بعد اذنكم انا عايزه اخصائي نفسي يجاوبني هو ليه بنيجي عند ثانوي ونكره المذاكره
عشان المجتمع والأهل بيوصلو فكرة ان الثانوية العامة هي المستقبل وهي المرحلة الفاصلة في الحياة، اما تكون ناجح او لا فبنكره المذاكرة بسبب الخوف من المستقبل والضغط الكبير الي الأهل بيعملوه علينا
تم النشر الجمعة، ٢١ فبراير ٢٠٢٥
السلام عليكم، شعور طبيعي جدًا، ومش مقتصر على الثانوية العامة... الطلبة في المراحل الأخرى من التعليم إذا كان فيه ضغط شديد من الأهل بخصوص دراستهم بيمروا بالشعور ده. الثانوية العامة أكثر لأن معظم الطلبة بيتعرضوا لضغط الأهل في الفترة دي وبتكون بالنسبة لهم هي المرحلة المصيرية من العمر وبيحسسوا الابن إنه إذا لا قدر الله منجحش بالتفوق اللي هم شايفينه (من وجهة نظر المجتمع) فهو كده حياته تدمرت. غير التوقعات والآمال اللي الأهل بيرسموها في المرحلة دي ويحملوا أولادهم ضغطها. فأول ما الطالب يبدأ الإجازة قبل الثانوية العامة مباشرة ويحس إنه خلاص داخل الكابوس بيبدأ يدخل في كره ونفور من الدراسة وممكن يلجأ للهرب بطرق نفسية مختلفة. ** بالنسبة لأخوكِ، حاولوا تتكلموا معه وتفهموه إنها مش نهاية العالم، أيوه هي سنة مهمة ولازم يعمل اللي عليه لكن مش لازم يقلق بخصوص النتيجة وإنه النجاح هو يقدر يحققه في أي مكان ومش الكلية اللي هيدخلها هي اللي هتصنع النجاح ده. شوفوا كمان أصدقاءه والمحيط اللي خارج البيت وتأثيره عليه. حاولي تقربي منه وتسمعي له من غير ما تحسسيه إنك كبيرة وبتتناصحي عليه مثلا. ممكن لو فيه مساحة يكلمك فيها عن مشاعره عن البنت اللي ذكرتِها فممكن يكون ده مدخل إنه يجتهد عشان لو حابب يتقدم لها بعد كده، يعني خليه من نفسه يضع ده هدف للإنجاز لكن مش وسيلة تانية تضغط على نفسه ويحس بالعجز بسببها. ** فيه نصائح كتير هنا على التطبيق بخصوص المذاكرة والتغلب على التسويف ممكن تطلعي عليها وتشوفي تساعديه بها إزاي. بالتوفيق إن شاء الله.
تم النشر السبت، ٢٢ فبراير ٢٠٢٥
أهلاً بك، من الطبيعي أن يشعر العديد من الطلاب بعدم الرغبة في المذاكرة خلال فترة الثانوية. هناك عدة أسباب يمكن أن تساهم في هذا الشعور، منها: الضغط الدراسي : الثانوية العامة غالبًا ما تكون مصحوبة بضغط كبير بسبب التوقعات العالية من الأهل والمجتمع. هذا الضغط قد يؤدي إلى شعور بالإرهاق. عدم وجود دافع واضح : قد يشعر الطالب بعدم وضوح الأهداف المستقبلية. إذا لم يكن لديه فكرة عن ما يريد دراسته بعد الثانوية، فقد يفقد الحافز للمذاكرة. تغير أولويات الحياة : في هذا العمر، يتمتع الشباب برغبة في الخروج والاستكشاف والالتقاء بالأصدقاء، مما قد يجعل المذاكرة أقل جاذبية. التقنيات التعليمية : قد يجد بعض الطلاب أن طرق التعليم والمذاكرة التقليدية غير فعالة، مما يؤدي إلى شعور بالإحباط. التحديات العاطفية : يمكن أن تؤثر المتغيرات العاطفية والاجتماعية على التركيز والرغبة في الدراسة. أوصيك بالتحدث مع معلم أو مستشار مدرسي لمساعدتك في إيجاد استراتيجيات للحد من ضغط المذاكرة وزيادة الدافع لديك. تذكر أن تحقيق الأهداف يتطلب التوازن بين العمل والدراسة، والأهم من ذلك، أن تكون لديك الرغبة في التعلم والنمو. وفقك الله فيما تسعى إليه.
تم النشر الجمعة، ٢١ فبراير ٢٠٢٥
ـ فُقدان للهدف، ضعِي هدف أمام عينك وأسعِي لتحقِيقه.
تم النشر السبت، ٢٢ فبراير ٢٠٢٥
ضغط الاهل عليك بيفهمك ان الثانويه اخر الدنيا وهي سنه زي اي سنه وكله بيعدي واللي له حاجه بيشوفها
تم النشر السبت، ٢٢ فبراير ٢٠٢٥
لعرض السؤال في فدني اضغط هنا