السلام عليكم ورحمة الله وبركاته
انا عندي ١٥ سنه ومن تلت سنين كنت بمارس العاده السريه وانا مكنتش اعرف هيا ايه ولسه عارفاها من يمكن ٥ شهور يعني هنا قريب وحتي لما عرفتها كان عن طريق الصدفه لقيتها قدامي كذه مره علي اليوتيوب ومكنتش اعرف هيا ايه وبعد ما بحثت عنها اكتر عرفتها وحتي لما عرفتها مكنتش اعرف اني هيا حرام ولسه عارفه من تلت شهور وانا علاقتي بربنا الحمدلله يعني بصلي فروض وسنن وبصوم اتنين وخميس الخ.. وبحفظ قرآن وقربت اختمه وبحفظ أحاديث وتفسير قرآن وأحاديث متابعه بودكاست علي اليوتيوب وعلاقتي بديني وبرسولي وبالله علاقه قويه جدا والحمد لله انا بعد ما بعمل ذنب بتوب منه عالطول وربنا بيغفرلي عالطول وانا متأكده انو بيسامحني لان علاقتي بيه مش علاقه عاديه وندخل في الموضوع انا بعدت عن العاده السريه شهر وفي الشهر التاني رجعتلها بس مش قوي وكنت بتوب كل مره بس الشهر ده زادت قوي بس انا مش عارفه اعمل ايه انا بعمل كل اللي بقدر عليه بس مش قادره يعني مجرد ما افكر فيها بقوم اعمل اي حاجه تشغلني عنها بس برضوا برجعلها تاني وانا عايزه اتوب منها نهائي بأي طريقه لاني مش عايزه علاقتي بربنا يحصل فيها خلل وانا اكتشفت مؤخرا ان انا بلجئلها لما اكون مرهقه من التفكير او حاجه مضايقاتي او لو تعبانه بس لكن غير كده لا وانا في الفتره الاخيره كان عندي امتحانات وضغوطات فدا سبب اني لجأتلها بس انا لما برجع اتوب بدعي ربنا ان يحاسبني في الدنيا لأنو اكيد اهون من الاخره وفعلا يعني كنت بصحي كل يوم في الفجر اديلي ٣ مرات ما بقومش بس هما مش ورا بعض انا مش بقوم في اليوم اللي مش عارفه اقولها ازاي انا اسفه بس يعني في اليوم اللي عملتها فيهوانا بصلي بحس ان ربنا غضبان عليا بس انا بقول الحمد لله وبقعد استغفره لحد ما احس ان العلاقه رجعت ذي الاول بس انا خلاص جبت اخري لاني مش عايزه ربنا يغضب عليا وعايزه ابطلها فالوسمحتو اي حد يقدر يفيدني بأسرع وقت
وعليكم السلام ورحمة الله وبركاته، يا عزيزتي، أول حاجة أحب أقولك إنك مش لوحدك في المعركة دي، وكثير من الناس اللي في مثل سنك بيمروا بنفس التحدي. المهم إنك تسعي دايمًا لتحسين نفسك والبقاء قريبة من الله. علشان تساعدي نفسك تبعدي عن العادة السرية، اتبعي النصائح التالية: الاستعانة بالله: دايمًا تذكري إن ربنا هو اللي بيساعدك في التغلب على أي شيء، فاستمري في الدعاء والاستغفار. اشغلي وقتك: دايمًا حافظي على نفسك مشغولة بأنشطة مفيدة، زي الدراسة، القراءة، ممارسة الرياضة، أو هواياتك المفضلة. تجنب المحفزات: حاولي تبعدي عن أي شيء بيثير رغبتك في العادة السرية، زي الأفلام أو الصور الغير لائقة. تحديد وقت فراغك: تجنبي تجلسي لوحدك كتير، خصوصًا في الأوقات اللي بتلاقي نفسك فيها مستعدة تمارسي العادة السرية. الاهتمام بالنوم الجيد: حاولي تنظمي وقت نومك علشان تكوني دايمًا مرتاحة وما تلاقي نفسك مشغولة بالتفكير الزائد في أوقات التعب. الرياضة: ممارسة الرياضة بانتظام هتساعدك تفرغي الطاقة الزائدة وتبعدي الشهوات. الصوم: حاولي تصومي من وقت للتاني زي ما أنتي متعودة، لأن الرسول صلى الله عليه وسلم قال: "فعليه بالصوم، فإنه له وجاء". تغيير الروتين اليومي: أي تغيير بسيط في روتينك اليومي ممكن يساعد في تقليل الفرص اللي بتلاقي فيها وقت فراغ كتير للتفكير. الصحبة الصالحة: حافظي على صحبتك بأشخاص بيساعدوك ويشجعوك على البعد عن الحرام. استشيري الكبار: لو تحسي إنه موقف صعب تتغلبي عليه لوحدك، ما تترددي تسألي حد من العائلة أو استشاري نفسي يساعدك. وأهم حاجة تذكري دايمًا إنك مش كاملة وكلنا بنخطئ والمهم إنك دايمًا بتسعي للتحسن وما تستسلمي. حبي نفسك وصبري نفسك وعلاقتك بربنا هتتحسن يوم بعد يوم بإذن الله. 💪🏻❤️
تم النشر الجمعة، ٣١ مايو ٢٠٢٤
بصي اربطيها بالصلاة، كذا حد كان عنده المشكلة ده أعرفة ونصحته إنه يربطها بالصلاة، يعني، إنتِ عملتيها خلاص، تقومي تغتسلي وتصلي ركعتين، بس لازم تغتسلي، مرة في مرة إنتِ هتزهقي، وبردو حاولي تزهقي نفسك منها، بمعني إنك تفضلي تقنعي نفسك إنه أنا زهقت حتى لو مش زهقتي ، وقولي إيه القرف اللي بعمله ده، افضلي كرهي نفسك منها لحد ميستجيب عقلك، وخلاص إنتِ هتعمليها أهو قولي أنا لو مت عليها ربنا هيشوفني إزاي. وبدل ما إنتِ بطلتيها شهر يبقا إنتِ اللهم بارك عندك عزيمة، فهيجي يوم وتوقفيها بس اصبري على نفسك شوية، هو مش يوم وليلة هوب هتوقفيها، تحلي بالصبر والعزيمة، وكل مرة تعمليها فيها قولي لنفسك ده آخر مرة، ده آخر مرة، لحد ما هيجي يوم وفعلا تبطليها، وادعي على طول اللهم كرهني في معصيتك، وصدقيني هتكرهيها، بس اصبري، ولو عاوزة أي حاجة أنا موجودة ربنا يهديكِ ويثبت خطاكِ
تم النشر الاثنين، ٢٩ يوليو ٢٠٢٤
حملي تطبيق واعي
تم النشر الخميس، ٦ يونيو ٢٠٢٤
اوك شكرا لك
تم النشر الاثنين، ٣ يونيو ٢٠٢٤
إن الله لا يمل حتي تمل، خليك علي نفس الطريق وربنا يثبتك ويثبتنا جميعاً علي الصراط المستقيم، وتذكر ان كل هذه الافكار السيئه إنها من عمل الشيطان، ف حافظ علي الاستغفار والاستعاذه من الشيطان وشركه
تم النشر الاثنين، ٣ يونيو ٢٠٢٤
لعرض السؤال في فدني اضغط هنا