أتحكم على الشخص الذي احبه ظلم سنة سجن، هل أنتظره ام أكمل حياتي ..!

Question

كنت مرتبطه بواحد وكنا متفقين ع كل حاجه ف حياتنا بعد كدا وهو كويس جدا ومحترم وخدوم وكان بكل الناس حرفيا بس قبل ما ييجي يتقدم حصلت مشكله واتدبس ف حاجه وهو ملوش اي علاقه ومظلوم بجد يعني فاتحكم عليه ب سنه سجن وهو معملتش حاجه هو اتدبس بسبب حد وهو ملوش علاقه . انا مش عارفه اتصرف ازاي دلوقت استناه لما يطلع وانا عارفه بنسبه كبيره جدا أن اهلي مش هيوافقوا عليه بس هو يستاهل المحاوله ولا اكمل حياتي وانساه فاضل ف المده ال اخدها شهرين ويطلع.

Accepted Answer

تحبي الواقع، ولا ابن عمه؟ بصي في حالته ومن وجهة نظري طالما الشاب ده محترم واتسجن ظلم، وناوي يتقدم ليكي .. رأي الشخصي واقفي لو انتي فعلا متأكدة من كده. ولكن، الريسك ده مش سهل، هتاخدي الريسك ده وتتحملي حاجات كتير ممكن تحصل، زي مثلا الشغل معاه ممكن طبعا الاحوال تتغير، بسبب سجنه، نظرات الناس، كلام الاهل، ده غير طبعا المواجهة المنتظرة بينك وبين اهلك. اما الواقع بيقولك عيشي حياتك ولا تنظري للخلف، لانه هيبقى عقبة في حياتك. وده بالنسبالي ومن وجهة نظري قرار خاطئ. لان لو اتعاملنا مع كل شئ على الاساس ده، يبقى اي حد بيخطئ يترمي ف سلة المهملات، ديه الحقيقة، كانه منبوذ ملوش حق حتى ف انه ياخد فرصة تانية من الدنيا .. وده ظلم. ف انتي طبعا وقرارك .. واهم حاجه صلي استخارة. ولو ليكم نصيب في بعض هيحصل باذن الله. وربنا يوفقكم

Answer

طبعا كلامي دا مش هيعجبك ولا هيعجب حد. اتحكم عليه بالحبس وكمان سنه يبقي له دوووور في الجريمه، ولا صلة له بالبراءه، لا من قريب ولا من بعيد، احكام القضاء لا يقضي بها عبثا او بهوى. وانما بعد تحقيقات دقيقه وادلة قويه تدين المتهم، فضلا عن اتاحة حق الدفاع للمتهم. وعايز اضيف ان حكم الادانه هو الذي يحتاج الي اثبات وادلة صريحة. اما البراءه فلا تحتاج الي اثبات وانما يكفي فيها التشكك في صحة دليل الادانه. دا كدا اولا. ثانيا، منصحكيش طبعا تستنيه ولا ترتبطي بشخص محكوم عليه بالحبس. للاثار السلبيه الي بتعود عليه وعليكي وعلي اولادكم بعدين، وانا لو مكان اهلك اكيد هرفضه ١٠٠٪

Answer

أولا العلاقه اللي بدايتها لا ترضي الله ف هي علاقه فاشله و دي معروفه جداً و هو لو كان محترم و كويس ذي منتي بتقولي مكنش هيقبل انو يكلم بنت الناس منغير حاجه رسمي مبينكم و خصوصاً ان اهلها مش راضيين عليه يعني المفروض يبعد ب هدوء او يكون نفسو و يتقدملك انما يرتبط بيكي ف هو كدا باين جداً مش قد المسؤوليه ولا بيحبك حتى لو بيحبك مش هيقبل عليكي الناس تشوفك معاه و لو كنتي سمعتي سبب دخولو السجن منو هو ف طبيعي يبينلك ان هو المظلوم مش الظالم انتي بردو متعرفيش يمكن بيحور عليكي اصل مش هيقولك انا الظالم ونا اللي غلطان مثلا و ابعدي عشان اهلك كمان مش موافقين عليه الناس الكبيره بيبقا ليها نظره ف اللي قدامها و عارفين الشخص دا كويس ولا لاء ف اسمعي كلامهم احلى و راضيهم عشان ربنا يراضيكي و استخيري ربنا بردو ف العلاقه دي عشان تعرفي انتي تكملي و تستنيه يتقدم ولا تبعدي

أتحكم على الشخص الذي احبه ظلم سنة سجن، هل أنتظره ام أكمل حياتي ..!

اجتماعية

حب

زواج

أهل

سؤال من احد أعضاء فدني

تم النشر الخميس، ١٤ مارس ٢٠٢٤

4 إجابة

20 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك