انا من حوالي ثلاث سنين نزلت زي آب و العاب زي اي شخص طبيعي عايز يسلي نفسه بس موضوع بقي اسؤء من ناحية إن كان في شباب في برنامج دا كان اسلوبهم سئ و ألفاظ بشعة و كلام مش من المفترض أن حد في سني يعرفه بمعنى اصح حوالي ١٨+ بس انا متعاملتش معاه علي أني مفروض امسحه لقيت نفسي عندي فضول افهم كل كلمه معناها ايه بقيت حاليا بعمل تصرفات غريبة و مش منطقية زي أن حد يطلب صور مني أو كده و ابعتهاله عادي رغم اني في الاول كنت مدايقة من الموضوع دا و كنت بنزل تطبيقات دي و انا عارفه أن دي مش حاجة صح و هندم عليها و فعلا حسيت اني شبه حبيت موضوع دا و بدأت اتجاوب مع شباب عادي و اسألتهم و بقي عندي فضول أكثر اني اجرب ال سنه دي و كنت خلاص رايحة اقابل شخص بس الموضوع اتلحق قبل ما أقابله. دلوقتي فكرة المقابلة مبقتش في دماغي بس مجرد تفكير ف اي حاجه غلط مزعلني علي نفسي و ال حاله ال وصلتها و و متأكدة اني ضايعة خالص معنديش هدف أو حتي اي شئ عشان اعرف أحل مشكلة دي انا شبه فشلت في دراسة و مش بصلي ولا صلاة و لأ حتي بقرأ اي شئ أو اكلم حد يساعدني اتخلص من مشكله دي و الموضوع هيبقي صعب جدأ استشير حد لاني حاسة باحراج مع علم أن اثنين من اهلي عرفوا موضوع صور بس حاولوا ينصحوني اني مبعتش صوري لحد تاني بس واضح أن الأسلوب دا مش نافع معايا و لا حتي شدة لاني بعند و عارفه أن في ناس بتعاني من مشكله دي بس نادرا لما تلاقي حد بيتكلم ال غريبة اني محرجة اكلم حد يساعدني و مش محرجة بل بعملوا غالبا انا خايفه من نظرة المجتمع و كلامهم السئ حقيقي لما بيصدقوا حاجة يتكلموا عليها
آي بناء لازم يكون ليه أساس وعواميد وبعدين دور أول ويطلع عليه التاني والتالت وهكذا...اهو الإنسان كده بالضبط، لازم يكون ليه أساس وبعدين عواميد بعدين دور أول، فأول أساس في حياة آي شخص مسلم هي الصلاة بلا شك، ثم العواميد القرآن والأذكار وغيره..... فلازم يا أختي نضبط الأساس الأول عشان نقدر نبطل كل العادات السيئة أو الحرام، ونقدر نبدأ في عادات كويسة أو عبادات...وأنا أظن من كلامك إنك ممكن تجدي في نفسك شيء من كلمة (لازم)، لكن المريض لو راح لدكتور، الدكتور مش بيقوله خد الدواء الللي يعجبك! هو بيديله دواء محدد، ليه؟ لأنه عارف علاجة وإنك عاوزة تبطل اللي إنت بتعمليه، فدي حاجه مبشرة جدا وخير بإذن لله، والسؤال والاستشارة مش عيب خالص ولا في أي حاجه، اصل لو كل لما يبقى عندي مشكلة ميقولش لحد ...طب بعد 5سنين هيبقى عامل إزاي؟ - لو مبقاش اسواء فهو في أفضل الحالات زي ما هو عمده مشاكل كتير...وهو كان ممكن في نفس المدة دي يكون اتغير تماما،طب ليه نظلم نفسنا ونعمل كده! فلازم يا أختي تبحثي عن حد تستشيريه وتتباعي معاه...بنات صالحين مثلا، هيشدوكِ من كل ده، وهيبقوا معاك وبيشجعوكِ وواقفين جنبك، وفي آي مشكلة بالنسبالك هتلاقي ليها حل عندهم بإذن الله...بس هما مش بيجيبوا بالعصا السحرية، لازم هندور عليهم وممكن نتعب شوية في البحث عنهم، وطبعا بالدعاء ربنا هييسر لك وتلاقيهم بإذن الله، وربنا يوفقك لما يحب ويرضى
تم النشر الخميس، ٤ يوليو ٢٠٢٤
