بمر بظروف مش كويسه فبفكر اتعلم لغه جديده اشتغل منها مترجمه وعايزه اعمل اى اكتيفيتى جديد بس مش عارفه افكر فى ايه ؟
انا كمان زمان كنت بكتب بس بطلت عايزه ابدا تانى بس مش عارفه ابدا ازاى ومنين ؟
المشكله ان الظروف الماديه مش مساعدانى اوى
بالنسبة لتطوير مهارة الكتابة فهذا يأتي من خلال القراءة الكثيرة جدًا، والكتابة يوميًا. خصصي وقت يومي للقراءة، ثم تمرني على الكتابة بأن تشاركي ما تعلمته في فقرة القراءة. بالنسبة للترجمة، خيار ممتاز ولكن كوني صبورة، اختاري اللغة ومجال الترجمة الذي تريدين العمل به سواء فوري أو غيره، ثم اعرفي المصادر المناسبة للتعلم، وتمرني على الاستماع والتحدث مع متحدثين أصليين للغة. يسر الله أمري وأمرك.
تم النشر السبت، ٣ أغسطس ٢٠٢٤
فى البداية كده.فكرة انك تتعلمى لغه جديده وتطورى من نفسك دى حاجة جميله جدا. الظروف اللى مريتى بيها هى هتكون دافع كبير انك تخرجى من الحالة دى. اكتبى ايه الحاجات اللى لما بتعمليها بتحسى بإنجاز كبير، ايه المجالات اللى بتفهمى فيها ومن خلالها ممكن تعملى ايه الكتابه دى جميله جدا ومنها بتقدرى تعبرى عن اللى جواكى فشوفى ايه المجالات اللى بتحبى تكتبى فيها وارجعى تانى اكتبى .ممكن تعملى بيدج وتنشرى عليها كل افكارك وكتاباتك وصوتك هيوصل اكيد. المهم ترتبى افكارك وتشوفى اول حاجه ممكن تعمليها تكون ايه .المهم تكملى ومتقفيش . خلى عندك ارادة وصبر علشان تقدرى تواصلى وتوصلى لهدفك وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر السبت، ٣ أغسطس ٢٠٢٤
أول شيء، أنا معك وبتفهم وضعك. تعلم لغة جديدة فكرة ممتازة، وفيه لغات ممكن تتعلميها بطرق مجانية، مثلاً من خلال التطبيقات أو المواقع أو حتى فيديوهات يوتيوب. جربي تبدأي بلغة تحبيها أو تتمنى تسافري لدولة تتكلميها. وبخصوص الكتابة، مش لازم تبدي بحاجة كبيرة، يمكن تكتبي أفكار بسيطة أو يوميات. ممكن كمان تشوفي مواضيع تحبيها وتبدأي تكتبي عنها. ما تخافيش من البدايات، كلنا بدأنا من مكان صغير وبعدين طورنا شغفنا. وإذا الظروف المادية مش مساعداك، تقدري تستخدمي موارد مجانية او المكتبات العامة. المهم إنك تبدي وخلي عندك هدف، وصدقيني مع الوقت كل حاجة هتتحسن. اجلسي مع نفسك وحددي إيه الحاجات اللي بتحبيها وابدئي بخطة بسيطة على أساسها.
تم النشر السبت، ٣ أغسطس ٢٠٢٤
لعرض السؤال في فدني اضغط هنا