المشكلة هنا مش انك تهتم كثيرا ....الحقيقة ده بيكون خوف. خوف من ردودالافعال الغير متوقعه فبتحاول تتوقعها . خوف من الرفض او الانتقاد. عاوز تشوف الحلو وبس . اللى بيحصل ده كله بسبب رفضك لحقيقة انك تقدر تتعامل مع كل الاوضاع ...انت بتقول لنفسك ...لا انا مقدرش اتعامل فتقعد تفكر كتيييير يمكن تمنع حدوث اللى ماقدرش تتعامل معاه . عاوز الحل الجذرى ...تقبل حدوث الاشياء السيئة وان فى احداث كمان مش هتقدر تعمل فيها اى حاجه غير انك تعيشها وبس وتتعامل مع الامور بالتدريج وزى ما تكون الموجه هتكون سباحتك مع نفس اتجاها والا هتبقي بتقاومها وعكس الاتجاه ....زى الافكار الكتيرة اللى بتعملها دى . وقف الخوف هتقف الافكار ....اللى يحصل يحصل ...الحلو هنفرح بيه ونقدره.....الوحش بنتصرف فيه او بنتجنبه. بس كده.
تم النشر الخميس، ١٦ فبراير ٢٠٢٣
طبعا ده مؤلم جدا ليك انك تقعد تفترض أشياء كتيرة وتبني توقعات كتيرة في دماغك؟ ولكن ايه اللي بيدفعك انك تتصرف التصرف ده؟ مثلا لو (س) ده قالك هقابلك الساعة 8 وجت الساعة 8 ومجاش انت ممكن تتصرف ازاي وعقلك بيحكم ازاي على التصرف ده؟
تم النشر الخميس، ١٦ فبراير ٢٠٢٣
حاول دايما تدون الافكار دي فنوت ع الموبايل مثلا.. وفالموقف نفسه شتت تفكيرك بالجمع أو الطرح أو ترديد جمله أو أيه أو تسبيح.. اليوجا والميديتيشن والهدوء بيساعدوا آوي علي تصفيه الذهن.. لو حاولت ال ٣ حاجات مع بعض إن شاء الله يقل تدريجيا
تم النشر الأربعاء، ١٥ فبراير ٢٠٢٣
اول حاجه محتاج تشارك شخص واحد قريب منك بأفكارك واحكيها ليه مره واحده وفرغ الافكار دي بشكل مكتوب مره واحده يعني الفكره الواحده تحكيها مره او تكتبها وبعد متفرغها اقطع الورقه وكل متزن ع دماغك تاني شتتها بأستغفار بتسبيح بدندنه اغنيه او ترديد جمله بتريحك وبتحبها او القيام بنشاط جسدي بحيث انه يشتت الفكره الموجوده والملحه عليك كمان في تمارين الاسارخاء العضلي والذهني مارسهم هيفرقوا معاك جدا واعمل رياضه ومجهود بدني منتظم كمان ممكن تواظب ع القرائه واقرأ بصوت مرتفع عشان تشتت الافكار القهريه دي
تم النشر الأربعاء، ١٥ فبراير ٢٠٢٣
لعرض السؤال في فدني اضغط هنا