حبيبتي، أولاً خليني اقولك حاجة مهمة: انتي شجاعة جداً لأنك اتكلمتي وفتحتي قلبك لي. مش سهل أبداً إنك تعترفي بحاجة زي كده حتى لنفسك، فكونك كتبتي كل ده يعتبر خطوة كبيرة للأمام. ثانياً، انتي مش لوحدك، والمشاكل اللي بتكلمي عنها ناس كتير بتواجهها خصوصاً في العصر ده حيث التكنولوجيا والتواصل عبر الإنترنت بقى شديد الانتشار. خلينا نتكلم عن شوية نصائح ممكن تساعدك: البحث عن الدعم الصحي والنفسي: صدقيني يا حبيبتي، مفيش عيب في طلب المساعدة من مختص/ة نفسي. هما موجودين عشان كده بالضبط. حافظي على السرية لغاية ما تبقي مرتاحة أكتر. القوة الداخلية: افتكري إنك إنسانة قوية وقادرة تغيري حياتك. أول خطوة هي الاعتراف بالخطأ زي ما انتي عملتي، وثاني خطوة هي العمل على التغيير. البعد عن المثيرات: حاولي تبعدي عن التطبيقات والمواقع اللي بتأذيكِ وتسببلك الفضول. امسحيها لو أمكن وحاولي تشتغلي على هوايات تانية تشغلك وتبني ثقتك بنفسك. الروحانية: رجوعك للصلاة ممكن يكون ليه تأثير إيجابي جداً على نفسيتك. جربي تبدأي بخطوات بسيطة جداً، صلي ركعتين واطلبي من ربنا يساعدك على الطريق الصحيح. الصديقة أو المرشدة: حاولي تلاقي صديقة تثقي فيها أو مرشدة دينية تناقشي معاها أفكارك ومشاعرك. يكون ليكِ حد يساندك ويشجعك على البعد عن الحاجة الضارة. وضع أهداف صغيرة: مش لازم تغيري كل حاجة مرة واحدة. حطي لنفسك أهداف صغيرة واشتغلي للحصول عليها خطوة بخطوة. وعلى كل خطوة تنجحي فيها، كافئي نفسك. الله معك، وما تستسلميش. انتي تستحقي حياة أفضل وأجمل، وممكن توصلي لها بإرادتك وقوتك. 💪🏻❤️
تم النشر الثلاثاء، ٢ يوليو ٢٠٢٤
كل انسان بيتم تشكيل سلوكه من هلال البيئة المتواجد فيها سواء اسرة او تعليم او اعلام او اصحاب... إلخ وكل ذلك بيساعد على تشكيل سلوك الفرد وبما انك دخلي في عالم التواصل الاجتماعي فهو احد وسائل تشكيل الوعي وبرغبتك في الفضول للتعرف على المزيد من المعلومات ادى ذلك لإنحراف سلوكك مما أصبح خطر يهدد سمعتك كفتاة ويقلل من قيمتك وسط اهلك والمجتمع لذلك انتي في حاجة لتعديل سلوك بجلسات مكثفة ولو عندك استعداد للتغير والارادة لتعديل سلوكك انا جاهز لبدئ جلسات معاكي وان شاء الله رلنا هيوفقك لكل الخير
تم النشر الاثنين، ٨ يوليو ٢٠٢٤
لو ركزت على نهايات السلوكيات ديه من المسلسلات او واقع الحياه ... هتخافى على نفسك... عادى بتمنى بمرحله فيها عدم اتزان وديه طبيعيه المهم متفضليش فيها .... شوفى النهايات اللى بقولك عليها وفكري بيها نفسك على طول هتلاقى نفسك بتبعدى
تم النشر الخميس، ٤ يوليو ٢٠٢٤
لعبك للالعاب عادي ، يبقا مشكلة لو هروب من الواقع ......الحل انك تملي وقتك ، + فطرتك سليمة انك مش عاجبك كونك بتبعتي صورك وكدا ....المهم دلوقت شوفي هتملي وقتك ازاي شوفيلك صحبة صالحة وقريي من ربنا واحفظي قران و شوفي اكاديمية دينية اشتركي فيها وتابعي زي ( زاد او الفرقان ) وغيرهم بس اتاكدي منهم من مشايخ كويسين يوتيوب الاول و ممكن كمان تسمعي بودكاست تتطوري لغة مثلا .....معنديش مشكلو ارشحلك بودكاست لو حابة
تم النشر الأربعاء، ٣ يوليو ٢٠٢٤
لعرض السؤال في فدني اضغط هنا