أريد أن ألتزم في الصلاة .. ولا أعرف!

Question

السلام عليكم ورحمة الله وبركاته انا مش بعرف التزم بالصلاة وبحاول وفنفس الوقت مش بعرف ولما بصلي بكون مشتتة اعمل اي ممكن رد بسرعه😭✨

Accepted Answer

انا بنصح تجاهدي نفسك يعني لما تحسي انك مكسلة لا تغصبي عن نفسك انك تصلي لأن دي مسؤولية صلاة دي هتتحاسبي عليها وحتي لو وراكي مشوار تحاولي قدر استطاع أن تصلي الفرض الي عليكي قدر استطاع عشان دي مسؤولية وفي نفس الوقت لا يكلف الله نفساً إلا وسعها يعني بدام حاولتي تصلي وعملتي الي في ايدك خلاص ودي الي بيفرق فيها الصدق لو لقيت نفسك مفيش صدق حاولي تعرفي ربنا افتحي المصحف بنية انك بتتعرفي عن ربنا اسمعي درس عن صفات الله في اسبوع علي اقل وادعي أن ربنا يرزقك بالصحبة صالحة وعلي فكرة لو كان عندك صدق ربنا هيصدقك إن شاء الله خدي بالأسباب ودوري عليهم في بيئات الإيمان أسمعي ولو مرة في أسبوع عن أهمية صلاة والأحاديث الي وردت عن صلاة اسمعي دروس دينية في العموم ولو مرة واحدة من آخري رجلك عطريق صح يعني حاولي تحطي نفسك في بيئات الإيمان زي مثلا أكاديمية قرآن والتشتت في صلاة لازم تستحضري مقام الله عز وجل وانت واقفة قدامة ربنا إلي وسع كرسيه السماوات والأرض يعني ربنا مقام عرش رجليه بس إلي لا مثيل لها طبعا قد السموات والأرض لازم تكوني عارفة كلام ده وتكوني عارفة أحاديث ثابتة الي ورد فيها صلاة وأهميتها يعني لازم تسمعي درس عن أهمية صلاة أو تقرأي عن فقه صلاة حاجات دي كلها المقتصد منها انك تحطي رجلك عطريق الصح والي ربنا لما يشوفك بتحاولي توصليله وبتجاهدي نفسك وبتدري علي حلول ربنا هيهديكي إن شاء الله وعلي فكرة لو عندك ذنوب أو مشاكل مستصعبة إنك مش هتعرفي تقربي من ربنا بسببها زي انك صلاة مش عارفة تلتزمي فيها أو بتعملي ذنوب كل مشاكل دي بتتيسر لما بتحطي رجليكي عطريق صح وعن تجربة

Answer

لازم تحطي فبااك وانت بتصلي ان الصلاه دي اتعملت للراحه مش فرض زياده للتعب الصلاه دي اتعملت عشان انت بتجري طول اليوم بتجري فلشغل بتجري فلمذاكره والى اخره فا لازم الانسان يرتاح الراحه دي هتاخديها من الصلاه بس انهي صلاه الي بتبقا اربع ركعات فدقتين اكيد لا فصلاه بخشوع وانت فاصله نفسك عن الدنيا تماما وكل ما يجيلك فكره عن الي وراكي او صاحبتك او شغلك مذاكرتك استعيذي بالله من الشطان واستوبعي السور والكلام الي انت بتقرايه وادعي ربنا ان يثبتك عمرها ما هتظبط معاكي من اول مره بس الصلاه فلاول عاده وبعد كده عباده استمري لحد ما توصلي لده ووقتها مش هتقدري تستغني عن الصلاة إن شاء الله

Answer

فإن علاج السهو والسرحان في الصلاة يكون بالإقبال على الله تعالى والتركيز على الصلاة بالقلب والجوارح وتفهم القراءة واستحضار عظمة الله تعالى ومراقبته والابتعاد عن التفكير بأمور الدنيا وشواغلها وأحاديث النفس وغير ذلك مما لا يتعلق بالصلاة، أما التفكر في القرآن وأحكامه فليس من السهو لكن لا ينبغي أن يذهب في ذلك إلى حد الانشغال عن أركان الصلاة مثل عدد الركعات وإتمامها، وكذلك التفكير في كم ركعة صلى فإنه ليس من السهو بل هو مما يتعلق بإتمام الصلاة، ولا مانع من التفكير في عدد الآي التي قرأها لكنه غير مطلوب ولا ينبغي أن يشتغل به المصلي عما هو أهم منه، وليعلم السائل أن المرء ليس له من صلاته إلا ما عقل منها، وقد قال ابن عباس: ليس لك من صلاتك إلا ما عقلت منها.

أريد أن ألتزم في الصلاة .. ولا أعرف!

دينية

سؤال من Ganna Medhat

تم النشر الثلاثاء، ٣٠ أبريل ٢٠٢٤

4 إجابة

7 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك