جماعه انا بجد بجد بكره امي ومجرد ما يشوفها بتخنق وبكره حياتي هيا فعلا دمرتلي كل حاجه في حياتي هيا انسانه مريضه والله وعندها اضطراب في الشخصيه حتي لما كنت مخطوبه كانت دائما شايفه إن انا بغير علي خطيبي منها وأنها احلي مني وشغل مرض مستحيل تكون ام كدا هيا حرفيا تربيتها ليا وتفرقه الي بتعملها بيني وبين اخويا أسلوبها معايا دايما بتقولي اني وحشه واني مريضه دايما دايما بتشمتني وتدعي عليا بتزلني بكل حاجه وكل جنيه انا ابويا متوفي حتي دى بتقولي اني وشي نحس واني لما جيت ابويا مات كرهت حياتي كلها وكرهت اشوفها أو اتعامل معاها المشكله اني لسه في اولي كليه ومش عارفه ابعد انا قاعده ف البيت وكنت حاطه امل كبير اوي أن الجامعه تيجي بعيد وابعد لكن للاسف جت نفس مكاني و المشكله كمان أن هيا وانا حاليا لوحدنا لان اخويا مسافر ف مش هعرف ابعد لان مش هعرف اسيبها لوحدها هيا من فتره حولت تحسن أسلوبها بس انا مش جوايا خلاص كرهتها وهيا مفيش يومين ورجعت زي ما كنت وانا الوقتي خلاص ادمرت ثقتي بنفسي صفر معنديش أصحاب خطيبي سبته مليش اى حد بحاول التعايش بس كل يوم بتقولي كلام اصعب من الي قابله زارعه فيا دايما اني شخص وحش وسيء ولا اصلح لاي تعامل مع الناس انا كرهتها وكرهت نفسي وخلاص معتش عارفه اعمل اى واكلم مين واحكي لمين بجد تعبت
عزيزتي، أقدر تمامًا مشاعرك وما تعانينه في علاقتك مع والدتك. يبدو أن الوضع الذي تمرين به مؤلم جداً، ويتطلب معالجة حساسة وفعالة. أولاً، أود أن أنبهك إلى أهمية رفع الوعي بحالتك النفسية، ولذلك، من الجيد أن تبحثي عن دعم نفسي متخصص في أقرب وقت. قد يكون من المفيد التحدث مع معالج نفسي أو استشاري يمكن أن يساعدك في فهم مشاعرك والتعامل معها بشكل أفضل. تذكري أن مشاعر الكره والألم ليست تدل على ضعف، بل هي استجابة طبيعية لبيئة مؤذية. من المهم أن تعتني بنفسك، وأن تعطي لنفسك مساحة للشفاء. كوني لطيفة مع نفسك وارفعي من شأنك. ثانيًا، إذا كانت والدتك تحاول تحسن أسلوبها، ربما يكون من الجيد أن تعطيها فرصة، ولكن هذا لا يعني أنك ملزمة بتحمل أي أسلوب يسبب لك الأذى. كوني واضحة بشأن مشاعرك، وحاولي التواصل بلطف، إن كان ذلك ممكنًا. كما يمكنك البحث عن موارد أو مجتمع للمساعدة بطريقتين: الأولى هي القراءة حول تجارب الآخرين، والثانية هي التواصل مع أشخاص يمرون بمواقف مشابهة، فهم قد يساعدونك في تبادل الأفكار والدعم. عزيزتي، تذكري دائمًا أن لديك الحق في السعادة، وأن العالم مليء بالفرص والإمكانيات. إذا شعرت بالخوف أو الضياع، عليك الابتعاد عن الأمور السلبية وركزّي على مستقبلك وطموحاتك. لا تترددي في البحث عن الدعم، فأنت لست وحدك في هذا. إذا كان لديك أي استفسارات أو تحتاجي إلى مشورة إضافية، فلا تترددي في طرحها. حافظي على إيمانك بنفسك وبقدرتك على التغلب على هذه التحديات.
تم النشر الخميس، ٢٦ سبتمبر ٢٠٢٤
والله يبنتي الواحد مقدر كل الي انتي فيه دا بس خليني اقولك انها كويسة او مش كويسة انتي كده كده لازم تستحمليها معندكيش اختيار تاتي ..دا امك يعني مفروضة عليكي ومتقدريش تقولي حاجة ولا تعملي حاجة ولا حاى تبعدي مفيش غير انك تمشي الدنيا وتسايسيها وتستحملي معلش وربنا هيعوضك يحبيبتي دا قدرك ولازم ترضي بيه ربنا يسعد قلبك ويفرحك
تم النشر الجمعة، ٢٧ سبتمبر ٢٠٢٤
بصي حاولي تهدي هلي قد متقدري ابعدي باي شكل ابعدي متعديش معاها كتير خاولي متضغكيش علي نفسك خالص استرخي حاولي تشتركي قرياضات جيم زومبا اييي حاجه ولء ينفع تغيري الكلية حاولي تعملي كدا تصاحبي فالكليه حاولي تكوني اجتماعيه اتكلمي مع الناس تسألي عن حاجه بتاع . جربي تشوفي لو في منحة تو تحويل ولو آنتي حاسه إنك بردو لسه بتعاني او منهاره تقدري تروحي لدكتور نفسي ممكن ده يحسن من نفسييتك كتييير او خدي معاه و احجزي اون لاين انسي حياتك دي وحاولي تاخدي حريتك وتسيبك من اي طاقه سلبيه وابداي يومك عادي جدا افطري انزلي اضحكي روحي الجامعة احلي مرحله فحياتك بتعرفي علي ناس كتير وبتعرفي كتير وبتخرجي وبعدها روحي هصصي وقت ليكي تخرجي الجيم او تمرين او اتفرجي علي مسلسلات اشتري كتاب وعيشي حياتك مش عايزة أقول عيشي حياة متصنعه إنك كويسه بس انتي حاولي تبقي كويسه فعلا وسيبك من اي حاجه حوليكي ممكن حياتك تتغير 180 درجه ركذي قدراستك والخطوبه والجواز بيجوا بالنصيب ولسه بدري حاولي تتجاخلي كلامها ومهما كانت اي حياتم كتنصيش بردو توصيه الرسول وكلام ربنا مع كل ده معلش حاولي تتصلي فيها كل فين وفين لو روحتي حته ودلوقتي ساعدي فالبيت بردو عايزه منك حاجه اعمليها معلش عشان تبقي عملتي الي عليكي وبر الوالدين عشان تبقي بجد ملكيش حاجه عندها وهي تبقي عارفه إنك مضايقه بس ده واجبك ءهي أكيد ربنا هيهديها والله هي ممكن ليها أسباب انء هي اتعودت علي كدا من عائلتها مثلا مستحيل تبقي جواها كل ده وهي ال زرعته فيها انا متأكده انو حصل حاجه او عانت خلاها متعرفش تبقي أحسن ام او يبقي فيها حنيه معلش راعيها واستحملي وادعي كتير ربنا يصلح احوالك وحياتك ويهديها وحاولي انتي بقي أهم حاجه متتعلميش منها فالمستقبل او فالحاضر مع بنتك ومع نفسك متقسيش عليها وحاولي تقربي اكتر لبنتك وتحبيها وتعوضي كل ده فيها إنشاء الله وزي مبيقولوا فاقد الشئ يعطيه وربنا هيكرمك إنشاء الله بس انتي اهدي وحبي نفسك وادي فرصة للحياة لسه بدري❤️❤️
تم النشر الجمعة، ٢٧ سبتمبر ٢٠٢٤
حتي لو ريحتك و قولتلك ان والدتك سيدة صعبة المراس و منغلقة التفكير و بتربيكم زي ما هي اتربت و انها لا مؤاخذة معندهاش مؤهلات التربية و الاحتواء لابنائها و بتخسركم بسبب التفرقة دي برضه هتفضل أمك و هيفضل الجنة تحت أقدمها و مهما كان الألم النفسي بتاعك فهو ميعادلش الألم اللي حسيت بيه يوم ولادتك .. و ده مش كلامي دا كلام الدين و نيجي بقي للمهم .. روقي كده و أكبر اعتبري نفسك مش بنت اعتبري نفسك ست كبيرة انتي كمان و عارفه ظروف والدتك و عارفه اسلوبها كويس و بلاش تخسرها علشان ربنا مش علشان اي حاجه تانية و استحمليها بحد انا ربنا يكرمك و تبقي في بيتك و ساعتها ابقي اعملي دايرتك و برضه عامليها بالإحسان و ان شاء الله لما تستقبلي و يبقي لك اولاد ابقي خليكي ام احسن ليهم من امك .. الإنسان اللي بيمشي بالعادة و أساليب التربية القديمة و كده بيبقي صعب يتغير او يقتنع ، بلاش تهري في نفسك دا بيجيب ضغط و سكر و دول بيهدوا البني آدم .. الأفضل انك تعلي بتفكيرك و تقبليها زي ما هيه لان الام مش بتتغير ولا تستبدل و كله عند ربنا .. الفرق بين اي بنت مبتفهمش و بينك زي الفرق بين قطعة الفحم و الماسة الاولي مالهاش قيمة و التانية لا تقدر بثمن بس علشان تتحول لماسة كان لازم درجات حرارة عالية و ضغط شديد .. طالما بقيتي واعية لذاتك و عندك عقل تميزي بيه بلاش اعتبري امك دي اختبار ليكي من ربنا عامليها بالإحسان و ركزي في نفسك و تغاضي و تغابي و تغافلي عن اسلوبها معاكي لحد اما ربنا يأذن بخير ..
تم النشر الجمعة، ٢٧ سبتمبر ٢٠٢٤
شعورك صعب ومن اصعب الحاجات ان اللى يأثر عليكى بشكل سلبى يكون اهلك بس حياة كل انسان ربنا كتبها بالشكل اللى هيكون فيه اكيد مصلحته ..طبعا هتستغربى فين المصلحة هنا ...اما ان شخصيتك هتتبنى بشكل احسن من اى حد تانى ...او انك هتصبرى على الوضع الصعب وهتبرى امك زى ما ربنا امر وده هيعلى من مكانتك فى الاخره باذن الله طيب هتتعاملى مع الوضع ازاى عشان ما تتاذيش اكتر اولا : هنبص لماما انها شخص مريض والمريض بنعذره بمرضه واحنا بنراعيه ومش بناخد افعاله انها مقصوده لشخصنا ثانيا : يكون عندنا طريقة نفرغ بيها الغضب اللى جوانا ( والا مستقبلا هتلاقى نفسك بتعملى زى ماما من غير ما تحسى ) ...الطرق دى تكون بالكتابة او بالفضفضه اول باول مع حد ثقه او بتوجيه الكلام لماما بالشعور اللى عندنا بس بدون انتظار تغيير ثالثا: تركيز جهدك على هدف فى حياتك ( بس ميكونش الهدف انك تهربى باى حاجة عشان متضريش من اللى هتروحيله بالغلط) رابعا : الخلوه مع نفسك بالصلاه والقران هتديكى طاقة نفسيه كبيرة لتحمل الوضع واخيرا اوعى تاخدى كلام مامتك انه حقائق خااالص
تم النشر الخميس، ٢٦ سبتمبر ٢٠٢٤
حبيبتي حاولي تجنبيها ومتخليش كلامها يأثر فيكي عارفه أن هي الام مفروض تبقي مصدر الحب والأمان والحنان بس معلش ربنا اكيد ليه حكمه ويمكن ده امتحانك في الدنيا وبإذن الله هيعوضك بكل خير والله بس تفائلي وقربي من ربنا واتكلمي معاه هو الوحيد اللي هيحس بوجعك واطمني انتي مش لوحدك انا كمان ربنا ابتلاني ب أهل اصعب وقاسي من كده ف الحمد ع كل شئ رب الخير لا يأتي إلا بالخير 🥰
تم النشر الأحد، ٢٩ سبتمبر ٢٠٢٤
طيب م تتكلمي مع اخوكي يحاول يكلم مامتك تكلمك وتعاملك ألطف من كدا
تم النشر الخميس، ٢٦ سبتمبر ٢٠٢٤
طيب مع أي حد بيدخل بتزيد ولا عادي تكلمي خلاتك ويشفوها
تم النشر الخميس، ٢٦ سبتمبر ٢٠٢٤
بتزعقلي وبتزيد
تم النشر الخميس، ٢٦ سبتمبر ٢٠٢٤
لعرض السؤال في فدني اضغط هنا