محتاجه حد يعرف قصتي ويساعدني ضروري
انا عندي 19 سنه في تالته جامعه و اتعرضت لحاجات كتير اوووي تعبتني نفسيا وخلت عندي رهاب اجتماعي.
أول حاجه هم اهلي، وانا صغيره مكنش حد بيفهمني كانو شايفين أن البنت مش ينفع تدلع وان غلط الدلع للبنت كانو لازم اي حاجه تتقال تتنفذ كنت بخاف اوي منهم كنت بخاف اقولهم لا انا مش عاوزه دي لأن كانو بيزعقو وممكن توصل للضرب أو هم عارفين اني بخاف من الكلمه كانو يضلمو الشقه مع أن اهلي ناس كويسه جدا بس هم ربوني بطريقه غلط.
ولما كبرت في اي مشاكل بدخلها، جسمي كلو بيرتعش وبيكون معايا حق بس مش بعرف أواجه لأن اهلي كانو دايما اي حاجه لازم تتنفذ ومينفعش اتكلم.
انا كنت بحب تيته ام مامتي و توفت وكنت في كي جي ومن هنا بدأت أن لا انا عاوزه اروح ليها كنت بدخل اعياط بساعات في ضلمة ومحدش حاسس بيا وقررت أن هنتحر.
حاولت بحاجات كتير اووووووي وكنت بفشل.
مع إني قريبه من ربنا بس انا كنت نفسي حد يطبطب عليا يقولي كلمه حلوه بس اهلي كان ديما بيقارنو أن ازاي بنت عمك شاطره وبنت خالك شاطره انتي ليه متكونيش شاطره زيهم.
وصلت لي سن المراهقه وحرفيا انا كنت محتاجه اسمع كلام حلو كنت محتاجه حد يبقا معايا وحبيت واحد وطلع خاين واهلي عرفوا واتاخد الفون واضربت وكنت بتعامل باوحش معامله حرفيا وحصلت مره واتنين وتلاته وعرفت واحد وطلع مش كويس وخاين وانا من النوع لمه بحب بحب بجد مش بخون وله بخون الي قدامي.
وعن الصحاب فأنا كان ليا صحاب كتير بس وقت ما كنت بتحط في مشكله مش بلاقي حد احكي له مالي مع اني بسمع الكل وعمري ما سبت حد مضايق حتي لو معرفهوش والله.
ونقلت من مكان اللي كنت قاعده فيه ورحت لمكان تاني وعرفت ولد معايا في المدرسه كنت تانيه ثانوي وحبيته وفضلنا تلات سنين اتخانت اكتر من مره وكنت بسامح لحد ما بقيت مش قادره استحمل الشخص ده.
وكان ليا وحده صحبتي سبتني في نفس الوقت.
مريت بسنه كلها تعب كلها وجع محدش فهمني محدش عارف انا حاسه بإيه، بقيت اخاف من الناس اووووي.
حاولت انتحر بطرق مختلفة ربنا بيسترها معايا وجالي التهاب جامد في المريء بسبب الزعل وكان بيحصلي نزيف وكنت بعيط بالساعات ومحدش حاسس بيا.
كنت اقول لاهلي هخرج مع صحابي يقولو لا احنا مش عندنا الكلام ده وكنت اول سنه كليه مريت بحاجات كتير اووووووي وحشه، إني سبت اللي حبيته واتخانت وإن ملقتش صحبتي جمبي وسابتني وان بنت عمي اللي معايا في نفس الكليه ونفس السكشن بتتكلم في ظهري باوحش كلام.
ولما بقت احسن ربنا عوضني بواحد شبهي وحبتو وحبني بس مشاكلنا معظمها انو هو طبعو قاسي وانا محتاجه حد يطبطب عليا انا بعيط بالساعات ومش بيفرق معاه وفي نفس الوقت هو بيحبني وانا بحبه اوي وفكرت أن ابعد عنه مش هقدر حرفيا انا حاولت أريح نفسي من الدنيا دي بس برجع في اخر لحظه.
