حد يفيدني لو انا علي علاقه بواحده بس نيتي تجاهه كل خير مش حاجه وحشه وناوين نتجوز بس لسه ربنا م أردش هل كدا انا غلط؟
طالما انت سألت ف انت حاسس ان الوضع مش طبيعي او مش صح انت نيتك كويسه اتجاهها ربنا يباركلك بس هل تضمن النصيب يجمعكم فعلا وانها هتكون ليك باي شكل من الاشكال ..احنا منعرفش المستقبل ممكن يحصل فيه ايه ف افرض معايا محصلش نصيب هتحس بأيه وقتها وارد يكون عندك شعور انها ضاعت مني عشان مكنش الي بنيناه من الاول صح وممكن تندم انك كنت معاها وعلقتها بيك واتعلقت بيها ومعرفتش تكون معاها وممكن تحس بألم شديد لانك خسرتها ومعرفتش تكون معاها ومش عارف تنساها او تعوضها ...دي كلها احتمالات سيئه ممكن تحصل طبعا ربنا يرزوقك بيها ف الحلال بس طالما بتسأل ف ففكرت معاك ف السيئ لان الحلو اكيد انت مفكر فيه وخليك معاها لسه
تم النشر الاثنين، ٦ مارس ٢٠٢٣
أيوة علاقتك كدة غلط إذا لم تدخل البيت من بابه وتتقدم لها في بيت أهلها العلاقة الصح اللي ربنا يبارك فيها بتبقى في النور ولو مش مستعد تاخد خطوة رسمية يبقى توقف علاقتك بها لحد ما ربنا ييسر لك وتقدر تتقدم لها - لأن أنت كدة كل يوم بتعلقها بيك أكتر وممكن تضرها جدا لو الموضوع ماتمش - وفي فدني هنا أسئلة كثيرة عن علاقات انتهت بالفشل ودمرت الشخص وأعتقد أنك مش هاتحب تتزوج واحدة عملت علاقة مع شاب خارج إطار الزواج ولا هاترضى تعرف أن أختك على علاقة بشاب.
تم النشر الاثنين، ٦ مارس ٢٠٢٣
لا يصح الا الصحيح مفيش علاقة صحيحه بين رجل وامرأه الا اذا كانت تحل له. علاقات العمل والدراسة حتى لا تسمى علاقات لان المفروض تكون محدده بالعمل ووقته وحدوده . الاجابة كلها فى الآيه دى (وَلَا جُنَاحَ عَلَيْكُمْ فِيمَا عَرَّضْتُم بِهِ مِنْ خِطْبَةِ النِّسَاءِ أَوْ أَكْنَنتُمْ فِي أَنفُسِكُمْ عَلِمَ اللَّـهُ أَنَّكُمْ سَتَذْكُرُونَهُنَّ وَلَـٰكِن لَّا تُوَاعِدُوهُنَّ سِرًّا إِلَّا أَن تَقُولُوا قَوْلًا مَّعْرُوفًا وَلَا تَعْزِمُوا عُقْدَةَ النِّكَاحِ حَتَّىٰ يَبْلُغَ الْكِتَابُ أَجَلَهُ وَاعْلَمُوا أَنَّ اللَّـهَ يَعْلَمُ مَا فِي أَنفُسِكُمْ فَاحْذَرُوهُ وَاعْلَمُوا أَنَّ اللَّـهَ غَفُورٌ حَلِيمٌ).[٣] لو هتخطب ...والخطوبة هنا انك تروح للاهل وتقول انك عاوز تخطبها وهتتجوزها بعد كذا ولو وافقوا خلاص مش هينفع حد يخطبها ولا يتجوزها. طب ولحد ما تتجوزها ....ربنا عارف انك هتفكر فيها وهتبقي عاوز تكلمها ...فبيقولك متتفقش معاها تقابلها ولا تكلمها بدون علم الاهل. فانت اكيد كده عرفت الاجابة ايه.
تم النشر الثلاثاء، ٧ مارس ٢٠٢٣
لازم تكون صريح وواضح في علاقتك مع اللي قدامك وقبل كل دة تكون صريح مع نفسك هل إنت هتقدر تتقدم خطوة وتاخد الموضوع جدي بعد مدة قد ايه ، لازم تعرفها وتشرحلها ظروفك . ونصيحة متعلقش قلبك بحد ولا تعلق حد بيك طول ما إنت مش جاهز
تم النشر الخميس، ٩ مارس ٢٠٢٣
لعرض السؤال في فدني اضغط هنا