ف شخص هو كويس وطيب جدا وعارف ربنا هو ف كلية تمريض وانا ف فنون تطبيقيه هو كان متقدم مش تقدم رسمي يعني خله حد يكلم اهلي وانا من توتري ومن التفكير قولت لا ملحوظه:(قريبته كلمتني انه ممكن يتقدم تاني بس عايزه تعرف اذا كنت هوافق ولا لا) بس انا كنت اتعاملت مع الشخص ده لانه قريبي وعماله افكر فيه حاسه ان مفيش حد ف حنيته وروحه حلوه بس عقلي عمال يقولي ع الكليه اني مش حابه يكون ممرض وانا مهندسه معرفش عقلي عمال يقولي ان ممكن يجي احلي بس هو شخصيته مرحه وبيهتم بالتفاصيل وبيخاف عليا وبيعاملني كويس وحنين انا تفكيري متلخبط ومحدش يقولي صلي استخاره عشان انا صليت كتير ومفيش فايده مبحلمش ب حاجه ف من رأيكوا كل حد يحط نفسه مكاني اعمل ايه؟
حبيبتي خريج كلية تمريض لا يقل أهمية عن الدكتور فأنتِ لو العائق بينك وبينه نظرة الناس لأنه أخصائي تمريض وانتِ مهندسة فمعلش انتِ كدا اللي هتتعبي في الجاي من حياتك سواء قبلتيه او رفضتيه لأنك بتبصي لكلام الناس ونظرتهم وبتمشي حياتك على هواهم هقولك على حاجة أهم حاجة تكون في شريك حياتك إنه يكون عارف ربنا يكون حنين عليك وطيب وبيقدرك ويحترمك ويقدر يصرف عليك وانتِ ما شاء الله بتقولي انه كويس جدا معاكِ فتوكلي على الله وصلي استخارة مرة واتنين وعشرة وعلى فكرة مش شرط الاستخارة انك تحلمي برؤيا بس لا من نواتج الاستخارة ان تلاقي ربنا يسرلك الأمر اللي فيه الخير ليك من غير ماتتعري في التفكير ومش لازم تشوفي رؤيا او غيره
تم النشر السبت، ٩ سبتمبر ٢٠٢٣
على فكرة كلية التمريض بمنح درجة بكالوريوس زي فنون تطبيقية كمان فرص عملهم اكتر بكتير من فنون تطبيقية كمان دخلهم كويس كمان فرص سفرهم متاحة كويس جدا وبدخل كويس
تم النشر الجمعة، ٨ سبتمبر ٢٠٢٣
لو على سؤالك هو من الواضح انك مترددة علشان الفارق الاجتماعي الخاص بالكلية .. وجهة نظري لو هو شخص محترم وعارف ربنا زي ما بتقولي وشخصيته كويسة ف توكلي ع الله واقبلي. لو شايفة ان بعد كده هتحسي احساس انك مكسوفه منه ومن وظيفته يبقى بلاش. وده مش عشان انتي وحشة ولكن كل واحد وتفكيره .. ولكن فكري كويس علشان متظلمهوش معاكي بعد كده.
تم النشر الخميس، ٧ سبتمبر ٢٠٢٣
شوفي لو هتحسي بعد الجواز انك اعلى من الشخص ده متقبليش لان ده هيبان فِي مُعلمتِك.معاه تمام بس لو هتحسي غير كِده وافقي، صلِي استخارة كمان بس ملحوظةة انتِ لما بتصلي استخارة مِش ضروري تحلمِي انتِ بتصلي و لو لسه فِ حيرة من أمرِك وافقِي وامشي فِ الموضوع ولو حصل حاجةة انِك شوفتِي من الشخص ده حاجةة انتِ ممكن متتقبلِيهاش كده فاهمةة او حاسةة انكو لو كملتو في مشكلةة كده تبقى نتيجة الاستخارة بانِت فاهمةة بس انتي متوقفلهوش على الواحده انتِ بتحاولي انك تمشي الموضوع وفِ الاخر لو كمل ربنا اختارلك الشخص ده ولو حصل حاجةة ربنا عالِم ان الخير فِ حد تانِي فاهمةة.
تم النشر الخميس، ٧ سبتمبر ٢٠٢٣
كمان عقلي بيفضل يقولي ان ممكن اقابل حد زي م انا عايزه من حيث الكليه والمستوي وكل التفاصيل اللي انا عايزاها
تم النشر الخميس، ٧ سبتمبر ٢٠٢٣
اول حاجه مفيش احسن من أن حد يحبك ويحترمك وانه يكون مهتم بالتفاصيل ده اهم حاجه مش مهم خالص درجه التعليم بعدين ممرض دي حاجه حلوه مش وحشه ومفيش حد بياخد كل حاجه أنا بالنسبه ليا لو شخص محترم ويعرف ربنا وبيحبني ده اهم حاجه واهم حاجه أنه بيحترمني ممكن تقعدي وتلاقي حد احسن منه ف درجه التعليم لكن مش بيحبك نفس الخبر مش مهتم بيكي اوي يعني ممكن تلاقيه مش حلو زي ده بجد ده بالنسبه للكلام الي قولتيه فهو مناسب جدا ولازم تقعدي مع نفسك الول وتكوني متاكده انك راضيه وانك مش احسن منه عشان بعد كده متكونيش حاسه نفسك انك احلى منه لان ده بيأثر بعدين لازم تعرفي أن من اصله ناس بتتعلم وبتتهي ومش بتشتغل بجامعتها
تم النشر الخميس، ٧ سبتمبر ٢٠٢٣
لعرض السؤال في فدني اضغط هنا