بس حرفيا انا تعبت اووووي ومش عارفه اعمل ايه ومحدش حاسس بيا وفاقدة الشغف وبقيت مهمله في دراستي ونفسيتي تعبت اوي وجسديًا تعبت، شعري بيقع رغم أن شعري كان تقيل اوووي وطويل بقت احس بغزات في قلبي وصدري قولوني بيتعبني جدا كأن سكين انا مش عارفه اعمل ايه
ازيك يا منة ! انا لاحظت من عرضك للمشكلة انك عندك وعي كويس وقادرة تحللي الأسباب اللي وصلتك لإنك تفكري للانتحار أو تلجأي لدعم برة نطاق اسرتك وغيرها من المشاكل اللي بتعاني منها دلوقتي، فأنا بحييكي انك قدرتي تلمسي النقطة دي وتوصلي لها لوحدك، بس الوصول للسبب لوحده مش كافي للتعافي، دلوقتي محتاجين ناخد خطوات إيجابية واعية نقدر نساعد بيها نفسنا من دوائر العلاقات الغير مناسبة اللي بندخل فيها بسبب حاجتنا للدعم ولحد يسمعنا، بعد خطوة التعافي وإشباع حاجتنا الملحة للانتماء هنقدر نشوف الصورة بشكل اوضح ونقدر نقرر هل فعلا الشخص اللي معانا مناسب؟ ولا وجوده بيملى الفراغ اللي جوانا. محتاجة تبني لنفسك علاقات داعمة وتتعلمي ازاي تعملي كدا بطريقة غير مؤذية ليكي أو مهلكة ليهم، كمان محتاجة تتعلمي طرق تنظمي بها انفعالاتك بحيث نقلل من الاندفاعات الانتحارية، ومحتاجة تتعرفي على نفسك اكتر واهتماماتك في الحياة وتجربي في نطاق امكانياتك وتعرفي ازاي تحبي نفسك. دا مجرد تقييم مبدأي من خلال عرضك لمشكلتك، لو مش عارفة تبدأي منين أو ازاي ومحتاجة حد معاكي في الطريق، تقدري تستعيني بأخصائية نفسية اكلينيكية او معالجة نفسية او مرشدة نفسية، ومع بعض تقدروا تحددوا اولوياتكم وازاي نبدأ رحلة التعافي.
تم النشر الخميس، ٧ نوفمبر ٢٠٢٤
وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ (97) فَسَبِّحْ بِحَمْدِ رَبِّكَ وَكُن مِّنَ السَّاجِدِينَ (98) الَّذِينَ يُنفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنِ النَّاسِ ۗ وَاللَّهُ يُحِبُّ الْمُحْسِنِينَ (134) يَا أَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ ۚ إِنَّ اللَّهَ مَعَ الصَّابِرِينَ (153) ( وَنَحْنُ أَقْرَبُ إِلَيْهِ مِنْ حَبْلِ الْوَرِيدِ )
تم النشر الأربعاء، ٦ نوفمبر ٢٠٢٤
عزيزتي منة، أولاً أود أن أقول لك إنني أقدر مشاعرك وما تمرين به. إن ما تشعرين به ليس سهلاً، ومن المهم أن تعرفي أنك لست وحدك في هذه المعركة. من الواضح أنك تعرضت للكثير من الألم والضغط خلال حياتك، وخاصة في ظل ظروف عائلية صعبة ومواقف مؤلمة. أريد أن أشجعك على التحدث إلى شخص مختص يمكنه مساعدتك بشكل أكثر فعالية، مثل طبيب نفسي أو مستشار معتمد. المساعدة الاحترافية قد توفر لك دعماً تحتاجينه بشدة. فيما يتعلق بتجاربك العاطفية وصداقاتك، من المهم أن تتذكري أن العلاقات ليست دوماً سهلة، وأحياناً نلتقي بأشخاص لا يقدّرون مشاعرنا. لا تستسلمي، وابحثي عن الأشخاص الذين يشجعونك ويدعمونك. لا تترددي في قطع العلاقات مع الأشخاص الذين يؤذونك أو يجلبون لك الألم. من الجيد أن تعترفي بمشاعرك، لكن يجب أيضاً أن تعملي على تطوير مهارات المواجهة. حاولي أن تكتبي مشاعرك، أو تجدي أنشطة تجلب لك المتعة وتساعد على الهروب من الضغوطات. النشاط البدني، مثل المشي أو الرياضة، يمكن أن يكون له أثر إيجابي على صحتك الجسدية والنفسية. لا تنسي أن تلجئي إلى الله بالدعاء، فهو يراك ويسمعك، واطلبي منه العون والسند. وثقي أنه مهما كانت الصعوبات، هناك دائماً بصيص أمل في الأفق. أكرر وأشدد على أهمية استشارة متخصص، سواء كان طبيباً نفسياً أو مستشاراً، وستجدين الدعم المناسب الذي تحتاجينه. تذكري أنك تستحقين السعادة والسلام الداخلي.
