أنا دائما مرهقه وتعبانه وقلقانه وحاسه ان فرد ربنا بقا تقيل علي قلبي نفسي ابقي صالحه وابقي ليا ورد قران كل يوم ممكن تفيدوني اعمل اي وتوصل للمرحله دي ازاي
الف سلامة عليكى...اد ايه ده احساس وحش فعلا .. الارهاق والتعب والقلق هما مجرد اعراض ..ندور على سببهم عشان نعالجهم ان شاءالله ممكن السبب يكون عضوى ...انيميا او نقص فيتامينات او ممكن يكون نفسي ...لاسباب كتيرة ...محتاجة تفاصيل كتير عشان تتحدد المهم ان الجزء الايمانى بالذات محتاج مثابرة واصرار واستمرار ...ابدأى بالقليل واستمرى عليه ...مفيش حاجة بتتعمل فجأة بشكل كبير ...ورد القرآن لو بدأتى بآيه واحده كل يوم ...هتلاقى نفسك لوحدك بتزودى فيه لحد ما يوصل لجزء واكتر فى اليوم.. ابدأى البناء واستعينى بالله بالدعاء ده ( اللهم ردنى اليك مردا جميلا ) ( اللهم قربنى من كل عمل يقربنى اليك ) استحضرى دايما نية التقرب من الله هتلاقى الطاعات هى اللى بقت تشدك من غير ما انتى تحسي ولا ترتبي ولا تقررى سؤالك هو اول خطوة يلا خدى اللى بعدها وابدأى بالقليل وربنا هيفتح ليكى الابواب باذن الرحمن
تم النشر الخميس، ١٥ ديسمبر ٢٠٢٢
اسمعي مشايخ بيتكلموا علي الصلاة و أجرها و الثواب العظيم اللي بتاخديها و صلي كل فرض فى وقته لأن اغلب الناس اللي بتجمع الفروض بتحسها تقيلة و مبتقدرش اول ما الاذان يأذن خدي خطوة إيجابية و قومي من مكانك و الله بتبقي ثانية قررت انك تقومي تتوضي و ترمي نفسك تحت الأمر الواقع و تصلي لحد ما تتغيري و تبقي الصلاة روتين حياتك ورد القران اول حاجة ابدا بنص صفحة يوميا في نفس المعاد بتاع كل يوم مثال : انت بتنامي الساعة 12 قبل ما تنامي اقراي نص صفحة م هتكمل 5 دقائق و بعد اسبوعين مثلا خليها صفحة و هكذا و لو وقعتي في يوم م تيأسي و في تطبيقات علي جوجل بلاي بتساعد علي قراءة القرآن يوميا و كوني علي يقين أن مفيش حد بيوصل للمرحلة دي الا بعد مشقة لان الناس دي درجتهم بتبقي عالية جدا في الآخرة ربنا يثبتك علي طاعته و يوفقك
تم النشر الخميس، ١٥ ديسمبر ٢٠٢٢
دايماً مرهقه وتعبانه وقلقانه؟ طب في سبب لده بدني أو نفسي؟ ممكن تقرأي كتاب أول مره أصلي هيساعدك تنتظمي في الصلاة. ممكن نسمع محاضرات تزود حب ربنا فقلبنا زي محاضرات شرح أسماء الله الحسنى. لو مش قادرة تنتظمي في ورد القران اسمعيه .. خلي اول حاجه قدامك انك تسمعي قران في أي وقت مواصلات/ في المطبخ/ وانتي بتنامي/ اول ما تصحي وهكذا. ربنا يحبك ويزيدك قرب منه.
تم النشر الخميس، ١٥ ديسمبر ٢٠٢٢
لازم تقتنعي انك تبي كذا اسمعي محضرات او اشخاص دين بتحبي الدين اكثر واحب اقولك مافي احلى واحسن من دين الإسلام وحفظ القرآن شي جميل جدا تعرفي على اشخاص دين راح تصير زيهم اهم شي تقتنعي بيلي تسويه
تم النشر الخميس، ١٥ ديسمبر ٢٠٢٢
صلاحيه الرابط انتهت
تم النشر الجمعة، ١٦ ديسمبر ٢٠٢٢
https://t.me/+MrUXFMAzfwliM2Fk
تم النشر الجمعة، ١٦ ديسمبر ٢٠٢٢
لعرض السؤال في فدني اضغط هنا