ازاي اقدر اتخطي كلام اهلي ليا مفيش اي سبورت او دعم منهم
من اكتر الحاجات المؤثرة فعلا فى حياة البنى ادم ان اقرب الناس ليه يكون مش بيديلة الدعم اللى هو محتاجة وكمان يكون بيكسره بكلام يقلل منه. اديله اسم تانى هتلاقى الموضوع بقي أسهل اسمه بر الوالدين ( اتحملهم مهما كان منهم ) اسمه صبر ( يعنى رغم انه تقيل بس هنتحمل لحد ما نقدر نغيره او حتى لو ماغيرناش فيه ) كل ما يقولوا حاجة نقول احنا جوانا العذر ليهم ( هما مش واعيين بالشكل الكافى اللى يخليهم يقولوا الكلام الصح ) زائد ان صعب تلاقى حد عنده كل حاجة ..بيكون ف الاغلب حاجة ناقصة ..ف الحمدلله انهم علمونا وربونا بالشكل المناسب وطلعنا اسوياء كفاية اننا نفكر ازاى نتخطى ونعالج اى سقطات حصلت بسبب قلة وعى. هنتخطاه بالعذر والتقدير واحتواء تقصيرهم الغير مقصود بحبنا ليهم وبفضلهم الكبير علينا
تم النشر الأربعاء، ١٤ ديسمبر ٢٠٢٢
هقولك حاجه.. كل حد فينا في ف حياته كام حنفيه كده كل حنفيه منهم بياخد منها حاجه .. ممكن ياخد دعم مالي / حنيه /حب/ طاقه نشاط/ طاقه دينيه/ وهكذا.. بمعنى اصح الحنفيات دي بتُشبع احتياجاتنا العاطفية والنفسية والجسدية والروحية .. ممكن نكون مستنين من حنفيه معينه حاجه هي مش بتقدر تديها .. ف الحاله دي هنعمل حاجتين: اول حاجة هنشوف احنا ممكن نُشبع الاحتياج ده لنفسنا ازاي بدون الاعتماد على اي حد .. يعني مثلا ممكن تكوني بتفرحي لما بتقابلي صحابك وبتفرحي برضو لما بتجيبي لنفسك شيكولاته ف لو مش عارفه تقابلي صحابك ومتضايقه ممكن تشتري شيكولاته وهتبقي احسن، وهكذا بقى ف اي حاجه تانيه. تاني حاجه طبيعي منقدرش نُشبع كل الاحتياجات لنفسنا بشكل كامل .. ف بنشوف مصدر (حنفيه) تقدر تُشبعلنا الاحتياج دن فناخد منها. متزعليش من أهلك أنهم مش قادرين يدعموكي في حاجه معينه .. ممكن يكونوا مش فاهمينها أو مش عارفين يدعموكي بالطريقة اللي انتي عايزاها وبيدعموكي بطريقة تانيه أو ممكن يكونوا مش عارفين يعملوا الطريقة اللي انتي عايزاها .. فعادي تمام أهلنا وبنحبهم وهنتقبل الدعم اللي بيقدموه لينا بطريقتهم ونشوف صحابنا أو حد من قرايبنا ناخد منه الدعم بالطريقة اللي عايزنها.
تم النشر الأربعاء، ١٤ ديسمبر ٢٠٢٢
اهلا ومرحبا بك .. عارفه أنه صعب، وأنه شيء قاسي لما نفقد أي كلمة حلوة خاصةً من الناس اللي المفروض نسمع منهم الكلام ده. ولكن، ممكن نتكلم شوية في أكثر من جانب. ماذا لو كانت القسوة بالنسبالهم دعم؟ بعض الأهالي بيعتبروا أن لما يقسوا أكتر على أولادهم هما كدا بيدعموهم بشكل ما، وإن لما يقارنهم مثلا بأي حد هما كده في نظرهم بيشجعوهم! عارفه أن الطريقة قاسية جدا، وإنها مش الطريقة الصح اساسا، ولكن بالنسبالهم ممكن بيعملوا كده علشان يستفزوك وتنجح اكتر وتتشجع أكتر. لربما معرفة السبب بالنسبالك يشفع ل اللي بيعملوه فيك. وتحاول أنك تتخطى ده، ومتركزش فيه، أو تهتم. الشئ الثاني اللي محتاجة اكلمك فيه هو إن مش لازم حد يشجعنا اصلا. ماذا إن لم يكن أحد بجانبنا ويساندنا أو يشجعنا؟ ايه اللي هيحصل أو ايه اللي المفروض يتوجب علينا فعله. هل الاستسلام هو الحل ؟ أكيد لأ. كل حاجه جوانا ولكن علينا أن نتذكر أن الامل بداخلنا فعليا.
تم النشر الخميس، ١٥ ديسمبر ٢٠٢٢
كلام الأهل بيأثر فينا بالتأكيد بس طالما مفيش أي دعم يبقي أتعلم تتجاهل ده خلي دائما هدفك واضح ليك أشتغل على نفسك وأثبت لنفسك وللي حواليك أنك تقدر أسعي علشان أنت تستاهل ده
تم النشر الخميس، ١٥ ديسمبر ٢٠٢٢
بحاول اعمل كدا ع قد مقدر ♡
تم النشر الأربعاء، ١٤ ديسمبر ٢٠٢٢
طنش كل كلمة بيقولوها واثبتلهم انك انت اللي صح بنجاحك
تم النشر الأربعاء، ١٤ ديسمبر ٢٠٢٢
لعرض السؤال في فدني اضغط هنا