تعبت ومش عارفه اعمل ايه
حاسه اني متلخبطه وتايهه ومفيش حاجه بتمشي زي ما نا عايزه
انا داخله تالته ثانوي وبدات دروس بس حاسه اني مش عايزه ابدا ومش مستعده وخايفه
خايفه مش احقق طموحات اهلي وخايفه من المستقبل وده مسيطر علي تفكيري وضغطهم عليا وكلامهم كل ده مسببلي ضغط مش طبيعي
كنت عايزه اطلع مصيف ولو يومين اريح دماغي شويه بس كل شويه تطلع مشكله واهلي يرفضو وبجد تعبت
مش عارفه المفروض اتعامل مع كل ده ازاي
معنديش حد اتكلم معاه ومحدش فاهمني ولا حد عايز يفهم اصلا
لسه في حاجات كتير عايزه اعملها في الاجازه وعايزه افصل دماغي عن كل الي بيحصل ده
ما زلنا في البداية، المصيف ليس شرطًا للاستجمام. فقط حددي ما يزعجك، حدديه بالضبط لنتمكن من إيجاد الحلول التي تساعدك على الهدوء. التوتر من الثانوية أمر طبيعي ومشترك لدى كافة الطلبة، لكن ما هو غير طبيعي هو الاستسلام لهذا التوتر والانغماس فيه. حل اللخبطة هو الكتابة، سجلي ما يزعجك، ثم حددي سبب انزعاجك منه، وعند هذه النقطة ستبدأ الحلول في الظهور أمامك لأن دماغك وقتها سيكون مرتبًا. قبل كل شيء حافظي على صلاتك وحاولي قراة البقرة على ثلاث أيام ستشعرين بسكينة تغمر قلبك وروحك.
تم النشر الاثنين، ٢٩ يوليو ٢٠٢٤
كلنا مرينا ب المرحله دي وهتفضلي خايفه لحد اخر يوم في السنه لحد ما تظهر النتيجه وانتي خايفه الحاجه الوحيده اللي تتمسكي بيها مع خوفك السعي السعي والعمل مهما تعبتي وكسلتي وكدا فتره وهترجعي متخوفيش نفسك ومتزعليش روحك السنه طويله وانتي قدها ان شاء الله هتتعلمي كتير بس متخليش خوفك يسيطر عليكي عشان هتندمي انتي جدعه وكلنا واثقين فيكي انا دفعه السنه اللي فاتت وكله بيعدي اسمعي مني السعي والاجتهاد وبس
تم النشر الاثنين، ٢٩ يوليو ٢٠٢٤
السلام عليكم اهلا وسهلا بيكي عزيزتي القلق ده شئ طبيعي في كل البشر بس اهم حاجه ان احنا منخليش القلق والتوتر يوقف مسيره حياتنا اولاً لازم تفهمي ان ربنا قائلنا ان احنا نجتهد ونعمل اللي علينا والباقي علي الله نصيب كل واحد فينا بايد ربنا سبحانه وتعالى فمهم قوي تثقي بالله وبحكمه وكمان تثقي بنفسك وتعملي جدول وخطه زمنيه تظبطي فيها مذكرتك وكمان يبقي فيها وقت للراحه ووقت للترفيه علشان تقدري تحصلي اكتر وتجتهدي اكتر ومش لازم تروحي مصيف يمكن اهلك عندهم ظروف ممكن تنبسطي باشياء تانيه كتير مثل الخروج مع صحباتك او ممارسه رياضه بتحبيها او تعليم هوايه جديده واسأل الله لكي التوفيق والنجاح الدائم وشكرا لكي
تم النشر الاثنين، ٢٩ يوليو ٢٠٢٤
السلام عليكم ،، أولا وفقك الله لكل خير وسدد خطاكِ ،، ثانياً القلق طبيعي جدا ويعتبر من الصحه النفسية إذا كان دافع للانجاز ،، ثالثاً علينا بالسعي والتوفيق من الله ويجب عليكي معرفة ذلك بيقين هيا سنه عادية وهتمر يجب علينا الاجتهاد فيها تماما ،، ولكن يجب وضع ٣ اهداف نريد الوصول إليها والتوفيق من الله ،، رابعا يجب أن تمارسي هواياتك في وقت محدد من الاسبوع لا مانع ابدا بالعكس هيكون دافع ليكي انك تكملي الدراسة بحب ،، تحياتي
تم النشر الاثنين، ٢٩ يوليو ٢٠٢٤
حبيبتي، فكرة إنك حاسة بالتعب والضغط طبيعي جداً خصوصاً في السنة دي، وياسمين الحياة مش سهلة دايمًا. أهم حاجة في الوقت ده إنك تحاولي تلاقي طرق لتخففي الضغط وتفصلي شوية عن كل الحاجات اللي بتشغلك. حاولي تعملي جدول صغير للوقت بتاعك، وحددي وقت للدروس ووقت لنفسك، زي ممارسة هوايات تحبيها أو حتى الخروج مع أصحابك لو تقدر، ممكن تكون في أماكن قريبة أو نشاطات بسيطة. بالنسبة للخوف من المستقبل، ده شيء كلنا بنحس بيه، لكن حاولي تحطي في بالك إنه مش كل حاجة لازم تحصل كما تتمني على طول. خدي الأمور خطوة بخطوة، وركزى على أهداف صغيرة تقدر تحققيها. وبالنسبة للعطلة، لو محتاجة تبعدي شوية، ممكن تقولي لأسرتك إنك محتاجة فترة تريحي فيها دماغك. استعملي الوقت ده بشكل مفيد حتى لو كانت أنشطة بسيطة بس تريحك. وأهم حاجة، حاولي تلاقي حد تتكلمي معاه، ممكن صديقة أو حتى أخت كبيرة. التواصل مع حد يفهمك يخفف كثير من الضغط. أنت مش لوحدك، والناس حوالينا ممكن يساعدونا لو بس أعطيناهم الفرصة. اختاري وقت لنفسك، وركزي على إنك تهتمي بنفسك. الدنيا لسه فيها وقت.
تم النشر الاثنين، ٢٩ يوليو ٢٠٢٤
لعرض السؤال في فدني اضغط هنا