مشكلتى انى مهمله جدا فى مذاكرتى مبذاكرش ساعه على بعضها وجربت كتير اعمل وقت جمبى بس مش بهتم بيه ررضو ايه الحل لانى فى ثانويه عامه
ازيك يارب تكوني بخير طيب هل استعابك كويس، يعني بتفهمي الدرس بسرعة، انتي ممكن تكوني بتفهمي الحاجه بسرعة أو بتستوعبي الدرس اللي بياخد مثلا ساعتين وانتي بتخلصيه في ساعة. أما لو كان استيعابك في العادي، فجربي أنك تذاكري بطرق مختلفة عن اللي انتي بتذاكري بيها، لربما يكون مثلا انتي الطريقة بتاعتك اتعودتي عليها، أو حسيتي بالملل. ف محتاجه أنك تشوفي طرق تانيه تخليكي تحبي المذاكرة. دوري على اليوتيوب لطرق جديدة ومبتكرة للمذاكرة. وشوفي كذا طريقة لحد ما تلاقي الطريقة المناسبة اللي تنفع معاكي. كمان ممكن تذاكري مع صحابك بس خلي ده اخر حل خالص، جربي الاول الحلول اللي مع نفسك احسن. علشان يكون اعتمداك الكلي على نفسك في الاول. وابعدي عن المشتات اللي بتكون جمبك، زي الفون، التلفزيون وهكذا...
تم النشر الأربعاء، ٣٠ نوفمبر ٢٠٢٢
محتاجة حد يقعد جنبك او تذاكرى فى مجموعة او تقسمى الوقت ...ذااكرى نص ساعة وقومى عشر دقايق وارجعى نص ساعة تانية وهكذا ممكن بس طبيعتك تكون انك متعرفيش تقعدى كتير بنفس الشكل ونفس المكان. وممكن تكونى مش مدركة اهمية المذاكرة دى لمستقبلك وشايفه ان كله زى بعضه.....فمحتاجين ندور على هدف يحمسنا للمذاكرة .
تم النشر الأربعاء، ٣٠ نوفمبر ٢٠٢٢
حاولي تشوفي حد من اصدقائك الشاطرين يحمسك للمذاكره اعملي جدول وخلي حد يتابعك فيه اوجدي لنفسك هدف علشان تقدري تلنزمي بيه يعني مثلا هدف المجموع أو الكلية أو الاعتماد علي نفسك اي حاجة يعني تخليكي تكملي
تم النشر الجمعة، ٢٥ نوفمبر ٢٠٢٢
اعملي جدول واعملي حاجة تكافئي نفسك بيها لو مشيتي على جدول مثلا بتحبي تتفرجي على مسلسل معين اجليه لاخر اليوم ولو مشيتي على الجدول اتفرجي عليه كنوع من المكافاة ذكري نفسك دايما بالنتيجة اللي ممكن تحصل لعدم المذاكرة كنوع من تخويف النفس شوية من العواقب
تم النشر الثلاثاء، ٢٩ نوفمبر ٢٠٢٢
لعرض السؤال في فدني اضغط هنا