انا ساعات بيعدي عليا فترة مشاكل صغيرة وخنقات عادية وبتعدي بس كل فترة بتيجي كدا فترة بتعب نفسيا ف الموضوع معايا بيقلب تعب جسدي وجسمي بيرهق وسوري يعني معدتي بتتعب ف برجع وكدا
ودماغي مش بتطبل تفكير بفكر في كل حاجة
كل ده ظهر لما تعبت فترة طويلة ولفيت علي دكاتره لمعدتي وكل دكتور كان بيقول تشخيص شكل وفي الاخر اخر واحد قالي ده نفسي مش عضوي
انا بقالي يومين مكلتش والمفروض معاد نومي ومش عارف انام عشان تعبان جدا بصراحه
لسه مخلص دراسة ف الموضوع ضاغطني جيش وشغل وإلتزامات وحاجات كتير كدا ، وكنت بدور علي علاقه حد وشغل ولما جم حسيت اني تعبت فجأة وكدا معرفش بسبب ايه مع ان كل حاجة كانت كويسة
انا متشتت ومش عارف ارتب الافكار ولا الكلام
انا يمكن اكون شخص توكسيك بس انا محبتش ابقي كدا بس غصب عني
محتاج الفترة اللي جايه افصل واحدد حاجات كتير واحلها بس اهمها اشوف حل لإني لما اتعب نفسيا جامد ميبقاش بالشكل ده عشان كدا حياتي هتقف
السلام عليكم ورحمه الله اهلا وسهلا بك فاهمه و عارفه كل اللي بتمر بيه ، و دا اللي بيوضحه النموذج المعرفي السلوكي ( و هو بيقولك كل اللي بتفكر فيه بيأثر علي مشاعرك و مزاجك و بالتالي بيأثر علي سلوك ) يعني فكرت في حاجه سلبيه هيبدا مزاجكك يتعكر و هرمونات تتفرز بدون الحاجه الي إفرازها ف بالتالي ترجع تروح لاكتر مكان ضعيف في جسمك و تبدأ تهاجمه و هنا في حالتك اكتر مكان ضعيف هو المعده لذلك مش هقدر تاكل ولا تشرب تحس الاكل تقيل عليك، اي إثاره تحصلك رد الفعل بيظهر في بطنك و دي الأعراض النفسجسميه في الغالب ناتجه عندك من القلق. ✴️✴️ هنا لازم تعالج افكارك علشان مزاجك يبدأ يتغير و الأعراض الجسميه تبدأ تختفي من عندك. ✴️ يوجد بعض الأساليب اللي هتساعدك كتير في الاول علي تهدأ الجهاز العصبي لديك و هو تمارين الاسترخاء العضلي الشديد ( مرتين في اليوم عند الممارسه في الاول ، خلي واحده في نصف اليوم و واحده قبل ما تنام ) و تمارين التنفس العميق ( بعد كل صلاه اعمله ) هتلاقي التمارين علي اليوتيوب و هحاول احط ليك اللينك لو عرفت. https://youtu.be/TOHbM6SUk9A?si=YLEt7AlIFesRPTK3 https://youtu.be/G-pQ6U0wYdc?si=SqN4zrE1WviZVY-D ✴️✴️تقدر كمان تفصل عقلك خالص بممارسه التأمل و دي مهاره بتخليك حرفيا تفصل دماغك عن كل الأفكار اللي بتجيلك. أسال الله لك العافيه. تحياتي 🌹🌹
تم النشر الأحد، ٢٣ يونيو ٢٠٢٤
فى البداية كده.من الواضح أنك عارف طبيعة شخصيتك ومحدد وعارف المشكلة فين بالظبط وده بينتج عنه شخص واعى ومش حابب يكون واقف مكانه وعايز يتغير ممكن تكون مريت بفتره صعبه مليانه ضغوط وتوتر واعصابك مستحملتهاش وده اثر عليك فى اى موقف بتتعرض ليه حاول لما تحس انك مضغوط فرغ طاقتك فى عمل انت بتحبه .رياضه تمارسها.اصدقاء مقربين تتكلم وتتعامل معاهم كل ده هيخفف الضغط النفسى والتعب الجسدى اللى بتحس بيه.وكمان حاول تغير من روتين يومك وتعمل حاجات جديده زى انك تخرج مثلا او تقرأ كتاب معين أو تسمع بودكاست ده هيغير كتير اوى من روتينك ونظام حياتك وتذكر دائما أن ربنا معاك في كل خطواتك وبيساعدك.وافتكر دايما انك قوى وهتقدر🌷
تم النشر الأحد، ٢٣ يونيو ٢٠٢٤
ألتمس لك العذر فيما تشعر به فالواقع المعاصر يفرض علينا مشتتات كثيرة ،، ممكن نعمل تحاليل طبيه عند دكتور باطنه نتأكد من عدم وجود نقص فيتامين د أو هيموجلوبين أو ماغنسيوم ،، نهتم بالتغذية جيدا والرياضة ضرورة ،، ثم ،، لا يجب أن تصف نفسك بأن لديك اضطراب نفسي او انك شخصية سامه لأنها رسائل في اللاوعي تكون صورتك عن نفسك ،، اعمل جدول أسبوعي وشهري وسنوي لما يفترض أن تحققه في الحياه وخذ اول خطوه وسيصبح الباقي اسهل بكثير ،، العمل والانجاز يعزز ثقتك في ذاتك ،، الالتزام الديني بصلاتك سيساعدك في الراحة النفسية ،، تحياتي لك
