أنا بنت عمري ٢٦ أشعر بحاجة للأنس والزواج ،علاقاتي الإجتماعية قليلة وأكره حضور المناسبات والتجمعات فعلا مش بتحملها وكل لما حد يمدحني أو تبقى في تلميحات للزواج تقولها لي سيدات لحد تعرفه يعني او أخو صاحبتي مثلا وصحبتي تقولي بحس إني بهرب وببعد وبنهي الموضوع من بعيد لبعيد وبظهر الرفض أو بختفي من المكان ومش برجع له تاني .. المفروض أتخلص من ده أزاي وأعمل إيه عموما
سنك حاليا هو بداية النضوج الفكرى وتحقيق ذاتك وكيانك ، جميل انك ترتبى أولوياتك وانك مهتمة بتفاصيل. واعرفى انك على اول الطريق .. فواحدة واحدة على نفسك ثقى ان كل حاجة لها ساعة وميعاد . اعملى دورك كامل وفوضى امورك لربنا . الأنس ممكن يتحقق بطرق كتيرة جدا ، فحددى الاول انتى عايزة الجواز لأجل المشاركة وبس ولا عشان تكونى أسرة وهو ده حلم حياتك . نقطة الخوف ... مبدأيا خلينا نتفق ان شعور الخوف من المشاعر الصحية طالما هو ف حدود الطبيعى ، فهو من المشاعر الملازمة طوال العمر ويختلف ما نخشاه ف كل مرحلة عمرية حسب ظروفها . فى حالة انك عايزة تعرفى صفات شخصيتك وتحددى نقاط القوة والضعف وتكتسبى مهارات وسلوكيات .. عليكى بإجراء اختبارات أنماط الشخصية يوجد عدد لا حصر لها على شبكة الإنترنت (ارشح لكى تحميل تطبيق ذاتك ... ان شاء الله يكون مساعد وداعم لكى ) . ** لسه مش قابلتى نصك التانى فى الحياة ، اطلبيها من ربنا " انه يجمع بينك وبين نصفك الاخر فى الحياة الدنيا على خير فى التوقيت المناسب "
تم النشر الخميس، ١ فبراير ٢٠٢٤
بصي يا حببتي حولي تخرجي من ديرة ألأوهام اللي انتي فيها دي علشان تعرفي تتعيشي صح و تعيشي حياتك صح طبعا الزوج هذا قسمه و نصيب لا تفكري كثيراااااااااا في هذا للموضوع و تقربي الي الله عز وجل و أدعي ديما و قولي اللهم ارزقني حبا حلال و مشكلة انك بتهربي من المكان لما حد يحب يتعرف عليكي ده معنا حاجه من الاتنين أيما انتي رفضه بسبب سوء معملة الاب معا الام ام انتي تنظري الي الأشخاص المطلقون و هذا يؤدي الي شئ من العقد من الزوج إجلسي معا نفسك و امسكي ورقه و قلم و اكتبي كل الحاجات إللي خائفه منها و ضعي خطه كي تتخلصي من كل الاشياء التي تريدي التخلص منها و الله معاكي اينما كنتي
تم النشر الأربعاء، ٣١ يناير ٢٠٢٤
كيف هى علاقتك مع اهلك؟ ما هى عيوب الزواج من وجهة نظرك حاليا؟
تم النشر الثلاثاء، ٣٠ يناير ٢٠٢٤
هو ايه اللي بالعقل ده حاجة حصلت وانتهت يعنى بتكون تاريخ و معروفه مش محتاجة فزلكة ونقول بالعقل ! .. اللي قال منتكلمش ف الدين من غير بحث هو ربنا "فسئلوا أهل الذكر إن كنتم لا تعلمون " مقالش نتكلم ع هوانا ! ..أظن اننا وصلنا لحائط سد والجدال هيكون غير مُجدي فأنا مش هناقشك تاني وخلاص متشكرة للمساعدة ف المشكلة الأصليه .
