قعدت متشتته ادخل ادبي ولا علمى بسبب كلام ماما أن ادبي اسهل وصحابي قالولى احنا دخلناه عشان هتعرف نلمو اسهل وانا كنت متردده وجبت كتب علمى وخلاص مع انى كتبت السنه الفاتت لما وزعوا علينا الورقه انى ادبي لكن غيرت رأيى وجبت الكتب وجعت تانى بفكر ف ادبي وبابا قالى مش مهم الكتب اعتبريها مجاتش وادخلى إلى عيزاه قلت خلاص هخلينى ف علمى وربنا يسهل بس انا شاطره جدا جدا والله معرفش ليه بقالي كذا سنه كل مدى مستوايا بيقل جدا كل سنه عن الى قبلها بجد وبقيت متشتته جدا ف الدروس بشكل مش طبيعي بسرح غصب عنى بشكل مفاجئ ف الدرس وارجع اطلع من السرحان الاقي الشرح خلص بسرح كتير جدا جدا حتى المدرسين لاحظوا معرفش ليه مفيش تفكير معين ف دماغى هى فجأه بسرح بدخل ف عالم تانى وبستوعب بعد ما الشرح خلص ثانوى فيها مشاكل كتير وتغيرات ف النظام وانا دى اخر سنه قبل تالته ثانوى السنه الجايه خلاص هكون ف تالته وخايفه جدا جدا وعاوزه ابطل تشتت واركز وانا بنفسي بطريقه غبيه رغم الحفظ و المذاكره معرفش ايه إلى بيحصلى ليه انا مش فهمانى
أول تعليق هو أن أدبي مش سهل ذي ما البعض مفكر كده و محتاج جهد كبير ذي علمي بالظبط و المنهج مش بيتلم بسرعه ذي ما انتي مفكرة.... تاني نقطه بلاش تمشي ورا كلام الي حواليكي و ادخلي الي بتحبيه و أحسن طريقة تعرفي بيها هتختاري إيه هي إنك تصلي استخارة و بعد كده اختاري الي يريحك لو مسلمة و لو مسيحية صلي و اختاري برضو الي حاسة براحة اتجاهه و الاجتهاد هو الي هيخليكي ناجحه في اي شعبة هتختاريها عموما تالت حاجه بقى عشان تحلي مشكلة التشتت ده ليه أسباب كتير ممكن يكون عندك نقص فيتامينات أو سوء تغذية عموما فممكن تروحي تكشفي و ممكن تاخدي اوميجا3 هيساعدك مع التركيز و كلي كويس أكل يكون صحي و مفيد ذي السمك و اللحمه و الفراخ و الخضار و ممكن التشتت و التردد في اتخاذ القرارات ده يكون بسبب مشكلة نفسيه لو مثلا عندك اكتئاب أو في ظروف حصلتلك مأثرة على نفسيتك ممكن تبحثي في الموضوع ده اكتر و تشوفي نفسك هل عندك مشكلة نفسية ممكن تكون السبب في التشتت و صعوبة اتخاذ القرارات و لا لا
تم النشر الأحد، ١٨ أغسطس ٢٠٢٤
أسال الله أن يوفقك و استعنى بالله وحافظى على صلاه و ورد القرأن والاذكار و قولى ادعيه الحفظ و قولى الدعاء دا كتير قبل الدروس رب اشرح لى صدرى ويسر لى أمرى و اللهم لا سهل إلا ماجعلته سهلًا وإن تجعل الحزن أن شئت سهلاً وأعوذ بك من شتات الأمر والملل واستعيذى من كل أمر يصعب عليكى الدراسه كل حاجه بإذن الله هتبقى تمام عشان دعيتى ربنا. ممكن افيدك فى الحته دى بحكم انى خلصت دراسه وكنت بعانى جدا طوال دراستى من ثانوى وحتى ما اتخرجت ومن ثم حتى بعد ما اتخرجت فى كورسات كذلك 😅 كان عندى تشتت رهيب وسرحان وملل ممكن لو المحاضره ساعتين ممكن بس اركز وافهم منها نص ساعه والباقى سرحان وشويه مركز فى لون الشباك و هعمل ايه بكره والمستر بياخد كام واحسب مرتبه كام فى شهر 😂 والخ. المهم الطريقه الى نفعت معايا بقيت