السلام عليكم ورحمه الله
انا شاب عندى ٢٣ سنه خريج كلية التجارة ،بدور على شغل ووجدت شغل فى مطحن بن مشهور شويه وهيفتح فرع فى مدينه مدينتd والشغل هيكون من ٨ إلى٥ المغرب ب٦٠٠٠ شامل السكن وبدل وجبه فى اليوم ٢٤يوم شغل و٤ اجازه وانا من محافظة تانيه ،واول مره اطلع شغل وابات فيه عندى كذا مشكله وهو التغيير الجذري اللى هيحصل معايا من تغيير المكان والانضباط والمسؤليه وكدا ودى سهله إن شاء الله ،المشكله بقا فى انى عايز أطور نفسي فى كذا شيء لانى مش عايز أفضل طول عمرى شغال بالطريقه دى إزاي اظبط انى أطور اللغه ،واطور نفسي فى مجالى كمحاسب مع العلم أن الشغل دا ملوش علاقه بالمجال المحاسبي ، ممكن نصيحه منكم ، +
هقولك رأيي انا للاسف معرفش مجال المحاسبه التدرج الوظيفي ايه بس شفت شغل كتير من اونلاين واللي هيفيدك اوي في كده linkedin. اعملك اكونت واعمل follow لناس في مجالك هتعرف الشركات والskills المطلوبه. تاني حاجه هتحتاج communication skills في منهم عن النت ومنهم هتاخدهم من شغلك. تالت حاجه اللغه. بظروف شغلك دي بنسبه كبيره انت مش هتذاكر لوحدك فشوفلك كده كورس مش غالي لو هتاخد من ٦ دول الف ونص شهريا لحد مانظبط اللغه هتبقي كويسه جدا لو ملقتش مكان قريب خد اونلاين. وانت ماشاء الله شاطر انك نزلت واخدت خطوه وبتفكر في التطوير ربنا يرزقك وييسرهالك
تم النشر الأربعاء، ٨ يناير ٢٠٢٥
وعليكم السلام ورحمه الله وبركاته ولان ربنا يوفقك ان شاء الله وكل مجهود وسعي ليك ربنا يكرمك قصاده بكل الخير في الدنيا وفي الاخره جميل ان انت قلت ان مساله الانضباط والمسؤوليه ان شاء الله انت تقدر عليهم وتقدر تخلي نفسك منضبط ومسؤول رغم تغير المكان اللي انت هتروح فيه بما انك فيك حس الانضباط والمسؤوليه فانت تقدر انك من بدايه شغلك انك تحط لنفسك ساعه في اليوم الساعه دي هي انت بتعمل فيها ايه انت بتطور فيها نفسك بتطور فيها نفسك بلغه لانك تذاكر في ال في اللغه دي او تمارسها بتطور نفسك بانك تشوف.
تم النشر الأربعاء، ٨ يناير ٢٠٢٥
وعليكم السلام ورحمة الله وبركاته، أولاً، أهنئك على فرصة العمل التي حصلت عليها، فهذا خطوة مهمة نحو تحقيق الاستقلالية والنمو الشخصي. التغيير قد يبدو صعبًا في البداية، ولكن مع التخطيط الجيد، يمكنك التأقلم والتطور في مجالات متعددة. إليك بعض النصائح التي قد تساعدك: إدارة الوقت: حاول أن تحدد أوقاتًا معينة خلال الأسبوع لتخصيصها لتعلم المهارات الجديدة. على سبيل المثال، يمكنك تخصيص ساعة يوميًا بعد العمل أو في أيام الإجازة لتطوير مهاراتك. تطوير اللغة: يمكنك استخدام التطبيقات التعليمية مثل "دولينغو" أو مشاهدة الفيديوهات التعليمية على يوتيوب. حاول تخصيص وقت يومي لممارسة اللغة الإنجليزية، سواءً من خلال القراءة أو المحادثة مع الآخرين. تعزيز المهارات المحاسبية: رغم أن العمل الحالي ليس له علاقة بالمحاسبة، يمكنك الاستمرار في تعلم المحاسبة من خلال الدورات التدريبية عبر الإنترنت، مثل الدورات المقدمة على مواقع مثل "Coursera" أو "Udemy". ابحث عن دورات تناسب مستوى خبرتك واهتماماتك. الحفاظ على التوازن: من المهم أن توازن بين العمل ودروسك. حاول ألا تضغط على نفسك كثيرًا—خصص وقتًا للاستراحة والاستمتاع بأنشطة ترفيهية. شبكة العلاقات: حاول بناء علاقات مع زملائك في العمل، وباحثين في مجال المحاسبة. التواصل مع المهنيين في مجالك قد يوفر لك الفرص والمعلومات القيمة. التحلي بالصبر: تذكر أن تطوير المهارات يحتاج إلى الوقت والجهد، كن صبورًا مع نفسك ولا تفقد الحماس. في الختام، مع التخطيط والتنظيم الجيد، ستستطيع أن تتجاوز هذه المرحلة الجديدة بأمان وأن تحقق الأهداف التي تسعى إليها. الله يوفقك وييسر لك كل خير.
تم النشر الثلاثاء، ٧ يناير ٢٠٢٥
شكرا جدا لحضراتكم جزاكم الله عنى كل الخير فى الدنيا قبل الاخره
تم النشر الأربعاء، ٨ يناير ٢٠٢٥
وعليكم السلام ورحمة الله وبركاته 🌴أعانك الله على كسب الحلال؛ فالأمر في أوله كُلفة وفي آخره ألفة وأوصيك بتعلم الذكاء الاصطناعي فهو من أسرار الإنجاز والتميز وكذا مهارات تنظيم الوقت والحرص على الصحبة الصالحة الطموحة؛ فالصاحب ساحب والقراءة في سير الناجحين لتعلو همتك ولا تحيد عن الهدف وقاوم تفاهات العصر ومضيعات الوقت مثل السوشيال ميديا وفي الختام 💡وصايا الفلاح كثيرة؛لكنني حين أُسأل عن وصية مختصرة أقول:" خطة واضحة، لهدف واضح، ورفاق يعينونك على الطريق"
تم النشر الأربعاء، ٨ يناير ٢٠٢٥
بعون الله هتطور للأحسن في كل حاجه من حيث الاعتماد على النفس والتعامل مع الناس هيخلي عندك بلاغة في اللسان قصدي لسانك سالك دي تجربتي الشخصية
تم النشر الثلاثاء، ٧ يناير ٢٠٢٥
كلنا في أول أي حاجة جديدة بنكون متوترين شويا بس عادي والله هي محافظة تانية آه بس نفس البلد فعادي بالنسبة لتطوير نفسك كلغة وتعامل وغيره فأنت ادخل على اليوتيوب أو شوف كورسات وإن شاء الله هتفيدك 🤲🤍
تم النشر الثلاثاء، ٧ يناير ٢٠٢٥
🛎ذكرني منشورك برحلة كفاح شيخ المالكية في مصر رحمه الله أ. د/أحمد طه ريان 🌴مرئية قصيرة ملهمة عن عمله بالمخابز ودراسته وتفوقه بالجامعة 🔗https://youtu.be/mG2k2zBPFMw?feature=shared
تم النشر الأربعاء، ٨ يناير ٢٠٢٥
لعرض السؤال في فدني اضغط هنا