متقدم لى ابن عمتى للزواج..هو شخص مؤدب جدا بس اسرته رخمة شوية..مامته متسلطة و اخواته البنات مستغلين..دا غير ان والدتى بتقول ان الوالدة متمسكة بيكى عشان مصلحتها عشان خيرنا ميخرجش لحد غريب (دا تفكير والدته فعلا) دا غير اننا أقارب فأخاف انه اولادنا ممكن يطلعوا عندهم مشاكل لانه قريبى درجة اولى...اللى مخلينى بفكر فيه هو. انى عارفة انه فعلا مؤدب و لما اتخطبت قبل كدا لقيته بعد ما كان عنده بيت فى منزل والدته خلى بيته ف العبور لانه عارفنى مش بحب العيشة ف القرى و كان دا سبب رفضى ليه ساعتها و فى الوقت دا كان باين عليه الحزن جدا ..فدا اللى بيأكك لى انه حابببنى..فتنصحونى بأيه اوافق عليه و لا بلاش
ما اعرفه انه الزواج بين عائلتين لا شخصين، ولكن في نفس الوقت لا يمكن الجزم بتأثير أهله عليه من عدمه، فكما قلتِ انه نقل شقة الزوجية لمكان آخر، لذا نصيحتي أن تقبلي بفترة خطبة تجريبية تختبري فيها هذه العلاقة ومدى نجاحها من عدمه، ويكون حرصك خلال هذه الفترة التأكد من الأمر وليس قضاء أوقات طويلة معه في الحب والهيام ... الخ وبالطبع صلي استخارة مع كل خطوة في الطريق. كتب الله لكِ وله الخير كله ووفقكما لما فيه الصلاح لكما
تم النشر الاثنين، ٢٤ أبريل ٢٠٢٣
مبدأيا وقبل كل حاجه لازم واساسي تصلي استخارة ده اولا ثانيا في نقط كتير في سؤالك منها ان مش معنى انه اخد شقه في العبور بعيد عن اهله ان ده سبب كافي ومريح لبعدك عن تسلط والدته او استغلال اخواته في ناس ربنا يعافينا ويحفظنا تسلطها واستغلالها بيكون موجود حتى لو كنت مغتربه مع زوجك في دولة اخرى واحيانا بيكونوا سبب انهم يسخنوا زوجك عليك لاي سبب تافه چوده بيسبب مشاكل كتيرة بين الزوجين حتى لو بينهم بين بعض متفاهمين ثاني حاجه انت مذكرتيش اي صفات تاني غير انه مؤدب ؟ هل تعرفي اي حاجه تاني عنه بخيل كريم متحمل المسؤوليه والداته مسيطرة ومتحكمه في قراراته ولا مستقل بذاته علاقته باهله التزامه عصبي ولا هادي صبور ولا مستعجل متحكم ولا بياخد ويدي ويتناقش .... متخليش عاطفتك انه خد شقه بعيد وانه مؤدب يشغلوك عن صفات تانيه كتير مهمه تاكدي ان محدش بيعرف يبيع اهله بعد الجواز وانكم حتى لو سكنتوا في شقه بعيده لازم بيحصل احتكاكات في المناسبات والاعياد والافراح وخلافه ..هل عندك القوة والصلابه النفسيه الكافيه لمواجهه اي مواقف تسلطيه او كلام قد يكون قاسي او جارح او استغلال لاي شئ ؟ كمان مبدا خيرنا ميخرجش لغريب ده مبدا مش سليم خالص واشمعنى انت ال متمسكه بيك مفيش بنات قرايب عندكم تاني مناسبين لابنها غيرك !! بالنسبه لاولادك ان شاء الله ففي تحاليل بتتعمل بتطمني منها من الناحيه دي كويس ان شاء الله استخيري وحاولي تكوني فاهمه كويس جدا انك لو وافقتي فانت هتحتاجي مجهود وصلابه نفسيه وتوقع لامور غير محببه ابدا قد تواجهيها لازم تتهيأي نفسيا لده عشان متتفاجئيش به بعد كده
تم النشر الثلاثاء، ٢٥ أبريل ٢٠٢٣
صلي استخارة
تم النشر الأحد، ٢٣ أبريل ٢٠٢٣
فى حاجات كده رغم انها كويسة بس بنقول عليها مش كفاية. مؤدب وكويس ...بس ده مش كفاية لو ملهوش رأى او ميقدرش يعارض اهله وقت الغلط. بيحبنى او متمسك بيا ...بس ده مش كفاية لو مش هيعرف يراعى حقوقى وكرامتى لو لاقدر الله حد جه عليا هيكون فى بيت بعيد ...بس ده مش كفاية لو هيبقي صعب يسيبنى مستقرة فيه وكل شوية يودينى ابات عند اهله مثلا . انا شايفه اسباب تفكيرك فى الموافقه مش كفاية لاقامة حياة مستقرة . ده رأيي ولكن تأكدى من نفط كتير جدا وده بالكلام معاه اولا وبالمواقف هتتأكد على اقل تقدير لو اتخطبتى ليه.
تم النشر الثلاثاء، ٢٥ أبريل ٢٠٢٣
لعرض السؤال في فدني اضغط هنا