اسجل المحاضره و ارجع افتح التسجيل و ابيض المعلومات طبعا بحكم انى مبعرفش اركز فتره طويله يعنى اسمع ربع ساعه واقوم اتحرك واعمل حاجه واكمل تانى هتلاقى الموضوع سهل وهتلاقى لو مش فاهمه حاجه هتيعدى التسجيل تانى يعنى معاكى المحاضره متسجله حتى وقت اما تنسى الدرس هترجعى تسمعى ااشرح تانى مش مضطره تسالى المستر تانى باذن الله جربى وهتنفع معاكى انا متاكد. لو فى اى ملحوظه فى كلامى مش واضحه اسال وباذن الله هقدر اساعد
تم النشر السبت، ١٧ أغسطس ٢٠٢٤
أختي، أول شيء لازم تعرفي إنك مو وحدك، كتير من الناس بيمروا بنفس المشاعر والترددات في الدراسة. أولًا، حاولي تسترجعي ثقتك بنفسك، لأنه الواضح إن عندك إمكانيات قوية. لما تحسي بالتشتت أو السرحان، جربي هالأفكار: تحديد الوقت : قسمي وقت المذاكرة لفترات قصيرة، مثلاً 25 دقيقة مذاكرة و5 دقائق استراحة. الطريقة هاي اسمها "تقنية بومودورو"، وبتساعدك على التركيز. بيئة الدراسة : تأكدي إن المكان اللي بتدرسي فيه مريح ومش مشوش، بعيد عن الضوضاء والمشتتات. الأهداف الصغيرة : حطي لنفسك أهداف صغيرة ومحددة لكل جلسة مذاكرة. لما تخلصي هدف، حاسبي نفسك على الإنجاز. مشاركة المعلومات : جربي تشرحي المعلومات لصديقة أو حتى لنفسك بصوت عالي. الطريقة هاي بتساعدك على الاستيعاب. التأمل والتنفس : حاولي تمارسي بعض تمارين التأمل أو التركيز على التنفس. هاد بيخلي ذهنك هادئ ومرتّب. وبالنسبة للقرار بين الأدبي والعلمي، حاولي تفكري في اهتماماتك وشغفك، لأن الدراسة أسهل لما تحبي المادة اللي بتدرسيها. اتبعي قلبك وما تخافي من التجربة، المهم إنك تختاري الشي اللي تحس فيه بالسعادة. إذا حسيتي إن الأمور صعبة جدًا، ممكن تفكري في استشارة مع خبير نفسي أو مُرشد دراسي يساعدك. أنتِ قادرة على تحقيق ما تريدي، بس ابدأي بخطوات صغيرة وكوني لطيفة مع نفسك. 🌷
تم النشر السبت، ١٧ أغسطس ٢٠٢٤
بقضي اليوم كلو حياتى بتتكرر نفس الروتين لكن مش عارفه ابعد عن السوشيال لما ببعد فتره بحس ان احداث العالم اتغيرت
تم النشر السبت، ١٧ أغسطس ٢٠٢٤
ما أحوال استهلاكك للسوشيال ميديا؟ للأسف الاستهلاك غير المحسوب للسوشيال ميديا ومشاهدة الفيديوهات القصيرة والريلز له أثر سلبي على استيعاب الإنسان وعلى قصر مدة تركيزه وتشتته بسرعة... ربما هذا أحد الأسباب لديكِ.
تم النشر السبت، ١٧ أغسطس ٢٠٢٤
عادي لما أحداث العالم تتغير، ممكن تعرفيها من الأخبار في خمس دقائق... إذا مقدرتيش خالص تقفلي السوشيال ميديا على ما تنظفي عقلك من أثرها على الأقل شوفي طرق استغلالها بشكل صحيح وإزاي تقللي وقتك عليها... حاولي تقللي الوقت عليها تدريجيًا... ده لمصلحتك.
تم النشر الأحد، ١٨ أغسطس ٢٠٢٤
و شوفي انتي عايزة كلية ايه بس الاهم انط تختاري الي بتعرفي تسلكي فيه و تحلي و تجيبي درجات كويسة
تم النشر الأحد، ١٨ أغسطس ٢٠٢٤
شوفي انتي ايه المواد الي لما بتذاكريها بتجيبي درجات كويسة فيها
تم النشر الأحد، ١٨ أغسطس ٢٠٢٤
لعرض السؤال في فدني اضغط هنا