عايزه نصائح تخليني مفوتش فرض
لو والدتك بتنادي علي اخوك كذا مرة و هو مش بيرد انت هتتضايق قوي و ممكن تقوم تزعق له و هتقوله ايه مش سامعها ..مبتردش ليه .. كل ده علشان والدتك و هيه انسانة .. شوف بقي لما تسمع نداء الله عز و جل و هو بينادي عليك كل يوم 5 مرات و انت مش بترد .. معلش اصلي مرهق اصلي تعبان اصلي مش قادر .. و تكتشف في الاخر انه ربنا بينادي عليك علشان يطلعك من الإرهاق و الهم و الغم و التعب .. بينادي عليك علشان يديلك درع من حسد الناس و شرورهم و شرور غيرهم من شياطين و خلافه .. بينادي عليك علشان تجدد نفسيتك و مشاعرك و انت واقف قدامه حاسس بعظمته و هو بيمن عليك ببركة و حفظ و رعاية .. هتكتشف ان ربنا كان بينادي عليك علشان يحل لك كل مشاكلك و علشان يدخلك الجنة بس للاسف انت كنت .. تعبان مرهق مش قادر .. غرقان في همومك اللي في دماغك و سرحان مع شيطانك و بتدور علي اي سبب تقول علشانه مش هصلي . ربنا عايزك تصلي علشانك مش علشانه تبارك و تعالي سبحانه لا يحتاج لاحد من عباده
تم النشر الثلاثاء، ٢٢ نوفمبر ٢٠٢٢
اتعلم يكون ربنا في أولوياتك ادعيه يقذف في قلبك التعلق بيه ورؤيته ف كل خطوه بتخطوها حدد هدف يومي وليكن صلاه معينه واعمل ليها برنامج والاحسن تعمل برنامج الصلوات اللهم انك تستشعر ربنا ف خطواتك وحاول دائما تدعوه بكل حاجه في نفسك فاللهم ارنا الحق حقا وارزقنا اتباعه وأرنا الباطل باطلا وارزقنا اجتنابه
تم النشر الثلاثاء، ٢٢ نوفمبر ٢٠٢٢
اول ما تسمعي الاذان فورا توقفي كل حاجة وتتوضي وتصلي
تم النشر الثلاثاء، ٢٢ نوفمبر ٢٠٢٢
اكتبى الجملة دى على ورقة كبيرة وعلقيها فى مكان القبلة وخلى المصلية مفرودة دايما.....( اول ما بحاسب عليه المرء الصلاة ) اذا صلحت صلح سائر عملة واذا فسدت فسد سائر عمله يعنى مهما عملنا حلو فى الحياه مش هيتحسب وهيروح ف الارض لو مش بنصلى ...يبقي اى جهد مبذول مفيش داعى منه لو مش هنصلى قبله الصلاة هى المفتاح
تم النشر الجمعة، ٢ ديسمبر ٢٠٢٢
حاولي طول الوقت تحافظي على وضوئك احسبي كل فرض بتصليه في قد ايه لو صليتي بسرعه أو بتأني هتحسي إن الوقت بجد قليل اوي اوي عن كل الوقت اللي بنضيعه ف يومنا اول ما تسمعي الآذان قومي على طول متسمعيش لصوت نفسك ولا الشيطان الدعاء دايماً اللهم ردني إليك رداً جميلاً ، اللهم حبك وحب من يحبك وحب كل عمل يقربني اليك ، اللهم اعني على ذكرك وشكرك وحسن عبادتك ، اللهم يا مقلب القلوب ثبت قلبي على دينك ربنا يهديكي ويهدينا اجمعين ويردنا ليه رداً جميلاً يارب
تم النشر الأربعاء، ٢٣ نوفمبر ٢٠٢٢
داوي بالصلاة كل شي
تم النشر الجمعة، ٢٥ نوفمبر ٢٠٢٢
كفايا ان ربنا هيحبك ، حد يطول حُب ربنا
تم النشر السبت، ٣ ديسمبر ٢٠٢٢
الصحبه الصالحه
تم النشر السبت، ٣ ديسمبر ٢٠٢٢
هتلاقي سلسة علي اليوتيوب اسمها ايه المشكلة هتسفيدي منها كتير جدا
تم النشر الجمعة، ٢ ديسمبر ٢٠٢٢
وجاءت سكرة الموت بالحق ذلك ما كنت منه تحيد
تم النشر الجمعة، ٢٥ نوفمبر ٢٠٢٢
تعلم التوحيد والعقيده
تم النشر الأربعاء، ٢٣ نوفمبر ٢٠٢٢
لعرض السؤال في فدني اضغط هنا