السلام عليكم
انا ف تالتة ثانوي أزهر قاسمه السنه مفروض المواد اللي معايا السنادي هي الرياضيات كلها والإنجليزي والمواد الشرعيه وحرفيا ضايعة فيهم يعني الرياضة لحد الان مبدأتش فيها والإنجليزي والمواد الشرعية ضايعة فيهم والامتحانات خلاص ومش عارفة اعمل ايه
حياتي بتدمر قدامي ومستقبلي بيضيع ونا مش عارفة اعمل ايه ولا اتصرف ازاي والمشكلة ان مفيش حد جمبي يكون داعم ليا او يساعدني ف المشكلة دي انا خايفة ان مقدرش أحقق حلمي
السلام عليكم، بصي أنتِ في الحقيقة مش محتاجة حد يدعمك ويشجعك... فيه ناس كتير زيك ومش عندهم حد يدعمهم. أول وأهم حد عشان يدعمك ويشجعك هو أنتِ. لازم تفهمي إن القلق مش هيفيدك وإنك تفضلي واقفة مكانك مش عارفة تبدأي منين ده مش هيخليكِ تتقدمي خطوة. ابدأي وحتى لو خطواتكِ صغيرة وبطيئة أفضل بكتير من إنك تفضلي واقفة مكانك بتسألي. متفكريش أبدًا بسلبية. شيلي من دماغك خالص فكرة إن حياتك بتدمر ومستقبلك بيضيع. لما بترددي الكلام ده عقلك الباطن بيصدقه وبينفذه في الواقع وبيخلي تفكيرك مشلول وعاجزة عن التصرف صح. مفيش حياة بتدمر ولا مستقبل بيضيع إن شاء الله... كلها وساوس في دماغك. ** ابدأي الأول بالاستعانة بالله والتوكل عليه. جددي نيتك من الدراسة والمذاكرة. برمجي عقلك على إنك هتعملي اللي عليكِ مهما كان الوقت قليل وإنك متأكدة إن ربنا هيوفقك ويكتب لك الخير. غيري طريقة مذاكرتك، طالما حاسة إنك بطيئة يبقى فيه مشكلة في طريقتك... ممكن فيه مشتتات حولك... ممكن القلق إنك هتخلصي وتلحقي ولا لأ... مهم جدًا تعرفي إن العمل بيتمدد عشان يملأ الوقت اللي بتحدديه له زي ما بيقول قانون باركنسون... هتحددي نصف ساعة تذاكري درس معين هتركزي وتخلصيه.. هتقرري تذاكريه في ساعتين هتلاقي نفس الدرس تمدد معك وخلص في ساعتين... إزاي بقى؟ هتلاقيكِ بتذاكري ببطء، بتفكري كل شوية وتعيدي وتزيدي.. بتسرحي شوية وترجعي تقرأي. عشان عقلك حاسس بوجود وقت متاح، لكن لو حكمتِ عقلك ونفسك بوقت محدد هتلاقي تركيزك أكبر عشان تلحقي تخلصي في الوقت المحدد. ** ابدأي من دلوقتي ومتنتظريش.. خدي كم ساعة رتبي فيهم أفكارك وموادك وحددي المتراكم من كل مادة وحددي الوقت المناسب ومتمطيش في الوقت. كل درس هتذاكريه... ابدأي اقرأيه قراءة سريعة وبعدين اسمعي الشرح فيديو وسجلي ملاحظاتك... بعدين ارجعي ذاكريه بتأن صدقيني ببعض التنظيم ومراقبة الوقت هتقدري تخلصي المواد كلها بس انتِ تتخلصي من خوفك وأفكارك السلبية. حاجة كمان مهمة، المذاكرة لوحدها ملهاش لازمة من غير مراجعة منتظمة على اللي بتذاكريه كل كم يوم عشان المعلومات تثبت في الذاكرة طويلة الأمد. ** قسمي جدول مذاكرتك حسب مواعيد الصلاة هتلاقي انتظام في يومك وبركة في وقتك ومذاكرتك. ** بالتوفيق إن شاء الله.
