السلام عليكم انا طالبه في تالته ثانوي ونفسي في حاجه معينه بسعي عشانها بدعي ربنا ينولهالي حاليا انا بعدت عن اي مشتت ممكن انه يبعدني عن دراستي بس انا بحب ديما اهتم بشكلي وبلبسي بحب لبسي يكون منظم مكوي منسق بحب البس خواتم ديما وانا رايحه الدروس مثلا هل اهتمامي بلبسي وبشكلي ممكن انه ياثر علي دراستي او كدا مع العلم ان لبسي كويس مش ببين حاجه من جسمي مثلا قولت مش ههتم بلبسي وانا رايحه الدرس وهلبس اي حاجه واطلع درسي بس انا بني ادمه بحب كل حاجه تكون متظبطه وع المسطره هل دا ممكن ياثر علي دراستي؟!
وعليكم السلام! بصي، اهتمامك بمظهرك ولبسك حاجة كويسة جدًا. كتير من الأوقات، بنلاقي إن الشكل الخارجي بيفرق في ثقتنا بنفسنا وبيدينا طاقة إيجابية. لو لبسك ونظامك بيساعدوك تحسي بالراحة والثقة، مش هيكون فيه مشكلة. المهم يكون عندك توازن. يعني مفيش مانع إنك تهتمي بشكلك، بس من غير ما يأثر على وقت دراستك. حاولي تخصصي وقت للدراسة ووقت للاهتمام بنفسك، كده هتقدري توفقي بينهم. الاهتمام بالشكل مش غلط، لكن لازم تحطي أولوياتك في الاعتبار. لو ده بيديك ثقة وبيدعم دراستك، استمري في كده!
تم النشر الخميس، ٢٢ أغسطس ٢٠٢٤
عامة دا مش بيأثر علي دراستك في اي حاجه المهم انك متديش وقتك كلو للاهتمام بشكلك او لبسك بس كل الموضوع هو أنك تنظمي وقتك بين دروسك ومذاكرتك واهتمامك بنفسك لأن طبعا الاهتمام بالنفس والصحه والنضافه والشكل دا مهم جدا ولازم وبيساعدك علي راحتك النفسيه بس المهم زي ما قولتلك تنظمي وقتك وتدي للمذاكره حقها بردو وربنا معاكي ويوفقك ياروحي يارب
تم النشر الخميس، ٢٢ أغسطس ٢٠٢٤
السلام عليكم هقولك علي حاجه انا مريت بنفس الحاجه من كام سنه. بس الفكره ان اصحابي هما اللي بيقولو ليا انتي لي مهتمه بنفسك اووي كدا انتي في تالته ثانوي الاهتمام بنفسك حاجه حلوه جدا بس ده متخلهوش ياثر عليكي ويعني ركزي علي هدفك الاساسي انك تذاكري و و اعتبري انك وانتي رايحه الدرس ده ترفيه عن نفسك البسي اللي. عايزه متخليش حد ياثر عليكي اوعي تنسي هدفك الاساسي انك لازم تشدي حيلك ربنا معاكي يارب اشوفك في احسن الاماكن يارب
تم النشر الخميس، ٢٢ أغسطس ٢٠٢٤
هذا ما افعله
تم النشر الخميس، ٢٢ أغسطس ٢٠٢٤
اهتمي بنفسك جدًا لكن في حدود الشرع، يعني لا يكن مظهرك ملفت للنظر. وكذلك لا تعطي للأمر أكبر من حجمه كأن تجربي عدة أطقم قبل الدرس وما شابه، سهلي على نفسك بعدة أطقم مريحة وساترة وجهزيهم للاسبوع كاملًا واسحبي منهم. بالتوفيق.
تم النشر الخميس، ٢٢ أغسطس ٢٠٢٤
لعرض السؤال في فدني اضغط هنا