ثقة معدومة ولم اتخطى اخطاء سابقة ولا استطيع ان ارى نفسى بشكل جيد + اتأثر كثيرا بكلام الناس

في حاجات كتير مكتومه جوايا ومش عارفه احكي لحد ، انا اول مرة اكتب الكلام دة لحد واول مره ابقا محتاجه حد فعلا اطلع معاه كل اللي جوايا حد يقولي اعمل ايه

اولا انا علاقتي بربنا باظت تماما من ساعة ماتخطبت(مع العلم انا دلوقتي مش مخطوبه ) بعدني عن ربنا خلاني اعمل حاجات عمري ماتخيلت اني اعملها او ابعتها او او انا مش عارفه ازاي عملت كدا والله ندم الدنيا كلها في قلبي بموت من جوايا والله من الندم والتفكير السلبي ، وطبعا رابطه كل حاجه وحشه بتحصل في حياتي حاليا انه غضب من ربنا واني حياتي بقت سودا خلاص مانا بوظتها

ثانيا انا ثقتي في نفسي اتهزت وباظت بسبب اهلي اهلي ديما شايفين اني مش بعمل حاجه صح واني مش قد مسؤليه ، عارفين انا والله بقيت من كتر مانا خايفه اعمل حاجه غلط عشان ماسمعش كلمه تاثر فيا بغلط وتعبت وديما مستهترين بيا وكل حاجه بتتقال تحت مسمى الهزار

ثقتي في نفسي معدومه وكارهه حياتي ي جماعه حاسه اني بني ادمه ماتنفعش ف ايه حاجه كل حاجه فيا وحشه

لا علاقتي بربنا كويسه ولا عندي ثقه ف نفسي وشايفه اني ماينفعش اشتغل ولا اتجوز ولا اروح ولا اجي عشان انا مش قد مسؤليه حاجه كلام الناس بيأثر فيا اوي ي جماعه بجد

انا اتكلمت معاكو كاني بتكلم مع نفسي ارجوكو اقفو جنبي قولولي اعمل ايه

سؤال من احد أعضاء فدني

تم النشر الاثنين، ١٦ أكتوبر ٢٠٢٣

7 إجابة

مش يمكن ده حصل علشان حكمة من ربنا، ده طريقك كمليه للاخر. اعرفي ده حصلك ليه؟ مفيش حاجه بتحصل شر، احنا بس اللي بنشوفها كده .. الانسان بيشوف دايما اللي قدامه. يهمه بس اللي حاصل، اما باطن الامور بيبقى مغيب عنها. هل يعني الناس اللي ف غزة دول يستاهلوا كل العذاب ده؟ م انا بقى همشي معاكي بنفس المنطق بتاعك اهو. انتي بتقولي ان ده عقاب ربنا ليكي، مع انك اللي بتعمليه في نفسك ده .. انتي اللي بتعاقبي نفسك بنفسك. هل بقى اللي الناس الللي في غزة دول اشرار؟ هل كل الناس اللي كانت تحت الانقاض ب ال 9 ايام واكتر في تركيا وسوريا او حتى المغرب دول اشرار؟ هل الناس اللي اضربت بالاعصار والفيضان دول برضه اشرار؟ او مغضوب عليهم؟ كل واحد من دول اتوضع في الاختبار .. وفيه ناس ربنا بعتلها شهادات تقدير (الشهادة) خلاص هو خلص الاختبار بتاعه. وفيه ناس ربنا بيختبر دينها، وصبرها. اي محنة بتمر على الانسان ربنا وقتها بيختبر صبره، ياترى العبد ده ااي هيتصرف في الموقف ده. ازاي هيخرج نفسه من المحنة ديه؟ انتي ازاي هتخرجي من المحنة ديه؟ انتي كنتي مع شخص بعدك عن ربنا، وسبتيه وده كويس .. جاهدي نفسك علشان تقربي من ربنا تاني. اهلك مش شايفينك قد المسؤولية؟ طيب انتي شايفة ايه؟ اوقات الاهل بيبقوا عايزين ولادهم يعملوا كل حاجه صح في الدنيا ومش عايزنهم يغلطوا من كتر ما هما عايزنهم صح. بس لا مفر من الغلط، الواحد هيفضل يغلط، وهما نفسهم ب اللي بيعلموه معاكي ده ما هو غلط ده كمان. مش هي ديه التربية الصح على العموم برضه. ف الحل ب ايدك، ل اما تفضلي زي ما انتي في الصومعة ديه، ل اما تشدي نفسك بعيد عنها. وتؤمني بحالك وتجاولي تدوري على حلول فعليه ل ده. وطبعا انا منتظرة منك اي سؤال لو حابه تتكلمي في اي حاجه.

تم النشر الثلاثاء، ١٧ أكتوبر ٢٠٢٣

حبيبتي اسمعي ربنا ايوه بيغضب مننا بس بيحبنا احنا غلطنا وعادي كل بني آدم خطاء بس لو انتي بجد عايزه تصلحي من غلطتك ارجعي لربنا وصلي وبالذات قبل أذان الفجر بساعه اوبنص ساعه صلي ركعتين لله واشكي فيها كل همومك ويستجيب ان شاء الله بس دا مش معناه ان ربنا بيكؤهنا ومبيحبناش ومش عيزنا ربنا بيحبنا كلنا والدليل انك دايما زعلانه علشان بعيده عن ربنا روحيلوا وادعيلي وصلي واشكيلوا منزعلش كلنا بنغلط

تم النشر الثلاثاء، ١٧ أكتوبر ٢٠٢٣

انتي كل اللي محتاجاه تراحم ذاتي وقتها تفكيرك هيتغير وبالتالي سلوكك وتصرفاتك هتتغير انتقادك لنفسك اصعب بكتير في تأثيره عن انتقاد الاخرين ليكي اعترفي لنفسك بانك بشر يعني انسانيتنا في عدم اكتمالنا واخطاءنا جزء من رحلتنا وهي اللي بتعلمنا وتعرفنا الطريق الصح المهم لما نغلط نشوف ازاي نصلح الخطأ ده محتاجه تشتغلي علي ثقتك بنفسك عشانك انتي مش عشان الاخرين اما علاقتك بربنا هو الغفور الرحيم بمجرد ماترجعيله هيقرب منك من تقرب الي شبرا تقربت منه ذراعا اهم حاجه متفقديش الامل وربنا هيعينك ويقويكي