تم النشر الخميس، ١ فبراير ٢٠٢٤
نفس المعاناه 🤦♀️
تم النشر الأربعاء، ٣١ يناير ٢٠٢٤
الزواج بريئ من كل التهم اللي متوجهالو.. كل انسنا عنده عيوب و صدمات و مشاكل نفسيه ف لما الشخص دا مببحاولش يصلح نفسه داخليا و يتشافي بيستحق ان ياخد شريكه حياه زيه تمام عندها عيوب و صدمات و كمان مشاكل نفسيه بنفس المقدار اللي عندو بس بيختلفو الانواع و دا من عدل الله ف ربي بيجمع المتزنين سوي و بيجمع المطربين نفسيا سو و ربي قال كدا ف القران بشكل واضح قال الطيبون لطيبون و الخبيثين للخيبثون اعذرني لو كتبت الايه غلط المهم عندي يوصلك المعني و طبعا اللي واضح ان كل اللي بتشوفيهم ف حياتك عندهم عيوب مشتغلوش عليها و يمكن كمان عندهم مشاكل نفسيه ف بيعيشو ضور الضحيه لما ميعرفوش يستمتعو بالزواج يرمو اللوم ع الزواج و يقولو ياريتنا ما تزوجنا لو تلاحظي ان الاشخاص دي حتي قبل الزواج كانت بتتذمر من العيش ف بيت اهله و كانت تقول امتا اتزوج و ارتاح من العيشه دي ف زي ما بنقول كدا بالمصري قامت من نقرا وقعت ف دحديره يعني اللي كامت بتهرب منه ف بيت اهله هتلاقي ف بيت جوزها لان كان عندها مشاكل مع والدها او والدتها هتلاقي نفس المشاكل دي مع زوجها و تتكرر و تعيش نفس ما شافت بباها و مامتها لانها متعرفش تعمل غير كدا.. ف لو انتي خايفه انك تتزوجي و تعيشي علاقه زواج فاشه اقولك الحل انك تعملي بالايه تكوني طيبه ف تستحقي شخص طيب يعامل بما يرضي الله تبدائي منين اقولك جيبي ورقه و قلم واكتبي شخصيه الرجل اللي تتمنيه يكون جوزك و ابو عيالك اكتبيه بالتفصيل ووبعد ما تخلصي اسالي نفسك سوال الشخص دا يستحق تكون مرته اي لو اديلك مثال لو هو محترم اذن مرته هتكون شخصيه محترمه لو هو ناجح ف حياتك بيحب مرته تكمله و تكون ناجحه ف حياتها حاولي تغيري نفسك داخليا انتبهي ل افكارك و مشاعرك و طاقته الانثويه و الذكوريه وازنيهم صدقيني هتلاقي الشخص اللي تقدملك هو هو نفس الشخص اللي كتبتيه ف الورقه ف متنسيش تحتفظي بالورقه علشان تشوفي ازا انا فعلا علي حق واذا انتي مصدقتيش كلامي و مقتنعتيش ف بكل صراحه اقولك هتستحقي واحد يعاملك زي ما بتشوفي كدا ف واقعك بالظبط تحملي مسؤليه حياتك وابدائي تغيري للافضل علشان ربي يجمعك بشخص شغال علي نفسه و بيدعي ربنا يرزقه بانثي زيك كدا لو لسه عندك اي تسال اسالي + ربي معاكي
تم النشر الأربعاء، ٣١ يناير ٢٠٢٤
لا بابا كان كويس .. انا بسمع مشاكل كتير وانا كبيرة عن الزواج
تم النشر الثلاثاء، ٣٠ يناير ٢٠٢٤
يعني بالعقل كدا فرعون فضل معاها بعد ما عرف انها بتعبد اله غيره و بعدين مين اللي قال ان مينفعش نتكلم ف الدين من غير بحث مفكرتيش ل ثانيه ان البحث دا اللي بتستدلي بيه في ناس زيهمزيك هما اللي عملوه و بخصوص ان فكري والدك انه كويس مقلتش حاجه ف رسالتك انتي وضحتيلي الموضوع و قلتلك انك محتاجه تشتغلي علي شعور الخوف انا باقي رسايلي بتكلم ف المجمل اذا شخص كان والده يعامله بطريقه ما ادي ان