انا تعبانة اوي نفسيا بسبب العلاقات المؤذية .. بقيت حاسة إن الناس كلها كذابين وان مفيش حد بيحب بجد .. انا عندي 31 سنة و مش حابة اني اتجوز صالونات .. و مش خايفة من اني أكبر ف السن .. انا بس كل اللي يتمناه علاقة سوية مع شخص سوي نفسيا .. وف نفس الوقت بقيت خايفة اقرب من اي حد .. نفسي اتكلم مع حد منغير ما يبعد .. أو منغير ما اكتشف أنه متجوز أو خاطب .. نفسي احس بالامان مع حد .. مع العلم انا كنت شايفة الناس كلها حلوة زمان .. فجأة ليه الناس بقت كدا .. الرجالة أو الذكور يعني بقوا يستسهلوا الكذب و التلاعب بقلوب البنات بدم بارد.. مش بيبقوا مدركين أنهم بيقتلونا حرفياً ..
عارفة إن في ناس هتقول دي علاقات حرام و قربي من ربنا اكتر .. بس دا الواقع .. نفسي الاقي حد جانبي يحبني مش اكتر .. انا الحمدلله واثقة ف نفسي اني حلوة و تعليمي كويس و ذكية ومريحة ف حياتي .. وواثقة بردو ف ربنا أنه هيبعتلي الشخص المناسب ف الوقت المناسب .. بس غصب عني بيجيلي اوقات ضعف مش اكتر .
شكرا ليكي ع المشاركة دا احتياج طبيعي متلوميش نفسك عليه ان يكون في شخص فحياتك يبادلك شعور الامان والطمأنينه وتكملوا حياتكم سوا بس يجيي بطريقة صح عشان يكمل صح انتي محتاجة حد سوي نفسيا ودا حقك تعملي ايه اسعي انك تكوني سوية نفسيا اعرفي نفسك حقوقك واجباتك اعرفي حدودك مع نفسك مع اللي حواليكي اتعلمي مهارات الحياة تعرفي تتعاملي بيها هتفرق معاكي جدا وهتفضل من حواليكي دايرة المستغلين انتي غالية قوي فمش اي حد يعوز يقرب منك تديله مساحة مش من حقه
تم النشر الثلاثاء، ٧ مايو ٢٠٢٤
بصي دي حاجه طبيعيه انك لما تدخلي في علاقه توكسيك او حد وثقتي فيه وخذلك او كدب عليكي او ضحك عليكي طبيعي دي تبقا رده فعلك لأي حاجه بتحصل ف حياتك بس زي م في الوحش في الكويس وانا بنصحك ان تحاولي تختاري الشريك المناسب لحياتك لو مش حابه صالونات طبعا زي م نتي قولتي بس في حاجه اسمها استخاره وكده يعني صلي قبل م تكلمي الشخص ده او كده ولو فيه الخير ربنا هيديكي اشاره اكيد
تم النشر السبت، ٤ مايو ٢٠٢٤
طب انا هقول لك يعني ايه واقعيه احتمال تكوني ما سمعتيهاش ممكن حد قبل كده؟
تم النشر السبت، ٤ مايو ٢٠٢٤
يبقي مش كل الناس شبه بعض ولا كل الرجاله شبه بعض لسه في ناس محترمين ولاد ناس ورجاله بحق وبتفهم وبتدعم وتقف جنب حبيبتو او زوجته او ان كانت صحبتو وان شاء الله ربنا هايكرمك❤
تم النشر الجمعة، ٣ مايو ٢٠٢٤
نصيبك هيجي لحد عندك خلي ثقتك بربنا ونفسك أقوى من كده
تم النشر السبت، ٤ مايو ٢٠٢٤
العلاقات الصحوبية دي حرام ومتجيبش غير وجع قلبك
تم النشر السبت، ٤ مايو ٢٠٢٤
كل حاجه مكتوبلنا ومش كلهم زي بعض حاولي تختاري صح انتي بس ونصيبك هيجي كده كده ونشاءلله يبقي حد سوي وكويس وويعاملك احسن حاجه وتاخدي كل اللي تتمني
تم النشر الجمعة، ٣ مايو ٢٠٢٤
صوابع الخمسه مش زي بعض
تم النشر الجمعة، ٣ مايو ٢٠٢٤
لعرض السؤال في فدني اضغط هنا