السلام عليكم
بصراحه انا مشكلتى متعلقه بحكايه الثقه بالنفس
الثقه عندى معدومه وال مزود الموضوع دا عندى وزنى الزايد وبقالى اربع سنين بحاول اخس مش عارفه ولو خسيت ارجع تانى في وقت قصير وطول الوقت بحاول ادارى نفسي وبقيت انطوائيه جدا جدا وكله بيلاحظ دا حتى في البيت مش بعرف البس براحتى بقالى كام سنه كدا عشان محدش يتريق عليا ومعنديش صحاب وثقتى بالناس معدومه وانا علطول محبوسه في البيت
وعليكم السلام الوزن الزايد او القليل اولا تعرفى انه مرحلة فى حياتك وطبيعة فى جسمك ومش شرط تبقى دى نهاية العالم حاجة كده تعتبريها زى لون بشرتك ..اى كان لون بشرتك فانتى عايشة عادى وبتروحى وتيجى ...طيب لاى ظرف صحى مثلا بشرتك لونها اختلف ..حياتك مكملة عادى اوعى تستخبى و هدف انك تخسسى ده بتاعك انتى وبس ..مش مهم رأى حد دلوقتى خالص عارفه انك محتاجة الدعم وده طبيعى بس لو مش لاقينه حوالينا فهو محتاج يطلع من جوانا اكتر انجازك اللى هتعمليه بنفسك هيديكى ثقه متتخيليهاش وهى دى اللى هتلاقى اللى هتخلى اللى حواليكى يشوفوكى بشكل اقوى بكتير . وخديها واحده واحده مش لازم يبقى نظام شديد ...عودى نفسك على اكلات صحية ومشبعه ونظام يكمل معاكى وجسمك يتعود عليه وتقدرى تستمرى لو ركزتى تبقى فى جسم صحى هتلاقى نفسك بتوصلى لجسم مرتاح وهتختلفى مع الوقت من غير ما تحسى .
تم النشر الأحد، ١١ فبراير ٢٠٢٤
بصي ياحبيبتي الوزن ده خلينا متفقين انه مهم مش عشان الناس تحبك ولا تصحبك ولاحتي عشان متتنمرش عليكي لابس بس هو مهم عشان صحتك وربنا يديكي طولة العم وتقدري تعيشي حياتك بدون امراض ولا معاناه وساعتها هتقولي لو كنت خدت القرار من الاول كان هيبقي اسهل من اللحظه دي.. عارفه وانتي بتاكلي كده بصي لنفسك قولي ده بيريحك فعلاً ولا بتأذي نفسك.. انتي ممكن تكون الدنيا مقفوله في وشك عشان كده بتهربي في الاكل. مهما الانسان نصح الانسان مش هيتقبل النصحيه الا لو فعلاً عايز يتغير بجد من جوه مش من برا انتي المسؤله عن حياتك كمان تلت سنين مثلا محدش هيفتكر مشكلتك لكن انتي اللي هتعاني قرري وشوفي هل تحبي بقيت حياتك تكمل بالمنظر ده ولا لا.. ومتنسبش ان سألت فسأل الله وان استعنت استعن بالله !
تم النشر الأحد، ١١ فبراير ٢٠٢٤
ربنا معاكي
تم النشر الأحد، ١١ فبراير ٢٠٢٤
قولي لنفسك انا حلوة زي ما انا انا حلوة بشكلي ده وكل ما فيا واهتمي بنفسك اعملي ماسكات واستخدمي مرطبات وحطي برفان بتحبيه وانتي في البيت والبسي اللبس اللي يخليكي مرتاحه نفسيا وقولي لنفسك انا اكيد ربنا عوضني بحاجه تانيه تخليني حلوة هتلاقي نفسك مع الوقت اتغيرتي
تم النشر الأحد، ١١ فبراير ٢٠٢٤
لازم تثقي في نفسك الأول وتثقي انك حلوة عشان تقدري تعملي اللي انتي عاوزاه لازم تحبي تتغيري عشان نفسك مش عشان حد ولا عشان نظرة الأهل والمجتمع لازم تحبي نفسك وتقوي نفسك بنفسك وانتي هتلاحظي التغيير اللي هيحصلك العامل النفسي هيساعدك تعملي رياضة وتحاولي مرة واتنين والف ومتيأسيش لو ملقتيش نتيجه من اول مرة حاولي كتير وهتلاقي كل حاجه حواليكي حلوة
تم النشر الأحد، ١١ فبراير ٢٠٢٤
لعرض السؤال في فدني اضغط هنا