الطفل يحصله صدمات ف غالبا الانثي هتاخد نفس طباع والدها مش مصره ولا حاجه ان باباكي مش كويس.. وانا مش متاثره ب فكرتي ولا حاجه اصلن مش ماشيه بطريقه معينه ف التشافي ياريت ترجعي تقري كلامي مره كمان هتفهمي ان بحاول مخلكيش تدخلي ف طريق انتي ف غنا عن عذابه بحاول اوضحلك الصوره مش اكتر و ف النهايه انا عملت اللي عليا و قلت اللي جواجا واللي مؤمنه بيه لو مش فاهمه كلامي يبقي مش مناسب ليكي و مناسب ليكي و ل نيتك عموما متنسيشت اننا كلنا رسايل لبعض وربي يوفقك و يسعدك
تم النشر الخميس، ١ فبراير ٢٠٢٤
استاذة سمر معلش كمالة للتعليق بتاع فرعون واسيا هو مين قالك انهم انفصلوا !!!! لو سمحتى انا مقدرة جدا انك بتحاولى تساعديني بس فعلا مينفعش نتكلم خصوصا فالدين من غير بحث وباصرار ع الغلط بالشكل ده لو سمحتى راجعي معلوماتك الدينية الأول قبل الاستدلال بها لان زي م قولتلك مش قاعدة لا يمكن تغيرها زى م بتزعمي .. وحضرتك فاهمة العدل الالهي بشكل غير صحيح واستخدامك للكلمة دي ف نطاق حديثك يوحي للقارئ إن ربنا ظلم ناس زى اسيا او سيدنا لوط او ملايين غيرهم! فلو سمحتي راجعي المعلومة الاول .. وللعلم انا والدي كويس جدا جدا الحمدلله ولو أخدت واحد زيه فيبقى ربنا رضي عني! لانى شايفة حضرتك بتجذمي بردو ان والدي إنسان مش كويس فى مضمون كلامك من غير م تسمعيني ! ..حضرتك متأثرة بشكل رهيب بفكرتك لدرجة انك حتى مش مركزة ف اجابتى عليكي لما قولتلك ان بابايا كويس! ومصرة ان المشاكل من الطفولة رغم انى قولت بردو انى لو سمعت مشكلة فبتكون وانا كبيرة ومش ف بيتنا! ... متشكرة لردك عموما ومحاولتك للمساعدة وربنا يجازيكي خيرا ع نيتك دي
تم النشر الخميس، ١ فبراير ٢٠٢٤
الموضوع اكبر من ما تتوقعي اكتبي ع اليوت يوب توازن طاقه الذكوره و الانوثه هتلاقي في فديوهات كتير بتتكلم عن الموضوع دا وساعتها هتفهمي اميه انك توازني طاقتك لو فعلا ازنتيهم حياتك هتتغير بشكل ملحوظ جدا حتي اللي حواليكي هيلاحظو قد اي بقيتي جذابه و مثيره و الكل هيحب يقعد معاكي هتكوني شخصيه بتتمني انك تحونيها ف يوم من الايام.. انا مش ببالغ ف شرحي لاهميه الموضوع مش هقدر اقولك غير لو حابه تتاكدي ابحثي ف الموضوع و طبقي ساعتها هتشوفي كلامي صح ولا غلط
تم النشر الأربعاء، ٣١ يناير ٢٠٢٤
طب قوليلى ازاي اوازن بين طاقتي الانثوية والذكورية لانى مش فاهمة كويس اعمل ايه بالظبط .. وافكاري اعمل لها ايه لما يكون فى موضوع خطبة حقيقي المفروض اتحكم ف افكارى يعنى اقول لنفسي ايه؟
تم النشر الأربعاء، ٣١ يناير ٢٠٢٤
كله بيشكي محدش بيمدح ..ولو حد مدح مش بصدقه
تم النشر الثلاثاء، ٣٠ يناير ٢٠٢٤
انت عندك مخاوف من الرجال يمكن وانتي صغيره تعرضتي لمواقف صعبه او شايفه بباكي او اي رجل ف حياتك بيعامل اللنثي باستحقار او بيقلل من قيمتها و بصراحه مشكلتك ليها اسباب كتير ياريت توضحي علشان اقدر اساعدك
تم النشر الثلاثاء، ٣٠ يناير ٢٠٢٤
لعرض السؤال في فدني اضغط هنا