هو أنت لو عملت حادثة لا قدر الله - ينفع تخلي نفسك تعمل بالقصد حادثة تانية علشان تنسى الحادثة الأولى؟
تم النشر السبت، ٢٦ أغسطس ٢٠٢٣
معلشي هو انتي ليه بتعملي في نفسك كده الحكاية انك محتاجة تفهمي انك مش لازم يكون في حد تاني عشان تقدري تنسي الاولاني بعيدا عن ان ده حرام اصلا وان دينا مش بيأمرنا بكده لكن من الواضح انك مركزة اهتمامك على الموضوع ده الفراغ هو اللي هيخليكي مش هتعرفي تنسي اهتمي بنفسك وطوريها واشتغلي عليها واشغلي وقتك لو قدرتي تقتلي الفراغ وتنشغلي طول الوقت يبقى هتنسي الاول ومش هتفكري في التاني كل حاجه هتيجي في وقتها
تم النشر السبت، ٢٦ أغسطس ٢٠٢٣
طب ما انت كده لما تدخل في علاقه مع الشخص التاني هتكون متخيله الشخص الاولاني ومش هتعرف تنسي حد بحد مفيش حاجه اسمها كده والشخص التاني ده هيتظلم معاك وهيكون اكتر واحد بيحبك فا بلاش انت ممكن تتعافي بطريقة تانيه غير الموضوع ده تشوف حياتك ومستقبلك ولو بتدرس تركز علي دراستك يعني ليه تظلم الشخص التاني وتنسي بيه الاول انت كده لو ملقتش فيه الي انت عايزو والي شفتو فلشخص الاول هتسيبو اصلا وهتتخلا عنو لان اثر الشخص الاول لسه موجود ومش هيروح اصلا لو شوفت ميت الف واحده المهم انك تتعافي لوحدك وبلاش علاقات وتربط نفسك دلوقتي بحاجه عشان انت الي هتتأذي وهتأذي طرف تاني ملوش ذنب غير انو بيحبك وانت لسا متعافتش من الاول مش مخجل السؤال عادي بس هي محتاجة عقل مش اي حد نشوفو بعد ما خرجنا من علاقه ننجذبلو لان ده غلط تحت مسمي انو العوض وهو لل العوض ولا حاجه انت بتملي فراغك وخلاص
تم النشر الأحد، ٢٧ أغسطس ٢٠٢٣
من اكبر المشاكل ومن اكبر الاخطاء اللي ممكن تعمليها انك تعملي اللي انتي عايزة تعمليه ... علاقة بديلة تنسى شخص بشخص تاني .. كده هتكوني بتظلمي نفسك وبتظلمي الشخص اللي انتي هتكوني معاه. لانك هتكوني داخله ع اساس انك عايزة تنسى جروحك .. هو بمثابة هيكون مسكن مش اكتر. وبعد كده هتفوقي وهتعرفي انه فعلا كده، بس هيكون بعد فوات الاوان للاسف. هتكوني ظلمتى شخص ملوش اي ذنب. علشان تنسي علاقة قديمة شوفي السؤال ده واجاباته https://fedni.net/q/23362448/ازاي-ممكن-الانسان-يعمل-move-on
تم النشر السبت، ٢٦ أغسطس ٢٠٢٣
بصي متستسهليش الكلام يعني اصلا الكلام حرام ربنا خلصك من ذنب رايحه تعملي ذنب تاني ومتأذيش حد معاكي عالجي نفسك بنفسك الناس ملهاش ذمب عشان تقولي اشوف حد تاني عشان انساه لازم تتحملي غلطتك بس متأذيس حد معك
تم النشر الأحد، ٢٧ أغسطس ٢٠٢٣
لعرض السؤال في فدني اضغط هنا