تم النشر الأربعاء، ٦ نوفمبر ٢٠٢٤
السلام عليكم ورحمة الله، شكرًا يا منة لعرض مشكلتك على فدني وإن شاء الله تفيدك إجابات الخبراء. أولًا، أنا هبدأ كلامي بنصيحة تبدأي بها قبل ما تعالجي باقي المشاكل في حياتك. الولد اللي انتِ على علاقة به حاليًا ابعدي عنه. أنتِ بتقولي إن ربنا عوضك به... بس ده مش عوض يا حبيبتي... ربنا أولًا مش بيرضى عن العلاقات دي عشان نقول إنه هو عوضك بها... ربنا مش هيعوضك بحاجة حرام أصلًا. كان ممكن أقول لك احتمال ده عوض ربنا لو كان الشخص ده أحبك وتقدم لك وخطبك من أهلك، مش مشي معك في ارتباط هو حرام في ديننا. *** تاني حاجة، أنتِ محتاجة تقفي مع نفسك وقفة وتراجعيها. عارفة اللي مريتِ به صعب وحاسة بكِ... بس صدقيني مفيش حاجة هتتغير في حياتك طول ما أنتِ مركزة على المشاكل وكل اللي حصل في الماضي. أهلك عملوا والشبان اللي ارتبطتِ بهم خانوكِ وصحابك طلعوا أندال وبنت عمك اتكلمت في ظهرك. تمام، كل ده مفهوم... بس لو فضلتِ مركزة عليهم وبتبكي وبتشكي مش هتخرجي من اللي انتِ فيه. لازم تاخدي الخطوة وتخرجي من الدائرة دي بأي طريقة. اقطعي علاقتك بأي حاجة حرام وقربي من ربنا وركزي على نفسك... ليه ربنا خلقني وليه أنا لسه عايشة رغم كل محاولات الانتحار. مش يمكن دي كلها رسائل من ربنا عشان تفوقي لنفسك وتفتكري إن لسه بيعطيك فرصة تغيري من نفسك ومن حياتك قبل ما تقابليه ويحاسبك على اللي كان مفروض تعمليه في حياتك من عبادات وخير وحاجات نافعة ومعملتيهاش؟ **** يا ريت تشوفي الفيديو ده هينفعك جدًا، https://www.youtube.com/watch?v=8xO-FS0IJKs وانتظري باقي الإجابات من الخبراء والأعضاء هنا عشان تنتفعي بها إن شاء الله وتنور لك الطريق.
تم النشر الأربعاء، ٦ نوفمبر ٢٠٢٤
اولا انك لا تنتظري الحنية وطيبة من العبد ان اليوم يبتسموا لكي غدا يتغيروا عليكي كوني مع الله الله يكون معكي ولا تخلي شئ يكسرك اعلمي ان كله في شئ ناقص في حياته ممكن تعليم وممكن حنية وممكن اب او ام او جمال او اخلاق فعلمي ان كل شي في حياته ناقص وارضي بعطاء الله كوني
تم النشر الخميس، ٧ نوفمبر ٢٠٢٤
يمكن اقول ان كل اللى حصل ده منطقي جدا و طبيعي، وفي كل مواقع التواصل الاجتماعي هتلاقي ناس مروا بتجارب مشابهة، اعتقد ان الحل موجود جواكي ، دايما كنتي بتركزي على الناس اللي برا، وجهي تركيزك نحيت نفسك الفترة دي تعاطفي معاها افهمي ايه الى حصل ، ممكن تحاولي انك تبعدي عن الناس وشوية وتقعدي لوحدك ، العلاج مش سهل و اكيد الحل مش في تعليقي الحل فيكي انتي ، عالجي نفسك بنفسك عشان نفسك ( من تجربة شخصية).
تم النشر الأربعاء، ٦ نوفمبر ٢٠٢٤
لكل حالة أسباب لابد من التعرف عليها للوصول للتشخيص ثم خطة العلاج
تم النشر الجمعة، ٨ نوفمبر ٢٠٢٤
حاضر ♥️
تم النشر الأربعاء، ٦ نوفمبر ٢٠٢٤
لعرض السؤال في فدني اضغط هنا