تم النشر الاثنين، ٢٤ يونيو ٢٠٢٤
السلام عليكم ورحمه الله وبركاته. انا هقول لك اكتر حاجه انا شفتها في كلامك ان ممكن يكون عندك. تقدير قليل قوي قوي قوي بنفسه. التقدير قليل لنفسك انك لما بتقف قدام مشاكل او ازمات او مواقف حتى لو الحاجات دي عدت انت بتبص لنفسك اللي هو انا اصلا ما كنتش قادر اعدي حاجه زي كده انا اصلا مستحملش حاجه زي كده لو ده انت دايما شايف نفسك في يعني في الحته دي او باصص لنفسك بالشكل ده فده يخليك طول الوقت متضايق وحاسس ان كل شيء هيكون ضاغط حتى لو مفيش حاجه بتحصل. ده هيخليني حتى لو كان نفسي في حاجه وجت لي برضو هتوتر وخايف اخاف من ايه ده انا هي جات لي بس انا مش قدها اصلا. لو انت بتحس بده طول الوقت هتحس بانك مشدود طول الوقت معدتك هتوجعك وتبقى عندك التنشن ده لانه من جواك في حاجه عماله بتقول لك بتلطش فيك كده حرفيا يعني تقول لك انت. مش قد كده؟ لو دي الصوره اللي عندك ضروري تعدل علشان الامور تكون احسن بكثير.
تم النشر الاثنين، ٢٤ يونيو ٢٠٢٤
أفهم شعورك كويس، ومن الطبيعي إن الواحد يحس بلخبطة وتوتر في أوقات معينة، خصوصاً لما تكون الحياة محملة بالكثير من الالتزامات والمسؤوليات. بلاش تقلق، خلينا نحاول نبتدي خطوة خطوة: التنفس العميق والاسترخاء : أول حاجة ممكن تعملها حاليًا هي تاخد شوية وقت لنفسك. اقعد في مكان هادي وخد أنفاس عميقة وبطيئة. ركز على التنفس ودعي كل حاجة تانية تبعد شوية. التواصل مع حد تثق فيه : ساعات الكلام عن المشاكل بيساعد كتير. لو عندك حد تثق فيه زي صديق مقرب أو فرد من العيلة، حاول تتكلم معاه عن اللي تمر بيه. أكل وشرب بسيط : حتى لو مش قادر تاكل، جرب تشرب شوية حاجات خفيفة زي شاي بالأعشاب. جسمك محتاج تغذية عشان يقدر يواجه الضغوط. اكتب افكارك : جرب تكتب أفكارك في ورقة. مرات الكتابة بتساعد في تنظيم الأفكار وتفريغ الطاقة السلبية. أولوياتك : حدد أولوياتك وابدأ بحل الأمور واحدة واحدة. مش لازم تخلص كل حاجة في يوم واحد. النوم الجيد : لو تقدر تنام حتى لو ساعتين، ده ممكن يديك شوية طاقة. مرات قلة النوم بتزيد من التوتر. نصيحة طبية : لو التعب الجسدي بيستمر لفترة طويلة، يبقى لازم تتابع مع دكتور نفسي. ممكن تحتاج لدعم مهني يساعدك على التعامل مع الضغط. النشاط البدني : حتى لو بنط بسيطة في البيت أو ماشية هادية برة ممكن تنفع، النشاط البدني بيساعد على تحسين المزاج. الراحة والوقت لنفسك : مهم تاخد وقت ترتاح فيه وتعمل حاجات بتحبها. ده جزء من الرعاية الذاتية. تفكرش إنك شخص توكسيك عشان حسيت بالتعب ده، الشعور بالتوتر أو الإحباط طبيعي في أوقات الضغوط. كونك عايز تاخد خطوات لتحسن من نفسك ده بيعكس قوتك ورغبتك في التغيير للأفضل. لو احتجت أي نصايح تانية أو حد يسمعك، أنا هنا ليك. حافظ على نفسك واتبع النصايح دي، وإن شاء الله الأمور تتحسن معاكا تدريجيًا.
تم النشر الأحد، ٢٣ يونيو ٢٠٢٤
بحس ان الظروف المحيطه بينا اللي مخليانا كده دايما في ضغط وسباق عشان ترتب حياتك وتنجح ويبقي ليك مستقبل كبير فبتبقي بتحلم ورافع سقف توقعاتك بس لما بنتخرج بتتفاجي ان مش عارف تعمل حاجه وواقف في نقطه وبتحاول وبتفشل فبتحس بيأس فاي مشكلة بسيطه بتاثر فيك واحساس الفشل بيبقي مصاحبك، بس الحل اننا نرجع لربنا ونفتكر ان المستقبل في ايده بس فمترتبش حاجه وسيبها ع الله وحاول تتجه للعبادات وتفتكر ان الكل في الوضع ده.
تم النشر الاثنين، ٢٤ يونيو ٢٠٢٤
لعرض السؤال في فدني اضغط هنا