انا في حرب في دماغي مش اقدر انتصر عليها بفكر ولوم نفسي عشان مكنتيش بعرف اكلم اللي اخطبها مع اني عمري ما كلمت بنات في الحقيقه او جت كذا فرصه بنتين كلموني بس انا مرضتيش مع واحده ما رضيت اخرج معاها ولا اكمل اكلمها عشان انا مش كده يمكن البت حبتني شويه بس هي كده بتخون اهله بس انا كلمت بنت كتير اوي اوي اوي علي انستجرام في الحرام بس مش بعرف اكلم بنت اخطبها في الطبيعي علطول بقول ياه لو كنت عرفت اكلمها انا بشتغل من وانا عندي 10 سنين بس معملتش ايه حاجه تفرح ولا أنجز يا دوب معايا دبلوم حولت اكمل تعليم ام كبرت فشلت في الثانوية العامة قعدت في البيت اكتر من 3 سنين ضيعتهم في حياتي ولا عندي ثقه في نفسي و متردد مش برضى بأي حاجه بندم علي اي حاجه علطول بقول ليه ليه... بزعل اوي من السنين اللي فاتت مش عارف ابقي إنسان طبيعي عملت مشكله في تالتة اعدادي من الشؤون سقطوني.. في تالتة ثانوية قطعت ورقة الامتحان.. أي حاجه عايز اعملها لازم اخد راي ناس كتير مش بعرف اتصرف لي وحدي وده دمرني كتير بروح اي شغل بيقول عليا مجنون وسرقت كتير اوي انا في ابتداي اعدادي كنت بسرق اكياس الشيبسي من المحلات كنت شغل في محل بسرق منه فلوس برضو انا انسان نمرود اوي عملت ذنوب كتير اوي انا عندي 21 سنه لحد 27 ذنوب الخلوات... بشتم امي ابويا اخواتي بسب ليهم الدين كتير كل عائلته بشتمهم... مش عجبني اي حاجه ولا برضي بأي حاجه علطول اقول دنيا (***) بشتم نفسي بشتم البشر كلها ورحت لي دكاتره نفسية كتير اوي اوي اوي بس عمري ما خفتيت مش برضي بي حاجه ولا عجبني اي حاجه حته لو قدامي مليون عروسه اقول دي ولا دي ولا دي بقول ساعت هتوافق عليا لي انا انسان وحش جدا مش بيعجبني حاجه اخوي كان بيضربني انا صغير كتير خلاني اسيب البيت امي ودتني وانا عندي 10 سنين اشتغل فشلت في التعليم في الحياة مع ربنا فاشل برضو ما فيش حاجه حلوه في حياتي ولا مجتمعي معنديش اصدقاء اي حد بيقول عليه مجنون انا كده كده عارف اني دماغي متخلفة انا بقالي اكتر من 9 انا مفروم مع دماغي مش عارف اتغير ولا اطلع منها انا عملت كل حاجه وحشه مش بطيق اهلي بحس انهم مش كويسين معايا بيشفوني مجنون علطول محدش بيثق فيه اروح لي دكتور نفسي ولا اموت نفسي بس انا جبان مش هعمل كده
السلام عليكم ورحمه الله وبركاته أقدر تماماً الألم الداخلي لديك ،، ولكن هناك عدة نقاط تم ذكرها منك تستدعي ضرورة الذهاب لمتخصص ،، انت محتاج جلسات ضروري ،، تحياتي
تم النشر الخميس، ١١ يوليو ٢٠٢٤
السلام عليكم ورحمه الله اهلا بيك مقدره حالتك و اللي بتحس بيه و انت مش لوحدك في العالم بتحس بالمشاعر دي او المشاكل السلوكية دي، انت محتاج معالج نفسي و يمشي معاك خطوه خطوه هو دا الحل الوحيد لك ،، تروح لمعالج و تتخلص من كل دا او تفضل في المعاناه دي طول حياتك. لانه هيسلعدك تتعامل مع إنفعالاتك و و هيعلمك إزاي تفكر بشكل إيجابي و هينمي عندك مهارات الثقه بالنفس و إتخاذ القرار بنفسك.
تم النشر الثلاثاء، ٩ يوليو ٢٠٢٤
هون عليك، الدنيا دار بلاء والآخرة دار جزاء.... بص إنت شايف إنك عندك مشاكل كتيرة جدا، والمشاكل دي مفترعة من مشاكل أكبر أو ممكن نقول عليها الأصول، فإحنا لو ظبطنا الأصول دي، بشكل اوتوماتيكي حاجات كتير هتتصلح، ومع الصبر والدعاء هتلاقي كل المشاكل اتحلت بإذن الله، أول وأهم أصل وأساس في حياة المسلم، هو الصلاة، الصلاة يا صديقي أقل ما يقال هي مفتاح الدين والدنيا، فبدون الصلاة ستفشل في الدنيا، وستخسر الآخرة بكل تأكيد، وإنك تبدأ تدخل المسجد وتسمع ناس بتقرا وناس بتذكر ربنا وحلق علم مثلا.....ده لازم هيغير في لسانك وأسلوبك وطريقة كلامك..... ثم الصحبة الصالحة اللي هي بتتمركز في المسجد برضو الصحبة هما اللي هيساندوك ويدعموك ويقفوا جنبك ويعينوك بإذن الله..... والدعاء يا عبد الله الدعاء، وأحسن الظن بالله، ده أمر لازم والله، حتى لو حياتك سودة لازم تحسن الظن به، وإلا مش هتتغير، قال صلى الله عليه وسلم: يقول الله تعالى: أنا عند ظن عبدي بي فظن خيرا يأتيك الخير بإذن الله ويسر الله لك وأعانك وسددك وثبتك
تم النشر الثلاثاء، ٩ يوليو ٢٠٢٤
حبيبي، الكلام اللي بتقوله مؤلم جدًا وحاجة بتقطع القلب. أنا حاسّة قد إيه انت بتعاني وجواك صراع كبير. خلينا نحكي شويّة بصراحة ومن غير حكم أو لوم. أول حاجة، اللوم والندم على اللي فات مش هيرجع الزمن ولا هيغير الحاجات اللي حصلت. واللي عدى خلاص، بس المهم إيه اللي نقدر نعمله عشان نحسّن من وضعنا. الشعور بالندم طبيعي وبيحصل لكل إنسان، بس لازم نحاول نستخدمه كدفعة لتحسين حياتنا بدل ما يخلينا نموت جوا نفسنا. حاول تركّز على تحسين نفسك خطوة بخطوة مش لازم تتغيّر في يوم وليلة. انتا حاسس داخليًا بعدم الرضا ودي مشكلة كبيرة، بس خلينا نبدأ بخطوات بسيطة: ابعد عن اللوم المستمر لنفسك : لوم نفسك مش هيخلّي الوضع يتحسن، العكس هو اللي هيدمّر نفسيتك. احترم حقك في بداية جديدة : مش معنى انك عملت أخطاء قبل كده مش من حقك تبدأ من جديد. البحث عن مساعدة : ممكن تكون محتاج لدكتور نفسي، مش عيب أنك تدور على المساعدة من حد مختص. ساعات الحاجات اللي مش بنقدر نحلّها لوحدنا تحتاج دعم خارجي. دوّر على أنشطة بتحبها : حاول تشغل وقتك بحاجة بتحبها وهتغنيك عن التفكير السلبي، يمكن تكون رياضة، هواية جديدة، أو تطوّع علشان تحس انك بتفيد غيرك. البعد عن السلبّية : حاوّل تخلّي بيئتك إيجابية، ابعد عن أي حاجة أو أي شخص بيحسسوك بالنقص. أنت مش متخلف ولا مجنون، أنت إنسان بيواجه صعوبات وده شيء طبيعي يحصل. لكن الأهم مش اللي حصل، الأهم هو إيه اللي هتعمله بعد كده. تحسّن خطوة بخطوة ومش لازم الأمور تتحسن على طول، المهم التقدّم. يا ريت تبدأ بإنك تراجع دكتور نفسي تاني، واتبع نصايحهم بالزبط. الدنيا مش سهلة بس المجهود بيفرق. حافظ على طموحاتك وقاوم، وفي النهاية حتلاقي النور في الطريق. وأنا هنا دايمًا لو احتجت تحكي أو تحتاج نصيحة. 💜
تم النشر الاثنين، ٨ يوليو ٢٠٢٤
لعرض السؤال في فدني اضغط هنا