تم النشر الاثنين، ٢٧ يناير ٢٠٢٥
وعليكم السلام ورحمة الله وبركاته، أختي العزيزة، أشعر بمدى الضغط الذي تعانين منه والقلق الذي يسيطر عليك في هذه المرحلة الهامة من حياتك. ولكن يجب أن تعلمي أن القلق لا يُحل بالمزيد من التفكير في المستقبل، وإنما يتطلب منا اتخاذ خطوات عملية وفعالة. إليك بعض الخطوات التي قد تساعدك في التغلب على هذا الصعوبات: التخطيط : حاولي وضع خطة دراسية واضحة. قسمي المواد إلى وحدات صغيرة، وحددي الأوقات التي ستخصصينها لدراسة كل مادة. هذا سيساعدك في تنظيم وقتك وتحقيق التقدم. الأولويات : نظمي أولوياتك حسب مدى صعوبة كل مادة. ربما تكون الرياضيات هي الأكثر تحديًا بالنسبة لك، ابدئي بها أولًا، ثم انتقلي إلى المواد الأخرى. المساعدة :ابحثي عن استراتيجيات تعلم جديدة. يمكنك محاولة الدراسة مع زميلة من الصف أو حتى الاستعانة بمدرس خصوصي إذا كان ذلك ممكنًا. التعاون مع الآخرين يمكن أن يسهل فهم المادة. التركيز : ابتعدي عن أي تشتيت وركزي فقط على الدراسة. حاولت تخصيص مكان معين للدراسة حيث يمكنك التركيز بشكل كامل. الاستراحة : احرصي على أخذ فترات قصيرة من الراحة بين فترات الدراسة لتجديد نشاطك. طلب الدعاء : لا تنسي الدعاء، فالإيمان بالله والثقة في خطتك المستقبلية يمكن أن تمنحك القوة والشجاعة للتغلب على التحديات. تذكري أن كل شيء يمكن تحقيقه بالتدريج، والأهم هو أن تأخذي خطوات صغيرة نحو هدفك دون فقدان الأمل. أتمنى لك التوفيق والنجاح في امتحاناتك وتحقيق أحلامك.
تم النشر السبت، ٢٥ يناير ٢٠٢٥
حددي المعلم نظمي استهلاكك لوقتك يعني فكك هتخلصي ولا لاء وفي قد ايه المها تحطي في بالك ان اليوم يعدي ومعاكي علم وحصيلتك زادت من المنهج وخد من التل يختل عمرك ما هتنظمي وتشتغلي وتبقى صفر هتوصلي بتوفيق ربنا بس اشتغلي ونزلي تطبيق Flip وذاكري مع المصريين هترفع معنوياتك
تم النشر الاثنين، ٢٧ يناير ٢٠٢٥
شكرا ليكي بجد
تم النشر الأحد، ٢٦ يناير ٢٠٢٥
هعمل كدا ان شاءالله
تم النشر الأحد، ٢٦ يناير ٢٠٢٥
كون انك بطيئه احسن من انك تقفي خالص شوفي اي الي بيشتتك مثلا خلي التلفون بعيد عنك وحطي تايمر قدامك علشان تبقي شايفه الوقت بيعدي ف تنجزي اكتر المهم انك بتشتغلي وتعملي الي عليكي اقعدي مع نفسك شوفي انتي بتبقي بطيئه ليه يعني بتفقدي تركيزك ولا بتسرحي انت وبتذاكري شوفي المشكله وابدئي بالعلاج وادعي ربنا كتير يباركلك في وقتك
تم النشر الأحد، ٢٦ يناير ٢٠٢٥
المشكلة اني بطيئة جدا فى المذاكرة يعني ممكن أفضل صاحية طول الليل بذاكر ومخلصش غير درس واحد مثلا ويمكن اقل
تم النشر الأحد، ٢٦ يناير ٢٠٢٥
بصي ابدئ حددي التراكمات الي عندك تمام وهاتي شرح علي اليوتيوب احضري الشرح وبعدين ذاكري وحلي عليه يعني مثلا حددي انك بكرا هتخلصي وحده انجليزي هاتي شرح للوحده وافهميه كويس وذكريها وحلي عليها المواد الشرعيه ابدئيها من الاول لو مش مشتركه مع مدرس مثلا لو مشتركه امشي مع المستر الجديد اول باول والقديم حددي ليه وقت تخلصيه فيه وممكن مثلا تاخدي ماده زي التوحيد وتخلصيها في اربع ايام مثلا وهكذا
تم النشر الأحد، ٢٦ يناير ٢٠٢٥
بس أنا مشكلتي اني مش عارفة ابدأ ازاي ولا أعمل اي والموضوع دا مؤثر عليا جدا ومش عارفة اركز ف اي حاجه خايفة اضيع الفرصة اللي اديهاني ربنا بس انا مش عارفة ابدأ ازاي 🙂.
تم النشر الأحد، ٢٦ يناير ٢٠٢٥
انا زيك تالته ثانوي أزهري بس انا اول سنه يعني مش قاسمه وحرفيا ضايعه في كل المواد ومواد تاني لسه مفتحتهاش بس عايزه اقولك متستنيش حد ابدئ مع نفسك حددي التراكمات الي عندك وابدئ ذاكري بصي مفيش حل غير انك تذاكري مفيش حل تاني اعتمدي علي نفسك وهاتي اخرك الفتره دي معلش فتره وهتعدي اعملي الي عليكي وادعي كتير وابداء بتنظيم علاقتك مع ربنا ونظمي يومك وذاكري
تم النشر الأحد، ٢٦ يناير ٢٠٢٥
لعرض السؤال في فدني اضغط هنا