السلام عليكم ورحمه الله وبركاته
انا كنت مصاحبه واحده وحبيتها جداا جدا وكانت بتيجي عندنا البيت واروح عندها مع أن انا من بلد وهيا من بلد تانيه وكانت معايا فى المدرسه وكل وقتى كان ليها ونخرج واحكيلها كل حاجه وهيا برضو مكنتش بتخبى عني اي حاجه
وفجاه معاملتها اتغيرت اول ما اتخطبت وبقيت تتجاهلنى جدا وأوقات كتير كانت تخلى عني أنها بتكلم خطيبها
مع العلم انها كانت مخبيه عني تفاصيل الخطوبه كلها
ف انا مستحملتش د وعاتبتها وقالت انو غصب عنها وأنها هتتغير تانى للاحسن ومتغيرتيش برضو عاتبتها تان ونالت وعاشر ومفيش اى تغير نهائى
كان حصل كذا حوار منها وزعلت منها جامد مع انى كنت مفضلاها عن كل صحابى بس جرحتنى اوي
جيت بعدها ب فتره فضلت احاول ابعد عنها
معرفتش ابعد برضو ودخلت كلمتها وعيطت لانى كنت بحبها اوي
ف هيا جيتلى البيت وقالت إنها اسفه وانو غصب عنها وعيطت وأنها هتتغير وبرضو د محصلش
فضلت انا ف فتره كبيره أعانى بسببها وتعبت جدا بس كنت بحكى ل ربنا وادعي كتير
بعدها ب فتره انا اتقدملى عريس
واتخطبت ف هيا كانت عارفه منى وبرضو كنت حكتلها عشان مبقاش وحشه زيها وقالت إنها هتكون جنبى ف يوم زى د
بس د محصلش واتصدمت يوم الخطوبه لقيت كل صحابى جنبى ماعدا هيا
ف الموقف بتاع خطوبتى د جه مسح كل إلى بينا نهائى وفضلت ترن وانا مردش وتابعت مسدجات كتير ومردش برضو وبقيت بعد يومى من غير زعل ولا تفكير فيها بس اكتر حاجه زعلانه عليها هيا نفسي وانى ضيعت وقتي نع وحده زى دى
وان كان فيه بينا وعود كتير اوى وقالت ليا انها مش زى إلى مشيو من حياتى وأنها هتعوضنى عنهم بس طلعت ازبل منهم حسبي الله ونعم الوكيل فيها بقا
واضح ياابنتي انه كان حب من طرف واحد والحقيقه انه تعلق مش حب ،انتي تعلقتي بيها وسددت عندك احتياج عاطفي وواضح انها كانت بتريحك وتفهمك اكتر من اصحابك الآخرين ولما الإنسان بيتعلق عاطفيا بيلغي الحدود مع الآخر ومش بيلاحظ اي تغير في المعامله ولو طفيف وبيغض الطرف عن حاجات صغيره بتحصل في النص لغايه مايحصل موقف كبير يبتدي يتساءل بعديه ليه عملت كدا ، بس الحقيقه ان كل حاجه لها عمر حتي العلاقات ،ومشاعرك الموجوعه هاتاخد فترتها وتعدي بإذن الله وبغض النظر عن سبب تصرفها معاكي فأرجو إنك تعالجي حكايه التعلق العاطفي لأنه ممكن يؤثر علي علاقاتك بشكل عام ،فتقبلي قضاء الله في هذه العلاقه وان ربنا صرفها عنك (وقنا واصرف عنا شر ما قضيت) لأن اكيد وجودها في حياتك كان هايضرك اكتر ما ينفعك
تم النشر الأحد، ٢٢ أكتوبر ٢٠٢٣
حسبي الله ونعم الوكيل ف اى حد ممكن يوصلك للمرحله دى يبنتى والله انا معرفش بردو ايه السبب الي بيخلي البنات معظمهم يتغيروا علي صحبهم اول ما يدخل راجل ف حياتهم ولكن العتاب مع حد زيها كأنك بتكلم نفسك يعنى لا سامعه ولا شايفه ولا حتى مهتمه الي يبيعك ميلزمكيش وبجد بقا هى خسرت حد كويس زيك واكيد ربنا ليه حكمه عشان يمكن لو كملتوا تتأذى اكتر لقدرالله ف الحمدلله وربنا يعوضك ويجبر بخاطرك 🤍
تم النشر الأربعاء، ١٨ أكتوبر ٢٠٢٣
الدنيا فيها كتير جدا، خلي الموقف ده قدام عينك اتعلمي منه. واتعلمي انك زي ما بتدي في العلاقة المفروض يبقى فيه مردود على كل ده. طالما انتي اخدتي موقف على اول شئ ضايقك من الشخص والشخص متغيرش، اعرفي انه مش هيتغير ومتحاوليش معاه ولا تالت ولا عاشر. انتي ممكن تدي فرصة واحده للشخص اللي قدامك بناءا على انك اتكلمتي معاها وهو قالك هيتغير .. بس الشخص اللي قدامك متغيرش. المفروض كنتي اخدتي موقف انك تمشي .... لان النتيجة محسومة في الحقيقة. هي بينت ليكي كتير انها مش الشخص اللي هيتغير. والتغيير بالافعال مش بالكلام. ف هنا انتي خذلتي نفسك بنفسك. المرة الجاية غيري الاستراتيجي بتاعتك في العلاقات.
تم النشر الثلاثاء، ١٧ أكتوبر ٢٠٢٣
ممكن تكون غيرانة منك انك اتخطبتي او غيرانة على خطيبها منك عشان كدا مكنتش بتحكيلك على كل حاجة خلاص انت عرفتيها على حقيقتها هي مكنتش بتحبك من الاول
تم النشر الثلاثاء، ١٧ أكتوبر ٢٠٢٣
سامحيها و تخطي الموضوع و عمليها ب حيادية جدا .
تم النشر الثلاثاء، ١٧ أكتوبر ٢٠٢٣
الحياه متغيره و النفوس بتتغير . دورى على أصدقاء جديده ان شاء الله ربنا يعوضك نصيحه ما تزوديش سقف توقعاتك فى الأشخاص
تم النشر الثلاثاء، ١٧ أكتوبر ٢٠٢٣
لعرض السؤال في فدني اضغط هنا