ازيكم انا شاب عندي ٢٤ سنة وشغال الحمد لله والدنيا كويسة معايا بس مش حاسس باي حاجة الدنيا بتجري واليوم اللي بيجي زي اللي قبله وشكلي عندي اكتئاب مع العلم اني الطوابير في العادة وطاقتي بتخلص كثير من التفاعلات مع اي مجموعة من البني ادمين وسؤالي هنا هو اني عايز اعرف ازاي ابتدي من جديد وأعرف نفسي بطريقة احسن لاني ماشي في روتين مش هيساعدني بعيدا في حياتي
من وجهه نظري اللي هيغير ليك حياتك هي الصلاه دا لو انت مش بتصلي ف اكيد لازم تصلي حاول تصلي الفروض ف وقتها اصحا صلى الفجر لان لما تصلي الفجر يومك هيبقا جميل وخفيف وسهل وبعدين دول خير من الدنيا وما فيها دي اول حاجه عل؛ ان تغير روتينك ممكن مثلا تصحا بدري وتنزل مع نفسك تتمشى شويه وتشم هواء نضيف وممكن في طريقك وانت ماشي علشان ما تحسش بالملل ممكن تسمع بودكاست جميل شبهك كدا ممكن يبقا بودكاست ديني او وعي زي ما تحب ممكن تسمع بودكاست متاهه بجد البودكاست دا تحفه اوي ومن بعدها هتفهم الدنيا ماشيه ازاي واسمع بودكاست الفقدان الشغف لان انت تعتبر فاقد شغفك ف الحياه حاول طول ما انت قاعد لوحدك ما تسمحش لنفسك انك تقوم بجلد ذاتك فاهمني يعني اول ما احس ان انا ببدأ في اللوم بيني وبين نفسي قوم على طول اخرج من البيت أو لو مثلا باقي على الصلاه وقت صغير روح قضيه ف المسجد وادعي لربنا بص ممكن بردو تسمع حاجه انت بتحبها زي بودكاست او مسلسل انت بتحبه قدر نفسك وحبها حب نفسك اوي وكافئ نفسك شايف مثلا انك غلطت قول عادي مش مهم انا مش اول ولا اخر حد يغلط ف الدنيا كلنا بنغلط وانت غلطت علشان اتعلم ووقتها هتحس بالراحه ع فكره مش انت لوحدك اللي كدا كلنا كدا حتى انا بيجيلي فتره ف حياتي بتبقا كدا بس لو استسلمت اعرف وقتها انك ضيعت ماتستنااش من حد يقف جمبك أقف انت جمب نفسك وكمان خليك صبور ع نفسك اوي مش عايزه اقولك فتره وهتعدي لأنها بتبقا صعبه والله وانا مجربه وخصوصا الكلمه دي بتعصب الواحد بس هو دا اختبار من ربنا ليك وبتمنى ان ربنا يريح بالك يارب وتحقق كل اللي بتتمناه ويقرب منك كل اللي شبهك ويقرب منك الخير والسعادة والأمل ويبعد عنك اي حد هيوجع قلبك وحب نفسك حب نفسك حب نفسك شوفت قولتها اكتر من مره علشان لما تحب نفسك هتحب حياتك خد كل حاجه براحه متاخدش حاجه ع اعصابك خد كل حاجه براحه وكل حاجه هتتحل ف وقتها وانت قدها يا بطل
تم النشر الاثنين، ١٧ مارس ٢٠٢٥
السلام عليكم ورحمه الله وبركاته نقطه انك حاسس ان الدنيا بتجري كده وانت مش عارف تلحقها دي سمك العصر للاسف اللي احنا فيه لانه تطورات سريعه جدا وفي سوشيال ميديا وحاجات حوالينا بتورينا ان في ناس بتوصل في لحظه يحسسنا ان احنا متاخرين خلينا نقول في الاول خالص احنا مش متاخرين على حاجه كل واحد له رزقه وكل واحد له طريقه اللي اهم حاجه فيه ان هو يكون بيحقق عباده ربنا صح احب اقول لك اول خطوه ممكن تبدا منها على طول على طول من غير كلام كثير عشان تبقى يعني بترتب نفسك من اول وجديد وبترتب حياتك صح ابدا اعمل ااا قد كده ورق واعمل فيها عمودين عمود هتكتب فيه ماذا املك او ما عندي وعلى الناحيه الثانيه. الى اين اريد ان اصل العمود بتاع ماذا املك انا هكتب كل الحاجات اللي انا بعرف اعملها من ابسط الحاجات حتى لو انا بعرف اعمل كوبايه شاي حلو عادي جدا هنكتب كل الحاجات اللي بعرف اعملها سواء كانت حاجات معنويه او كانت حاجات ماديه مهاره ماديه بعرفش انا بعملها بايدي والله انا بعرف استخدم الهيلتي واعرف اعمل خروم في الحيطه دي اسمها حاجه بعرف اعملها هتلاقي المفروض انك تكتب حاجات كتير لكن لو بقيت بتكتب الحاجات الكبيره بس الحاجات اللي هي شكلها يبنوا واو اا فلا يبقى انت كده بتظلم نفسك فاكتب. الحاجات اللي انت بتعرف تعملها سواء حاجات بتعملها اجتماعيا الحاجات بتعملها بشكل خاص وشخص حاجات بتعرف تعملها مع العيله وحاجات مهارات بتعرف تعملها كان شكل من اشكال الشغل مهارات اكاديميه اي حاجه من دولت هتبدا انك تحطها في العمود على الناحيه الثانيه تبدا تشوف الحاجات اللي انت حابب توصل لها وده اللي هيرضيك عن نفسك لما تكون بتمتلك الحاجات دي هنا بقى تقدر تكتب الحاجات. اللي ممكن تكون من احلامك انا عايزه ابقى فين انا عايزه يبقى معايا ايه انا عايز ابقى عندي المهاره الفلانيه انا عايزه اكون شاطر في كذا وهكذا.
