السَلٱمٌ عـَلـْيگمّ-ۈرحـْمّـٌة ٱللـّہ ﯙبُرگـّاتہ
انا متجوزه من سنتين ومعايا ولد وكنت متجوزة قبل كده وجوزي كان متجوز قبل كده اكتشفت أن جوزي بيكلم طليقته تاني من ساعتها وأنا قلبي محروق.
واجهته أنكر كتير وبعد كده اعترف هو ضعيف قدامها بيسبينا بالساعات ويكلمها هي عنده بي أنا وابني وكان عاوز يمشيني علشانها قبل ما أخلف وكانت مخطوبة مكنتش أعرف ان هي ودلوقتي هي متجوزة وحامل كمان ومعاها بنت من جوزي
أنا اللي حارق قلبي إن هما اللي سابو بعض هو قال مش عاوزها وهي رفعت عليه قواضي وبهدلته لأني جوازهم كان بدل هو سمع كلام أهله وطلقها علشان أخته وغيابي كمان وحاول يرجع أبوها رفضه
كل اللي أعرفه اللي عاوز حد يعمل المستحيل علشانه هما اللي اختاروا كده محدش غضبهم وأنا جيت بعد كل ده يعني مليش ذنب أنا ولا ابني في القرف اللي هما فيه ده
بس أنا بموت بالبطيء وكرهته بس مش هينفع أنفصل علشان ابني وعلشان أهلي مش جمبي ولا بيدعموني وبيجو عليا وكمان ممعيش دليل.
أنا قلبي محروق كل ما افتكر العذاب اللي شوفته منهم وبسببها والأيام السودة اللي عشتها بس مش عارفة أعمل إيه ولا أتصرف إزاي أبعت لأهلها ولا لجوزها ولا أبعت أهددها وجوزي مبيسمعنيش وبيكدب وأنا بصراحة مبقتش حتي قادرة أبص في وشه بس مش عارفة أعمل إيه.
لا تفعلي شيء وعاملي زوجك معامله حسنه حتى لو لم يعاملك بالمثل تذكري انت بنت ناس وحاولي الحفاظ على علاقه جيده مع زوجك واهتمي بنفسك وبولدك رقم واحد وبمنزلك وقبل كل شيء بدينك وان الله لا يضيع اجر من احسن عملا يعني واذا في علاقه بينه وبين طليقته لا تتعلقي باحد غير الله لان من تعلق بغير الله سيعذبه الله به دائما تذكري ان قلب هذا الرجل بيد الله وحب هذا الرجل لك بيد الله فاسال الله ان الله هو السميع المجيب ولا تخسري صحتك ايتها الاخت بين هذا وهذا اهتمي بنفسك وبولدك وزوجك واذا اراد الله الانفصال بينكما فلعل هذا خير لكما واتمنى ان لا تستعجلي في اي شيء فمن تأن نال ماتمنى
تم النشر الخميس، ١٢ ديسمبر ٢٠٢٤
وعليكم السلام ورحمه الله وبركاته طيب ده كده وضع في اخطاء كثير وفي اذى كبير لك فلازم يكون في وقفه وقفه محترمه ومش قليله ضروري تقفي قدام زوجك وتقولي له لازم الموضوع ده يتحط له حد فاصل كل اللي بيتعمل غلط هي متجوزه فازاي انت بتعمل كده وبتتكلم معاها كده ازاي بتسمح لنفسك بكده وازاي هي تسمح لنفسها كده ده اولا اذا انت شايف انك ااا محتاج انك ترجع لها او عاوز ترجع لها يبقى لازم نقف هنا ونتكلم في حقوقي انا الشخصيه فلازم الامور تكون واضحه. طبعا انا عارفه ان انا دلوقتي بقول لك الكلام ده كلام بعقل وانت وانت في قمه غضبك وكلمه عاطفتك وزعلك وااا شعورك بالقهر هتحسي انك مش قادره تعملي كده لكن ده انت لازم تعمليه وضروري جدا تعمليه علشان تبقي بتاخذي حقك بايدك وما تستنيش