لو سمحت انا كنت عايزه اسأل انا الفعل الى عملته صح ولا غلط انا فى ثانويه عامه وانا الحمد لله تعبت طول السنه من المزاكره وكنت بحل من كذا كتاب واصلى وادعى ربنا انى اوصل للى انا عايزاه وانا من النوع الى مش بغش يعنى انا بتوكل على الله حتى لو الامتحان جه فى ايدى قبل الامتحان مش هبص فيه لان عايزه ادخل الكليه بتوفيق من ربنا حتى لو مفيش نصيب فى الى انا عايزاه فانا كنت فى امتحان العربى وجه شديد فى حاجات وغير توتر اللجنه و مكنتش شاده وفى تسيب وبنات معاها سماعات وفى موبايل وحلوا الامتحان فى نص ساعه حرفيا والامتحان نفسه كان محتاج وقت اكتر من الوقت الاصلى انا شايفه كدا وانا والله زاكرت اوى وعملت الى عليا خدت الصدمه ونفسيتى تعبت وقولت ان حلمى شبه ضاع وكنت مكسوره مش انى غلط ان غيرى مش عارف حاجه ويجيب مجموع ويعلى التنسيق عليا وعلى غيرى احنا نتعب ويطلع عنينا وناس متعرفش حاجه تضرنا فى مستقبلنا مفقدتش الامل وقولت الحمد الله وقولت حسبى الله ونعم الوكيل فانا وصحبتى الى زيى مش بتغش روحنا قدام رئيس الدور وعملنا نفسنا بنتكلم وقولنا ان فى سماعات عندنا بدون ذكر اسماء فهوه ركز فى الكلام وجاب واحد معاه جهاز وطلع السماعات انا والله العظيم ما كان قصدى انى افتن او اضر حد بس من كسرت خاطري و زعلى وخوفى على مستقلبى انا مبتمناش لحد الشر ولا انا انانيه انا طول عمرى فى حالى بس من وجعى عملت كدا لو مش هيضرنى انا مكنتش هعمل كدا بس ذنبى اى وانا مش عارفه الى عملته ده غلط ولا صح بس نيتى والله مكنش فيها اذى لاى شخص
السلام عليكم اولا ان شاء الله بالتوفيق وبالنجاح وربنا يعني يديكي بقدر الجهد بتاعك نتائج حلوه ان شاء الله. انت ما فتنتيش على حد ولكن اتصرفتي بشكل تلقائي علشان يعني تضمني نفسك حقك او تحافظيه وتدافعي عن حقك ايوه انت حقك انك لما تشوفي غلط تقولي على الغلط ده ان هو غلط فانت شوفتي الطريقه الانسب وقلت بها وما فتنتيش لحد ما روحتيش شاورتي على حد يعني فكشفتي ستره وقلت فلانه دي معاها سماعات سماعه يعني او حاجه وهما بقى اللي ايه ربنا كتب لهم ان يتكشف من عليهم الستر وتتكشف السماعات اللي معاكم لا ما تشغليش بالك وان شاء الله كل واحد بياخد. بجهده اللي هو يستحقه.
تم النشر الأربعاء، ٢٦ يونيو ٢٠٢٤
السلام عليكم ورحمه الله ربنا معاكي و يوفقك، و دا حقك حتي لو حد اتاخد منه سماعات أو اتعمل محضر ف دا جزاء عمله كانت تذاكر اسهل من التركيز علي ادوات الغش، و انتي من حقك تتكلمي بقصد مش حتي ترمي كلام علشان يفهم رئيس القسم. ف انتي كدا لا عليكي شئ و دا حقك ربنا يوفقك و يكتبلك اللي تتمنيه 💐
تم النشر الخميس، ٢٧ يونيو ٢٠٢٤
بصي انا حاسة بيكى انا كمان ذيك بظبط مبرضاش اغش فى الامتحانات وممكن تكون الاجابة قدامى بس مبرضاش ابص وحوليا ناس بيغشو واللجنه مفتوحه وبيتكلمو مع بعض عادى وانا ابقي فى حالى الغش حرام طبعا من غشنا فليس منا واحييكى انك مش بتغشي لان نسبة كبيرة من الناس بتغش عادى ربنا يهديهم ويهدينا جميعا بس التصرف اللى انتى عملتيه مكنش صح (من ستر مسلما ستره الله يوم القيامه) انا عارفة انك عملتى كدة من حزنك على اللى بيحصل بسبب انهم بيجيبو مجاميع عليا من الغش بس صدقينى عمرهم ما هينجحو فى حياتهم اللى بيغشو فى ثانوية عامة ويدخلو طب وهندسة بالغش وييجو يشتغلو دول كدة بيخدو فلوس حرام مش بتاعتهم اصلا والمفروض تكونى مبسوطه اصلا لانك بتعملى اللى يرضي ربنا حاولى تتعلمى من اخطاءك بدل ما تندمى على الماضي ربنا يوفقك فى حياتك ان شاء الله
تم النشر الثلاثاء، ٢٥ يونيو ٢٠٢٤
حبيبتي، انتي عملتي اللي قدرتي عليه وكنتي بتمشي على الطريق الصح طول الوقت، بتذاكري، بتصلي، وبتتوكي على ربنا. اللي حصل في الامتحان أثر عليك لأنك حسيتي بعدم العدل، وده شيء طبيعي. من وجهة نظري، ما عملتيش حاجة غلط لأنك كنتِ بتحاولي تحفظي على حقك وحق زمايلك اللي اجتهدوا زيك. الغش مش هيخلي حد يتعلم، وفي النهاية هيضر الناس اللي عايزين ينجحوا بجد. مش معناها إنك بغشتي عليهم إنك شريرة أو أنانية، بالعكس، لما بتيجي مقاومة الغلط والفساد، ده معناه إنك شخص نزيه وبيسعى للعدل. وده مش شيء سهل، وبيحتاج قوة. صدقيني، مجهودك واجتهادك مش هيروحوا على الفاضي، وربنا عادل وبيعوضك باللي تستحقيه. كوني فخورة بنفسك وبأخلاقك، وخليكي ماشيه في طريقك بنفس الإصرار والإيجابية. وما تخليش الموضوع ده يأثر عليكِ سلبيًا. خلى تركيزك على مستقبلك وما تضايقيش من الناس اللي مش بتعمل صح، هما في الآخر اللي هيخسروا. انتي نجمة، وتستاهلي كل الخير لأنك بتعملي الصح. خلى دايماً ثقتك في ربنا كبيرة، وبالتوفيق يا حبيبتي! 🌟
تم النشر الثلاثاء، ٢٥ يونيو ٢٠٢٤
اعلمي أنك قمت بالأمر الأصح، ولم ترتكبي أي خطأ، المخطئ هو من يقوم بالغش ويتحمل ذنب كل من لم يستطع دخول الكلية التي يرغبها بسببه، الغش محرم ولا أعلم كيف يتهاون الطلاب في هذا الأمر الذي لا يقل عن السرقة، وأكل حقوق الناس بالباطل، والتزوير.
تم النشر الخميس، ٢٧ يونيو ٢٠٢٤
لا جدعه يقمر ربنا يوفقك واحسن حاجه والله عملتيها لي تتعبي طووول السنه وف الاخر بجي حد متعبش ربع تعبك تلاقيه ف طب وف صيدله.. الخ ويعلي التنسيق.. ربنا يوفق جميع طلاب الثانويه ♥️♥️♥️♥️
تم النشر الأربعاء، ٢٦ يونيو ٢٠٢٤
لو مر شخص بجوار اللجنة ورأى الغش لكان واجبا عليه إخبار المسؤولين وكان هذا من باب النهي عن المنكر . . أنتم فعلتم نفس الشيء!
تم النشر الثلاثاء، ٢٥ يونيو ٢٠٢٤
أنتو مغلطوش اى حد تعب طبيعى يزعل لما يلاقى غيرو ممكن يوصل من غير مجهود
تم النشر الثلاثاء، ٢٥ يونيو ٢٠٢٤
أنتم لم تخطئوا
تم النشر الثلاثاء، ٢٥ يونيو ٢٠٢٤
هذا عادي الساكت عن الحق شيطان اخرس
تم النشر الأربعاء، ٢٦ يونيو ٢٠٢٤
لعرض السؤال في فدني اضغط هنا