كل مرة بكون طيبة فيها بتأذي .. هل الطيبة واللين دلوقتي حاجة عيب ؟
اهلا بيكي .. أكيد الطيبة مش عيب، لكن السذاجة هي اللي متنفعش ابدا. الطيبة شيء جميل جدا، وصفة عظيمة جدا في حياة أي حد، فيه فرق ما بينها وما بين السذاجة. يعني مثلا .. لو عندك امتحان بكره المفروض تذاكري .. صاحبتك جت وقالت ليكي أنا مش معايا حاجه اذاكر منها .. تصرفك هنا هيكون ايه .. لو قولتي ليها تعالي نذاكر مع بعض ف تمام، ممكن تصوري الجزء اللي هتذاكري منه وتجيبهولي تاني تمام. لكن مينفعش تدي المادة العلمية لصاحبتك وتقعدي انتي مش عارفه تعملي ايه! الطيبة عمرها ما كنت عيب ولا حاجه مش تمام. لكن لا تتصرفي بسذاجة، تصرفي بذكاء.
تم النشر الثلاثاء، ١٣ ديسمبر ٢٠٢٢
Wllhyy hwa 7sab el sha5s.. btt3aml m3ah mrra we etnin l7d mat3rf el tiba dih fi3ln hwa ystahlha wlla la ✌️
تم النشر الأربعاء، ١٤ ديسمبر ٢٠٢٢
دلوقتى او فى اى زمن ...الطيبة واللين هيفضلوا من الاسباب اللى تخلى التنسان مميز . الرسول عليه الصلاة والسلام قال انه الهين اللين لا تمسه النار .( هو فى اكتر من كده ميزة) الطيبة بقي ملهاش علاقة بالضعف والخضوغ ...البنى ادم يبقي طيب وقوى عشان محدش يشتغل الصفة االغالية دى ويلوث معناها . انك تشيل سلاح مش معناه انك شرير بس معناها انك عامل حساب الاشرار اللى حواليك ولازم تخليهم يعملولك حساب ...والطيبة هى اللى هتخلينى مستعملش السلاح بس هى لغة لازم اكلم بيها اللى مش طيبين زيي.
تم النشر الثلاثاء، ١٣ ديسمبر ٢٠٢٢
مش عيب ولكن كل واحد بيتعامل باصلة وبدينه وفي حديث للرسول صلى الله عليه وسلّم ن النبي صلى الله عليه وسلم قال : (لَا تَكُونُوا إِمَّعَةً ، تَقُولُونَ : إِنْ أَحْسَنَ النَّاسُ أَحْسَنَّا ، وَإِنْ ظَلَمُوا ظَلَمْنَا ، وَلَكِنْ وَطِّنُوا أَنْفُسَكُمْ ، إِنْ أَحْسَنَ النَّاسُ أَنْ تُحْسِنُوا ، وَإِنْ أَسَاءُوا فَلَا تَظْلِمُوا)
تم النشر الاثنين، ١٢ ديسمبر ٢٠٢٢
الطيبة واللين عمرهم ما كانوا عيب أبداً والرسول صلى الله عليه وسلم قال: (ألا أخبركم بمن يحرم على النَّار، وبمن تحرم النَّار عليه؟ على كلِّ هيِّن ليِّن قريب سهل) وكمان قال: (مثل المؤمنين في توادِّهم وتراحمهم وتعاطفهم، مثل الجسد، إذا اشتكى منه عضو، تداعى له سائر الجسد بالسَّهر والحمَّى). ف ده عمره أبداً ما كان عيب. لكن خلينا نفكر لسبب تاني للأذيه.. هل مثلا سهل حد يضحك عليكي ويقنعك بحاجه غير مبادئك وطبيعتك؟ هل بتتساهلي ف إنك تاخدي حقك أو مبتعرفيش أصلا تطالبي بيه؟ هل بتتعامل بطيبه ولين مع كل الناس وفي كل المواقف؟ ساعات بيبقى في مواقف مينفعش نتعامل بلين فيها عشان ميتمش استغلالنا وساعات بنقع ف ناس مش كويسه بيستغلوا الموقف والناس المحترمة. ممكن لو وضحتي اكتر ازاي بتتأذي وهل نفس المواقف بتتكرر ولا لأ ونحاول نساعدك اكتر ازاي تتعاملي ف مواقف زي دي.
تم النشر الاثنين، ١٢ ديسمبر ٢٠٢٢
لا اكيد مش عيب بس بجانب الطيبة واللين محتاجة تعرفي تتسخدميهم مع مين و ب اي قدر عشان الطرف التاني ميستغلش دة
تم النشر الثلاثاء، ١٣ ديسمبر ٢٠٢٢
لعرض السؤال في فدني اضغط هنا