢ سنة وطول عمري الحمد لله بغض البصر و عمري ما اعجبت بحد لأني عارفة ربنا فرض علينا غض البصر ليه، من الأسباب اننا منتعلقش و نفضل بعيد عن الحرام و حماية لقلبنا و عندي صفحة علي الفيس بنشر فيها كل ما هو صدقة جارية ليا ومعنديش ولا ولد عليها نهائي ولا حتى فولو لحد اللي هو بعدًا عن وجع الدماغ وقفل لاي باب للشيطان من سنة عملت فولو لصفحة واحد لان محتواه ديني و علمي جدا فكنت بقرأ بوستاته وبشيرها و بس كده مش عارفة ايه اللي حصل من كام يوم و بدون اي مقدمات حسيت اني معجبة بيه (شخص بيحب ربنا، و حد كده عارف ربنا اللي انا عارفاه وبصراحة بتمني أبقى زيه) يا دوب اعرف شكله من صورة البروفايل وانه من القاهرة بس ، انا ابتليت بالكسل ومش بصلي قيام ولا سنن ودي حاجه مكرهاني في نفسي فاستغليت شوية المشاعر دي علشان عارفة ان دماغي تعبانه ومش هتمشي غير بكده فبقيت بصلي قيام ليل و بصلي السنن لله اولا ثم بنية ان ربنا يجعله من نصيبي لو فيه خير وانا طبعا مستحيل أكلمه ولا اي تلميح ولا اي حاجه انا بكلم ربنا وبس ، وطبعا كل دعائي ده ليس بعزيز علي الله نهائي هل ممكن دعائي يتحقق؟ يعني هو ميعرفنيش اصلا ولا عمري شافني وحتى دخلت لغيت الفولو وانا من البحيرة كده هيشوفني فين ف الحلم ولا اي😭 دي حاجه مستحيلة و عاوزة معجزة فهل في قصص زي كده حصلت فعلا؟ ادعولي ربنا يجبر خاطري وخاطره علشان هو طيب جدا انا معرفهوش بس حاسه انه كده تدبير ربنا انا شايفاه ف حياتي الحمد لله حاجه ابداع من البديع العظيم

Accepted Answer

في قصة "البخاري"رضي الله عنه ده واحد من أكتر الناس اللي قالت أحاديث عن النبي في بداية حياته امه ولدته أعمى الكلام ده من زمان أوي بعد ما اتولد أمه كانت زعلانه عليه جداً وكانت كل يوم تصلي قيام ليل وتدعي ربنا يرجعله بصره ده واحد مولود أعمى يعني مفيش أحتمال يرجعله بصره وبقت تدعي كتير كل يوم مع أن مفيش إحتمال خلاص لحد ما جالها في المنام ملك قالها أن ربنا رجع لإبنك بصره بسبب دعائك له مع انه كان مكتوب أعمى ، كمان قصة المرأة اللي راحت لسيدنا موسى عشان يدعيلها ربنا أنها تخلف وهيا مبتخلفش وراحت ورجعت ثلاثة مرات وبعدين بفترة معينة رجعت ومعاها طفل موسى سئلها منين ده قالت ابني راح كلم ربنا قاله انت قلت أنك كتبتها عقيم قاله ياموسي طلبت برحمتي ورحمتي سبقت قدرتي ، خلاصة الكلام عليك بدعاء لو كان ليك فيه نصيب هيجيلك لو أنت في قارة تانيه أو في دولة تانيه لو لأ خلاص ربنا هيدبرلك أمرك واوع تزعلي على حاجة راحت منك دي مش بتاعتك ربنا هيعوضك ، ومش شرط هو في غيرو كتير اللي خلقه أكيد خلق غيرو أنا ساعات ببقا ماشي في الشارع أو في المدرسة وأول ما أشوف بنت بقول أنا بحبها خلاص حتى من غير ما اعرفها بس بعدين فهمت ان لازم أغض بصري وان دي شهوة وممكن يكون إختبار من ربنا مع العلم أنا لسه في أولى ثانوي وعمري ما كلمت بنت خالص أركني حبك ومشاعرك دي على جنب وسيبي أمرك لله .

Answer

وعليكم السلام ورحمة الله وبركاته، عزيزتي، أولاً أود أن أهنئك على التوجه القوي الذي تملكينه نحو التقرب من الله، وهذا هو الأساس في كل شيء. إن مشاعر الإعجاب التي تشعرين بها ليست بالضرورة شيئًا سيئًا، ما دمتِ تستخدمين هذه المشاعر كدافع لتحسين نفسك وتقوية علاقتك مع الله. من الجميل أن ترين في هذا الشخص صورة قدوة تُعجبين بها. وقد قيل أن الله إذا أراد شيئًا هيأ له الأسباب، إيمانك بأن دعائك مستجاب هو جزء من هذا التوجيه. وفي هذا السياق، يمكن القبول بأن الله قد يهيئ لكما فرصة للالتقاء في المستقبل، ولكن عليك أن تكوني صبورة وأن تركزين على تعزيز نفسك وإحسان أداء عبادتك. لا يوجد مستحيل في قدرة الله، فالمواقف قد تتغير بمرور الوقت، وقد يحدث ما لم تتوقعيه. هناك العديد من القصص التي تروى عن أشخاص وجدوا بعضهم بعضاً بطريقة غير متوقعة عند التوجه إلى الله بصدق. الأهم هو أن تظلي في طريق الحق، وتعملين على تحسين نفسك، سواء في العبادات أو في تطوير صفاتك الشخصيّة. استمري في الدعاء والإخلاص، ففي ذلك نوع من التوكّل على الله. وجميعنا نعلم أن الخير يأتي من طرق غير متوقعة. تقربي من الله وتوجهى له بالدعاء في أوقات الاستجابة، وثقي أن الله سيعلم ما هو الخير لكِ. أدعو الله أن يجبر خاطركِ ويحقق لكِ كل ما تتمنين، وفقكِ الله ورعاكِ.

Answer

سلام عليكم ربنا يراضيكى باللى فيه خير ليكى لو على الدعاء فربنا قادر على كل شىء الافضل تدعى انه يرزقك الزوج الصالح والشخص ده لو فيه الخير يقربه ولو شر يبعده

أنا معجبة بشخص لا يعرفني لكنني أدعو أن يكون من نصيبي، هل يمكن أن يستجيب الله دعائي؟

اجتماعية

دينية

حب

سؤال من احد أعضاء فدني

تم النشر الأحد، ٦ أبريل ٢٠٢٥

3 إجابة

7 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك