كيف أتخلص من إدمان الإباحية وآثارها السلبية على حياتي ونفسيتي؟

Question

السلام عليكم عايز احكي مشكلتي، من فتره كان عندي 16 سنه. بدأت اشوف مواقع اباحيه، وده كان له عده اسباب يعني، هم اصحاب السوء والحب من طرف واحد، حاجات اللي حصلت ليه بعد وفاه والدي، من اهمها اني بقيت مدمن على الافلام الاباحيه. حاولت اكتر من مره بس برضه مش عارف اطلع منها مش عارفه اتخطى الكارثه دي والمصيبه بقى لي أربع سنين. طبعا اثرت علي اثرت على نفسيتي اثرت على دراستي اثرت على شغلي. معدتش زي الاول خالص انا في كليه كويسه جدا يعني معظم الناس تتمنى ان هي تكون موجوده فيها ولكن الاباحيه خلتني مش حاسس بالنعمه اللي انا فيها ولا حاسس اصلا حاجه في حياتي حرفيا الحياه الدنيا بتعدي وانا مش حاسس بحاجه حاسس ان انا متخدر مش حاسس حاجه حاسس ان انا مسؤول بس بهرب من المسؤوليه. محتاج مساعده اكيد محتاج مساعده.

Accepted Answer

اولا لازم تتجه لله لو بتصلى انزل صلى فى المسجد وبالذات الفجر ودى معى الوقت هتبعدك عن الإباحية حتى لو وقعت مفيش مشكلة برده صلى واستغفر واقرأ ورد من القرآن حتى لو آيات بسيطة ده هيقربك من ربنا وبالتالى مش هتعصاه وابعد عن الناس اللي بتشوف الحاجات دى لانهم مش هينصحوك بل هما عايزينك زيهم فحاول ابعد عنهم ورافق الاصدقاء الصالحين اللى بيدعوا للهداية وخلى بالك الاصرار على الصغيرة كبيرة وده جمهور أهل العلم قالوا كده ..وربنا يهديك للطريق المستقيم

Answer

بص انت لازم تتعود على غض البصر لأن غض البصر بيقطع الشهوة دي يعني الشريعة ضابطة مشكلة الشهوة دي بأنك تغض بصرك عن النساء وعدم الخلوة وتبعد عن اي حاجة بتثير الشهوة دي والإختلاط له حدود يعني شوف انت بتغض بصرك ولا لا، انت عامل ايه في الإختلاط كل ده حاجات لازم تضبطها وتلتزم بيها وغض البصر يعني اول ما تشوف بنت لازم تشيل عينك فورا وله أحكام تانية غير دي { قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ } والضوابط دي مش الي حاجة بتقيد حرية الإنسان بالعكس... { يُرِيدُ اللَّهُ أَنْ يُخَفِّفَ عَنْكُمْ وَخُلِقَ الْإِنْسَانُ ضَعِيفًا } ده ربنا اكتر حد حاسس بيك وعارف ضعف الإنسان الضوابط دي وتشريعات ربنا.. بغض البصر وحدود الإختلاط مش حاجة بتقيدك دا دي هي العزة دي الحاجة الي تفتخر بيها انك تميزت بيها عن دول الغرب الي في الظلمات الضوابط دي الي هتخرجك من الظلمات الدنيا ده الخير بجد في دنياك وآخرتك ولازم تغير البيئة ابدأ احفظ قرآن وروح المسجد هيعينوك جدا على طاعة ربنا وسلوكك هيتغير كتير جدا... { هُوَ الَّذِي يُنَزِّلُ عَلَى عَبْدِهِ آيَاتٍ بَيِّنَاتٍ لِيُخْرِجَكُمْ مِنَ الظُّلُمَاتِ إِلَى النُّورِ وَإِنَّ اللَّهَ بِكُمْ لَرَءُوفٌ رَحِيمٌ } { لَقَدْ مَنَّ اللَّهُ عَلَى الْمُؤْمِنِينَ إِذْ بَعَثَ فِيهِمْ رَسُولًا مِنْ أَنْفُسِهِمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِنْ كَانُوا مِنْ قَبْلُ لَفِي ضَلَالٍ مُبِينٍ } صلى الفروض في المسجد والصلاة لو مش ملتزم بيها اتعود... زي صيام كده انت تعود تصوم ٣٠ يوم وجدد التوبة دايما مهما وقعت ولو الف مرة { قُلْ يَاعِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ } وفي الآخر اعلم ان هدايتك بإيد ربنا وانه هوه الي بيسوق ليك الهداية ولو كان مفيش اسباب إِذَا قَضَى أَمْرًا فَإِنَّمَا يَقُولُ لَهُ كُنْ فَيَكُونُ فانت اطلب من ربنا الهداية ودور عليها بس وانت نفسك فعلا عايزها واوعى تيأس او الشيطان ييأسك من نفسك حتى لو كنت شايف ان صعبة اوي تسيب الذنب الفولاني ولكن جدد التوبة دايما ولما تلاقي الهداية او الفرصة الي هتعينك على الهداية امسك فيها فورا واوعي تكبر دماغك او تتركها عشان أمور في الدنيا او غيرها

Answer

مهم جدآ انك تمارس رياضة وتشغل وقتك في عمل او دراسة وتتجنب الوحدة والعزلة لأنهم سبب مباشر في اللجوء إلى تلك الافكار والمشاهدات السلبية

كيف أتخلص من إدمان الإباحية وآثارها السلبية على حياتي ونفسيتي؟

نفسية

إدمان

سؤال من احد أعضاء فدني

تم النشر الثلاثاء، ٧ يناير ٢٠٢٥

5 إجابة

12 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك