السلام عليكم
انا طالبه جامعيه ف تانيه طب
عندى أهداف كتير
بحب اقرا واطور من نفسي وكده
واعرف معلومات اكتر واثقف اكتر بس مش بع ف انظم وقتى
ونفسي اوى انتظم ف مراجعه القرآن انا كنت حافظاه بس عايزه ارجعه ونفسي انتظم ف الاوراد الأذكار يعنى انا الحمدلله منتظمه ف الصلاه وف صلاه القيام لكن ملغبطه ف الباقى
عايزه انظم وقتى ما بين دراسه وقراءة ومراجعه قرآن اعمل اي ؟
وعليكم السلام ورحمة الله وبركاته 1- ورقة وقلم وهنكتب الحاجات الاساسية فيومنا اللي ليها مواعيد وبعد كده نحدد مواعيد للحاجات الاساسية اللي ملهاش مواعيد ثابته. 2- كل يوم بليل هنحدد حاجه واحده بس نعملها تاني يوم مع الحاجات اللي فوق.. اسبوع ونزود حاجه كمان. 3- اذكار الصباح والمساء هنظبط منبه على معاد مناسب تبقي عارفه انك هتعرفي تقولي الاذكار فيه واول ما يرن هنسيب اللي ف ايدينا ع طول ونقول الاذكار وبعدين نكمل. 4- الاسبوع اللي بعد انتظامك ف الاذكار بإذن الله هتشتركي في دار تحفيظ قران سواء في مكان قريب أو اون لاين ونبدأ نلتزم بالمراجعة بجزء بسيط ولو يكن صفحة بعد كده نزود حسب المقدرة. 5- قراءتك وتثقيفك لنفسك وتطويرك لمهاراتك هيحتاج منك تجهيز للكتاب او الكورس عشان اول ما تيجي تبدأي يبقى عندك المصدر مش لسه هتدوري فتكسلي.. ابدأي بمقدار بسيط واستمري وبعد كده ابقي زودي. 6- ادعي دايما ربنا يباركلك في وقتك ويرزقك القدرة على الفهم والدراسة ويعينك على الحفظ والاستمرار عليه. ربنا يوفقك وتبقي من أشطر دكاترة مصر وتحققي ما تتمني.
تم النشر الجمعة، ٩ ديسمبر ٢٠٢٢
يتبع (٢)
تم النشر السبت، ٣١ ديسمبر ٢٠٢٢
يتبع (١)
تم النشر السبت، ٣١ ديسمبر ٢٠٢٢
حددي وقت معين لقراءة القرآن مثلاا قبل النوم او بعد الفجر او قبله، وبدأي بصفحه وانتظمي عليها مثلاا لمدة اسبوع بحيث تكوني اعدتي علي ذلك، بعد ذلك تبدأي بالزياده بالتدريج، حيث لا تملي وتحسي انو الموضوع صعب عليك ونسأل الله التوفيق
تم النشر السبت، ٣١ ديسمبر ٢٠٢٢
انتى جميلة وربنا يرزقك من كل الطيب اللى فى الدنيا اولا استعينى بالله دايما والتزمى الدعاء ده ( اللهم دبر لى امرى فانى لا احسن التدبير) ثانيا انا بحب المقولة دى جدااا اعملى بيها وان شاء الله تكونى راضيه عن نفسك حتى لو الوقت مكانش كفاية ( قليل دائم خير من كثير منقطع) لو بتحفطى كل يوم او حتى كل اسبوع آيه واحدة فو الله هى خير من جزء كل فترة بعد هجران. ربنا بييسر لكل واحد عبادة اكثر من التانيه ...طبعا جميل اجتهادك وباذن الرحمن تؤجرى عليه بدرجات اعلى فى الجنة ...لكن لا تثقلى على نفسك فتذهبى بكله بسبب التأنيب بالتقصير . العادات تبنى فى خلال 21 يوم او 40 يوم هذا اكيد ( فاذا ثبتتى وخصصتى وقت بسيط للحاجة اللى انتى حابه تستمرى عليها واستمريتى حتى تصبح عادة هيكون سهل بعدها تزودى عليها ) ان شاء الله بالاستعانة بالله توصلى لاهدافك كلها
تم النشر السبت، ١٠ ديسمبر ٢٠٢٢
واحده واحده يحببتي خديها بالتدريج بعد الصلوات خدي خمس دقائق الاذكار بعد كل صلاه وربع ساعه ويمكن اقل الاذكار الصباح والمساء وبما انك ملتزمة بالقيام فخلاص لو كل يوم قراتلك صفحه ياسلاااام بالدنيا والي فيها يحببتي متضيقاهشي علي نفسك
تم النشر السبت، ١٠ ديسمبر ٢٠٢٢
إذا تزاحمت الأمور عليكي مع ضيق الوقت فابدءِ بالأَولى فالذي يليه، وعندما أقول الأَولى فأنا أقصد من ناحية سؤال الله لكي عليه إذا قصرتي فيه! أي الواجب، مثلا عندي صلاة وزيارة أمي ومذاكرة. فأصلي ثم أذهب لأمي ثم أذاكر.
تم النشر السبت، ٣١ ديسمبر ٢٠٢٢
بصى حاولى كل يوم تظبطى ساعه بعد اى صلاه من صلواتك حتى لو هتحفظى عشر ايات وتراجعى عليهم
تم النشر السبت، ٣١ ديسمبر ٢٠٢٢
مش بقدر اصحى بعد الفجر ابدا ممكن اسهر للفجر لكن مش بعرف نفسي بردوا اصحى بعد الفجر
تم النشر الجمعة، ٩ ديسمبر ٢٠٢٢
جزاك الله خيرا علي اجتاهدك حاولي تبدائي يومك بعد صلاة الفجر مباشره إن شاء الله كل وقت هيترتب لوحده وحافظي علي تردد الذكر اناء الليل وأطراف النهار
تم النشر الجمعة، ٩ ديسمبر ٢٠٢٢
لعرض السؤال في فدني اضغط هنا