اعمل اى لو حاسة بأن نفسي بابا يختفي من حياتي للابد حتى صوته بقي مرهق بالنسبالى و مش مستحملاه احنا مش بنتكلم من شهر ١١ و لو حصل بيبقي عن طلبات لانه شخص بيكذب للأسف كتير و بيقول حاجات مش بيعمل بيها فحاولت كتير اوصله المشكلة الى احنا فيها عشان نقرب المسافات بس للأسف انا و اخواتى منهمهوش حقيقي و هو قال كده بنفسه و هو شخص مقصر فالحقوق وبمعني مش عاوز يصرف أو ينزل يشتغل شغلانة تانية تخلى الوضع احسن أو نحس انه بيعمل الى عليه او يتعب عشانا و حقيقي بيسبب للبيت كله حرق أعصاب من أفعاله الغير مسئولة و بقي شكله قليل قدام الناس كلها عشان عاوز يريح نفسه من اى مصاريف و حاجات كتير كشفت قد اى انه هوا و بجد ربنا الى كان ستره قدامنا و مش قادرة استحمله و بس مضطرين و مش فاهمة ليه طالما البيت لسه مكمل مفيش طلاق ربنا كشفه لدرجة دي قدامنا لدرجة انه مبقاش موجود فنظرنا
اعمل اى عشان استحمله و معملش عقوق والدين لحد ما ربنا يفرجها
انا عايزاكي اكتر حاجه تعمليها انك تفتكري ان بابا ده بني ادم. وتفتكر ان ربنا قال وكل ربي رحمهما كما يا رب يعني صغيره يعني احنا مامورين ان احنا ندعي لهم بالرحمه زي ما هم كانوا بيرحمونا واحنا صغيرين مهما كان ابوكي ده كان يعني او دلوقتي عامل ازاي بسبب بقى ضغوط اقتصاديه او بسبب خلل بقى في شخصيته او في نفسيته او ايا كان او الراجل ما يبقاش بيعرف يتصرف اول رجل كان بيعمل غلطات وكان مستور ايا كانت الاسباب ولكن هو نفس الشخص اللي ربهم لحد ما كبرته ورحمكم. لحد ما بقيتوا كبار ودلوقتي انت الحمد لله برضو بتفكري ازاي تتعاملي معاه صح فما فيش حاجه تعاملي معاه صح اكتر من اللي ربنا قال عليه ارحميه بالرحمه اهي دي اكتر حاجه تعرف تتعامل عليها. وتقبلي ان هو بني ادم اه هو مفترض ان هو يكون القدوه ان هو اب ويكون يعني مسؤول عن رعيته اكتر من كده ولكن خليني اقول لك لو هو على الاقل قادر ان هو يوفر له الاحتياجات الاساسيه.على قد كده يعني يشكر وندوس ايديه وندوس راسه لو مش قادر ان هو يبذل من مجهوده علشان يعمل اكتر من كده خليني اقول لك انه ممكن حتى تلاقي اشعار عنه هو مش مطالب ان هو يعمل اكتر من كده عشان يوفر حاجات اكتر او ازيد او يواكب حتى الازمات قد ما هي موجوده دلوقتي فلو قادر يوفر بالقليل لو قادر ان هو يوفر احتياجات الاساسيه.
تم النشر الأحد، ٢٤ مارس ٢٠٢٤
بصي انتي ملكيش الحق ان انتي تتكلمي كده عن باباكي حتي لو كان ايه اكيد انتوا مش بتقعدوا معاه ولا تعرفوا هو فيه ايه مفيش اب بيبقي حابب يكدب علي عياله وبعدين شكلكوا مش صغيرين حاولي تتكلميي معاه وتشوفيه ماله يمكن تعبان
تم النشر الأحد، ٢٤ مارس ٢٠٢٤
ادعيله ملهاش حل غير كده او حاولوا تعرفوا هو ثقافته ايه او تفكيره عامل ازاي وتعايشوه معاه ممكن يكون بيعمل التصرفات دي معاكم علشان حاجة معينة هو عاوزها منكم بس انتوا مش فاهمينه صدقيني يا عزيزتي مفيش حد وحش للدرجة دي إلا وكان له هدف معين من التصرفات اللي بيعملها،وهي انكم تهتموا بيه مثلاً انتي بتقولي مش بكلمه من شهر 11دي لوحدها اكيد فارقة معاه.
تم النشر الاثنين، ٢٥ مارس ٢٠٢٤
عليكي طاعتهما مهما كانت الأمور الا ما يغضب الله وصاحبيهم في الدنيا معروفا ولاتنهريهم وقولي لهم قولا كريما
تم النشر الاثنين، ٢٥ مارس ٢٠٢٤
اختي الغاليه الأب سند ووجوده مانع عنك كتير حتى لو كان مقصر ارضي بالقليل هو اتحمل عشانك انتى وأخواتك كتير احنا ماجينا على الدنيا كبار هو ضاع عمره وانتى تشوفيه مقصر لانك تقارنى عيشتك بعيشه غيرك وانتى شايفه مفيش شغل يعنى صعب تلوميه . حتى رب العالمين أمرنا بالطاعه للوالدين حتى لو كانوا جاحدين علينا . لو انتى بمدرسه أو جامعه ادريسي واجتهدي وفي يوم من الأيام انتى اللي هتكون سند له ومش هتحتاجى تسألي ازاي اكون عاقه بوالدي واتمنى الله يصلح حالكم ويرزقه ويهديه لكم ويوفقك أن شاء الله 🌼
تم النشر الثلاثاء، ٢٦ مارس ٢٠٢٤
اقرأى كتاب أبى الذى أكرهه + حاولى استقلى بنفسك واشتغلى ولو تقدرى سيبى البيت وعيشي حياتك لوحدك بالاستقلال هيقل الاشتباكات وهتحسى براحه نفسيه و حوشي مرتبك وابق افتحى مشروع بيه
تم النشر الأحد، ٢٤ مارس ٢٠٢٤
لعرض السؤال في فدني اضغط هنا