ازاي اركز وانا بذاكر وانجز في المذاكره ومأخدش وقت كتير واخلص كذا ماده مش اقعد كل الوقت ف ماده واحده.
مش بعرف اخلص ال to do list اللي بحددها ف اليوم بذاكر منها حاجه او حاجتين ومش عارفه ايه المشكله.
وبغيب ف المذكره ودا بيأثر علي ان انا محلش كتير ومش بعرف اذاكر واحل ف كتب كتير واخلص المواد اللي بحددها حل ومذاكره
ممكن تكونى مقدرة الوقت المطلوب لمذاكرة المادة غلط او تكونى مقدرة قدراتك انتى فى المذاكرة من حفظ وتركيز بشكل اكبر . فده بيخليكى تلومى نفسك بالشكل ده. اتعاملى بالنتيجة اللى بتوصليلها افضل من انك تعملى كده . حطى الهدف مريوط بجودة النتيجة بدل ما يبقي الهدف توقيت او كم محدد وبس.
تم النشر الجمعة، ٣١ مارس ٢٠٢٣
حاولي وانتي بتبدأي مذاكره يكون ذهنك صافي ومفيش حجات بتفكري فيها تشغلك وابعدي اي مشتتات عنك زي الفون والتلفزيون وذاكري ف مكان هادي ومريح وريحته كويسه وداخله شمس ومتهوي كويس وممكن ف المذاكره تستخدمي المذاكره بالصوت العالي حتى وانتي بتحلي اقراي بصوت عالي عشان تركزي ومتسرحيش واستخدمي الهرايط الذهنيه هتلخصلك كل جزء ذاكرتيه وهيسعل عليكي عمليه الحفظ والاسترجاع وخدي بريك من وقت للتاني ومتطوليش فيه بس عشان تلحقي تخلصي الي وراكي وحاولي تخلي جدولك للمذاكره واقعي عشان تقدري تحققيه
تم النشر الخميس، ٣٠ مارس ٢٠٢٣
أما انتي كاتبة list كبيرة ومش بتقدري تخلصيها أو لو بطيئة في المذاكرة حطي الlist ع قدك جهدك واللي تقدري تخلصيه فعلا مش حاجات كتييير عشان لما تخلصي الليست تفرحي انك انجزتي مش تزعلي انك معرفتش تخلصلي الليست مع أن المفروض تفرحي أن يومك مكنش ضايع كله المهم التحصيل حتى لو هتتأخري لان لو هتسرعي المذاكرة ودا هيأثر ع التحصيل ف بلاش واهم حاجه متبصيش لحد وتقارني نفسك بيهم لأن كل واحد ربنا خلقه بقدراته انتي مقياس نفسك بس لما تتقني مذاكرة جزء أو جزئين يوميا احسن من انك تذاكري حاجات كتير لان مخك محتاج يخزن قدر من المعلومات المحددة يوميا عشان متتبخرش بعد المذاكرة وشوفي نوع المذاكرة اللي بتعرفي تحصلي فيها فيه ناس لازم تكتب كل حرف ودا اكتر مذاكرة بتاخد وقت وفيه ناس ممكن تقرأ الكلام كده اكتر من مرة وتحفظه ولو فيه حاجه صعبة ف الحفظ تكتبه كذا مرة وخلاص ودا الأقل ف الوقت وفيه ناس بتحب تسمع الكلام كذا مرة كل واحد له طريقته شوفي انتي الاحسن واللي بتقدري تجميعي بيه المعلومات ايه
تم النشر الخميس، ٣٠ مارس ٢٠٢٣
من الجيد أنك تريد تحسين تركيزك في الدراسة والتعلم. هناك عدة نصائح يمكنك اتباعها لتحقيق هذا الهدف: 1. ترتيب الأولويات: يمكن لهذا النصيحة أن تساعدك على إنجاز كل مهمة بنجاح. قم بتحديد الأشياء الأكثر أهمية للقيام بها وابدأ بها أولاً. 2. التخطيط المسبق: عليك أن تحدد قائمة بالمواضيع الأساسية التي تحتاج إلى دراستها. بمجرد إنشاء القائمة، يمكنك تحديد الأولويات بناء على الوقت الذي تمتلكه. 3. الحلول الإبداعية: ايجاد طرق مختلفة لدراسة المواد تساعد في زيادة التركيز. يمكنك استخدام الإنترنت للعثور على فيديوهات أو خرائط ذهنية مفيدة، وذلك بجانب قراءة المراجع وحضور الدروس، مما يجعل الوقت لأكثر إنتاجية وتركيز. 4. التمرين البدني: الرياضة تعمل على تحسين التركيز وزيادة مستويات الطاقة. 5. التنفس العميق: استنشاق الهواء عميقاً وتنفس الهواء ببطئ يمكن أن يساعدك في الاسترخاء وتحسين التركيز. حاول تطبيق هذه النصائح بانتظام وستلاحظ أن التركيز في الدراسة سيزداد تدريجياً وستصل إلى هدفك.
تم النشر الخميس، ٣٠ مارس ٢٠٢٣
لعرض السؤال في فدني اضغط هنا