انه الاحداث هي اللي تيجي وتفرض عليك شيء انت اممم ملكيش يد فيه من اوله لاخره اه هيكون في اجزاء انت ما لكيش يد فيها ومفروض عليك ولكن ما ينفعش تبقى كل حاجه مفروضه عليك لازم تقفي. قولي انا اللي هقف واقول اذا كان همم هقبل ولا مش هقبل وارد جدا والاحتمالات انه هو يقول اه انا عايزه ارجع. تمام رجعلها ازاي وهي متجوزه اه هي بقى هتنفصل عن جوزها الحالي وهترجع له دي امور تخصها هي فرضا ان ده هيحصل وان ده الاحتمال القائد انت هتشوفي انت هتكرري ايه هل هتفضلي على ذمه الراجل ده؟
تم النشر الأحد، ٨ ديسمبر ٢٠٢٤
اشكي همومك لله هو الوحيد اللي فعلا حاسس بيكي وكلميها من أكونت فيك هدديها إنك هتبلغي جوزها إنه على علاقه بطليقها لكن قبل ده بيني لجوزك إنه مبقاش فارق معاكي وما تهتميش بيه زي الاول ولما يسألك إيه سبب التغير قولي له أي إجابه ما تريحوش ولما تبعد عنه حاول تدخلي تعوضي الفراغ ده وحاولي تكلمي خبير علاقات هيفيدك جدا.
تم النشر الأحد، ٨ ديسمبر ٢٠٢٤
وعليكم السلام ورحمة الله وبركاته، أشعر بمدى الألم الذي تشعرين به في هذه اللحظات الصعبة. من الواضح أنك تمرين بوقت عصيب جداً، وأنا هنا للاستماع إليك وتقديم بعض النصائح التي قد تساعدك. أولاً، من المهم أن تحافظي على هدوئك في ظل هذه الظروف. على الرغم من الحب والألم الذي تشعرين به، فإن اتخاذ القرارات أثناء الغضب قد يؤدي إلى عواقب غير محمودة. حاولي التحدث مع زوجك بصراحة ووضوح عن مشاعرك واحتياجاتك. ربما تحتاجين إلى خلق مساحة للحديث عن ما يجري وتعبير كل منكم عن مشاعره. ثانياً، لا تترددي في البحث عن دعم من أصدقائك المقربين، أو حتى الإرشاد من مختص نفسي يساعدك في استعراض مشاعرك بشكل فعال وبنّاء. أما بالنسبة لوضعك مع زواجك السابق، يجب أن تتذكري دائماً أن حماية ابنك وصحتك النفسية هما أولويتك. ليس من السهل اتخاذ قرار مثل الانفصال، ولكن عليك أن تفكري في ما هو أفضل لك ولابنك على المدى الطويل. وأخيرًا، حاولي التمسك بالصبر والإيمان. اطلبي من الله الهداية والقوة، فهو المعين في الأوقات الصعبة. إذا احتجت إلى الحديث مع شخص مختص، قد يكون من الجيد البحث عن استشارة نفسية تساعدك في تجاوز هذا الموقف بشكل صحي. أتمنى لك القوة والإيجابية.
تم النشر الأحد، ٨ ديسمبر ٢٠٢٤
لازم يكون معاكي دليل بلكلام ده
تم النشر الأحد، ٨ ديسمبر ٢٠٢٤
فيه حلين، انك تتجاهلي الامر وكانك معرفتيش شئ ، او انك تتكلمي معاه وتعرفي هو عمل دا ليه، لكن لا انصحك بالحل الاخير لاني لا اعتقد انو هيغير شئ
تم النشر الأحد، ٨ ديسمبر ٢٠٢٤
سيبك منهم هي مش هترجعلوا اصلا
تم النشر الأحد، ٨ ديسمبر ٢٠٢٤
حبيبتي لازم يكون معاكي دليل الاول عل الكلام ده وبعد كده حكمي حد من اهله يكون له كلمه عليه
تم النشر الأحد، ٨ ديسمبر ٢٠٢٤
لعرض السؤال في فدني اضغط هنا