تم النشر الثلاثاء، ١٨ مارس ٢٠٢٥
جرب تعمل حاجة انت بتحبها، جرب مثلا تروح الجيم وهتلاقي اصحاب هناك يشاركوك نفس الهواية ومع الوقت هتتعود عليهم وتحبهم، او جرب تشترك في نادي والعب كورة وهتعمل اصحاب برده أو لو بتحب القراءة إقرأ وروح اقرأ في المكتبة وهتلاقي اصحاب برده بيعملوا نفس الحاجة. ممكن يكون الناس اللي في حياتك مفيش بينكوا اهتمامات ف عشان كدا بتمل منهم لكن لو دورت على حاجة مفيدة بتحبها وعملتها أعتقد هتتعلم منها و هتخفف عنك الشعور دا
تم النشر الاثنين، ١٧ مارس ٢٠٢٥
أهلاً بك، كريم. أشعر بمعاناتك وأفهم شعورك بالرتابة والفراغ. من الطبيعي أن يشعر الإنسان في بعض الأحيان بأن الحياة تسير بسرعة دون أن يشعر بمعناها أو بالتغيير. إليك بعض الخطوات العملية التي قد تساعدك في إعادة اكتشاف نفسك: تحديد الأهداف : حاول أن تحدد أهدافًا صغيرة وقابلة للتحقيق في حياتك اليومية. قد تكون هذه الأهداف مرتبطة بتطوير مهارات جديدة، أو بدء هواية جديدة. كتابة هذه الأهداف تساعدك على تحقيق شعور بالإنجاز. التغيير في الروتين : ابحث عن طرق لتغيير روتينك اليومي. قد يكون ذلك بتغيير مسار الذهاب إلى العمل، أو تجربة أنشطة جديدة مثل الرياضة أو التعلم الذاتي. التفاعل الاجتماعي : حاول أن تتفاعل مع أشخاص جدد أو الالتحاق بأنشطة جماعية، سواء في العمل أو في مجالات تحبها. قد يساعدك ذلك على تجديد طاقتك. التأمل والتفكير الذاتي : خصص بعض الوقت لنفسك في مكان هادئ وابدأ في كتابة أفكارك ومشاعرك. هذا سيساعدك على فهم ما تشعر به وما تحتاج إليه. طلب المساعدة : إذا استمر شعورك بالاكتئاب، فمن الجيد التفكير في استشارة مختص نفسي. يمكن أن يساعدك في تطوير استراتيجيات مخصصة تناسب حالتك. تذكر أن البداية قد تكون صعبة، لكن بالتدريج يمكنك استعادة شعورك بالحياة والهدف. وكن على يقين أن هذه الفترة هي جزء من رحلتك في الحياة، وقد تؤدي إلى نمو شخصي كبير.
تم النشر الاثنين، ١٧ مارس ٢٠٢٥
قرب من ربك اكتر وقوي علاقته بيه ودايما سلمها لله وابدا اشكيله وفضفضله وانت ف صلاتك واختيارات حياتك صلي استخاره وابدا يكون ليك شريكه حياه
تم النشر الثلاثاء، ١٨ مارس ٢٠٢٥
صلي واقرا قران واستغفر ربنا كبير اوي والحمدلله أننا مسلمين والله ربنا يقويك ياحبيبي يارب
تم النشر الثلاثاء، ١٨ مارس ٢٠٢٥
صلي واستغفر ربنا
تم النشر الثلاثاء، ١٨ مارس ٢٠٢٥
ارجع صلي وقوي علاقتك بربنا ده اول واهم شي ثم احكي مع اقرب صديق لك او حد قريب منك اللي هو بئر اسرارك واحكيله وفضفض كانه مرشد لك وارجع اعمل اي شي بتحبه ولاقي نفسك فيه واحدة واحدة هتبقي افضل ومبسوط واتمني تكون بخير دايما 🙏
تم النشر الاثنين، ١٧ مارس ٢٠٢٥
لعرض السؤال في فدني اضغط هنا