انا مخطوبه وخطيبي فى البدايه طبعا كان احسن حد فى الدنيا كلها بس زى العاده كل ده اتغير بقى بيقعد بالايام مش بيكلمنى ولما بيكلمنى بتتكلم واتس بس مش عايز يتكلم فون خالص وهو اصلا صالونات يعنى انا محتاجه اعرف عنه اكتر ومكونتش عارفه
خلال فترة الخطوبه عرفت حاجات كتير واحنا اصلا مش بنتكلم الا نادر وبقى فى الفتره الاخيره بيتلكك عشان يعمل معايا مشكله ولما اقوله انت بتتخانق على كذا وانا معملتوش اصلا يقولى وانا هستني لما تعمليه ؟
واخر موقف حصل كان بيكلمنى واتس وبالظبط اتاخرت عليه دقيقه فى الرد راح قالى انه مش هيكمل معايا
ومن البدايه كانت ظروفه اقل فى كل حاجه منى ومن اللى
هو معاه دبلوم وانا بكالوريوس اهله مش متعلمين واهلى متعلمين هو منفصل ومعاه بنوته وانا متجوزتش قبل كده كانت هتيجى تقعد معانا بعد الجواز عشان مامتها كانت هتتجوز وانا مكانش عندى اى مشكله فى ده وكان هيقعدنى فى شقه إيجار جديد من الناس اللى دايما أيديهم سابقين مخهم ولسانها اكتشفت ان عليه قواضي كذا حاجه ومحكوم عليه وهربان من الجيش
المهم كل اللى حواليا بيقولولي ملوش انه ياخد الشبكه لانه من البدايه مكانش جد
وانا بصراحه خايفه يكون فى الديه ده حرام
فمحتاجه اعرف ده حرام ولا حلال دينيا
انا حكيت باختصار
هو شخص مش مناسب ليكي تماما ، ولو كملتي (دا اذا هو اصلا كمل للاخر) هتعيشي في مشاكل واهانة وهتوصل في الاخر للطلاق زي اللى قبلك .. هو بيتلكك للفركشة ، خلاص مع السلامة ودا الاحسن ليكي ، لان اذا دي طريقة التعامل في الخطوبة ، امال هيتعامل ازاي بعد الجواز؟ ممكن بس كان واخد الخطوبة كنوع من الكيد في طليقته لما عرف انها هتتجوز، وممكن هيرجعو لبعض او فعلا رجعو الله اعلم .. المهم دلوقتي اتضحلك ان الشخص دا مش مناسب ليكي لا ماديا ولا اجتماعيا ولا ثقافيا ، ومش واضح من سؤالك ايه السبب اللى خلاكي توافقي عليه من البداية .. ولكن فترة الخطوبة كشفتلك تفاصيل كتير تقول انك احسن منه في حاجات كتير وهتظلمي نفسك بالارتباط بيه .. وواضح انه مش هيكمل عموما بالنسبة لنقطة الشبكة ، اسالي في دار الافتاء افضل ،وبحسب العرف عندكم ، الشبكة تعتبر هدية ولا جزء من المهر؟ في كلا الحالتين مفروض ترجع سواء هو اللى فركش او انتي ، هدية غالية جدا ترد للخاطب او تحتفظي بجزء بسيط منها لو فترة الخطوبة كانت طويلة (بس انتي بتقولي بتتكلمو قليل جدا ومبتشوفوش بعض ولا بيجي البيت الا مرات قليلة) ولو تعتبر جزء من المهر بردو لازم تترد كلها لانها كانت فترة خطوبة مش كتب كتاب ولا جواز .. خلصي نيتك وضميرك منها ، بشخصيته هو ممكن يعملك كمان مشاكل لو مردتيهاش .. وهو كان بقاله فترة بيتلكك على الخناق وبيعاملك وحش عشان انتي اللى تطلبي تفركشي وترجعيله حاجته ، وانتي في غنى عن كل اللى بيحصل دا ، وتستحقي شخص احسن منه اخلاقيا واجتماعيا يقدر قيمتك ويصونك ربنا يبدلك خيرا قريبا
تم النشر الاثنين، ٥ أغسطس ٢٠٢٤
السلام عليكم ورحمه الله وبركاته. السلام عليكم ورحمه الله وبركاته بصي مساله الشبكه دي بالذات هي بتخضع للعرف مش للشرع بشكل كبير لانه اييي الشبكه والحاجات دي دي كلها عادات واعراف فالعرف وهنا في مصر لو الشخص الخاطب يعني هو اللي قرر ان هو يفسخ الخطوبه فهو عليه ان هو خلاص يعني يترك الشبكه ولو العكس ان هي اللي طلبت انها تفتح الخطوبه فهي حقه ان هي ترد له الشبكه. ده كده يعني ايه المفروض مش عشان هو مكنش قد من الاول والكلام ده خالص طيب بس في حالتك انت دلوقتي. وفي موقف كثير اييي بيبقى رغم ان احنا ممكن ان احنا نمشي بحذفير العرف ولكن بما ان العرف ده حاجه حاططها للانسان فهي مش فرد الهي يعني هنيجي هنا نحكم عقلنا شويه شخص انت بتقولي انه هو يعني مستوى تعليمه قليل ومن اللي بتقولي انه ممكن يكون مستوى وعيه قليل. ايديه بتسبق تفكير؟ تفكيره زي ما انت بتقولي. يبقى الافضل ان احنا نتقي شر التعامل اصلا مع الشخص ده او ان يكون في احتكاك او خلافات احنا ما نعرفش ممكن يحصل فيها ايه بما ان هو مستواه الوعي او التعليمي او في الذكاء الاجتماعي حتى قليل انصحك انك انت اللي تقولي له كل شيء قسمه ونصيب واتفضل شبكتك واشتري نفسك وشبكه حتى لو كانت من حقك وانت هتاخديها وجودها معاكي مش هيمثل لك شيء. اكثر من ان هيفكرك دائما انك وافقتي على شخص ما يناسبكيش تمام. فما فيش داعي ما فيش داعي خالص انك تحتفظي بيها او تتمسكي بان هي حق حتى ولو كان العرف بيقول ان دي نصيحتي فقط لا غير.
تم النشر الأحد، ٤ أغسطس ٢٠٢٤
اول حاجه اخلعي منه عشان ده ميستهلكش وربنا يكرمك بالاحسن منه ثاني شي هو مش جاد في علاقته معاكي ودليل في كده مش لدرجه انك اتاخرتي في الرد تبقي مشكله بخصوص موضوع الشبكه ده استني باقي الاراء وشوفي هيقولوا لك ايه واتمنا لك الأحسن والأفضل بتوفيق حبيبتي
تم النشر الأحد، ٤ أغسطس ٢٠٢٤
لعرض السؤال في فدني اضغط هنا