السلام عليكم ورحمة الله وبركاته
انا ليا واحده صحبتي تالته ثانوي لسه بادئين بتيجي معايا درس فيزيا برايفت بمبلغ مش قليل في الشهر بس انا اكتشفت انها مش بتحل الواجب لوحدها وبتاخده من كراسه الاجابات والدليل انها بتحل الواجب من غير خطوات وكمان هيا قالت لي كدا بلسانها بهزار يعني كدا وانا قولت لها انها كدا مش هتستفاد حاجه وحرام الفلوس اللي بتندفع كل شهر وفي اخر حصة لينا من يوم كدا المس ادتنا سوال تافه وهيا معرفتش تحله فصراحه صعبت عليا وفكرت في الموضوع كتير باني انصحها تاني بقوه او اقول للمس علطول عشان تشوف حل قبل ما الماده تضيع منها ومش عارفه اعمل ايه، وصحبتي دي كويسه وباين عليها محترمه يعني هو اه انا معرفهاش من زمان دا هو تقريبا من اقل من شهر بس صحاب يعني ولو قلت للمس هخلي المس متعرفهاش اني انا اللي قلت لها بس صحبتي دي ممكن تعرف لانها مقلتش لحد غيري ويمكن ربنا خلاها تقولي عشان اصحيها قبل فوات الاوان.
ما رأيكم ماذا افعل؟؟
بصي بلاش تقولي للمس لان لو صحبتك عرفت ممكن الصحبة اللي بينكم تتحول لكره انك روحتي قولتي للمس لكن انتي انصحيها تاني وقولي لها بلاش تاخدي من اجابات الكراسه حاولي تحلي مع نفسك ولو في حاجه وقفت معاكي تعالي وانا هشرحهالك لكن بلاش غش لانك كده مش بتستفادي وقولي لها انكو تذاكرو سوا ولو بعد دا حصل منها نفس الحاجه قولي لها انتي لو غشيتي الاجابات تاني انا هقول للمس هدديها يعني فممكن تخاف ومتعملهاش تاني بس بلاش تقولي لها كده الاول الاول بس اعملي اللي عليكي وحاولي معاها انك تشرحلها وتذاكروا سوا وبعدها تبقي تقولي لها كده وان مكنش ممكن تقولي لوالدتها
تم النشر الأحد، ١ سبتمبر ٢٠٢٤
وعليكم السلام ورحمة الله وبركاته. أنتِ في موقف حساس، وفهمك لمشاعر صديقتك وعدم رغبتك في إيذائها أمرٌ يُظهر مدى حرصك وقلقك عليها. من المهم أن تتعاملي مع هذا الموضوع بحكمة وتعاطف. إليك بعض الخطوات التي يمكنك اتخاذها: تحدثي معها بصراحة : يمكنك أن تقولي لها برفق أنك لاحظت أنها تعتمد على كراسة الإجابات، وأنك تخشين عليها من عدم الاستفادة من الدروس. يمكنك طرح الأمر كأنكِ تحملين همّها وتهتمين بمصلحتها، مما يجعلها أكثر انفتاحًا لسماع نصيحتك. تسليط الضوء على أهمية الفهم : اشرحي لها أهمية تعلم المواد الدراسية وليس فقط حل الواجبات. يمكنك أن تسردي بعض الفوائد التي تعود عليها من فهم المادة بشكل جيد، مثل تحسين أدائها في الامتحانات المستقبلية. تفهم مشاعرها : حاولي أن تتفهمي الأسباب وراء تصرفاتها، هل هي تشعر بالضغط؟ هل لديها صعوبة في فهم المادة؟ قد تكون هناك أسباب وراء هذه السلوكيات، فتحاولي مساعدتها بدلاً من إدانتها. استشارة المعلم : إذا كنتِ تشعرين أن الوضع يستحق ذلك، يمكنك التفكير في التحدث إلى المعلم مباشرة. احرصي على توضيح أنكِ لا ترغبين في كشف هويتها، ولكنك تريدين مصلحة صديقتك وسعيك لمساعدتها. كوني داعمة : في النهاية، كوني داعمة لها. قد تحتاج إلى تشجيع إضافي، أو ربما حتى دراسة مشتركة لمساعدتها في فهم الدروس بشكل أعمق. تذكرين أن الهدف هو مساعدتها في تحسين أدائها ودراستها، لذا فالتعاطف والاحترام هما المفتاح في كل خطوة تتخذينها.
تم النشر السبت، ٣١ أغسطس ٢٠٢٤
اقعدي معاها وتكلموا بهدوء وشوفي هي بتعمل كدا ليه وايه السبب وحاولوا تحلوه مع بعض
تم النشر الاثنين، ٢ سبتمبر ٢٠٢٤
لا أرجح أن تخبري المدرسة أبدًا، أنتما راشدتين بما فيه الكفاية لتدركا عواقب تصرفاتكما، يمكنك نصحها بشكل مباشر وبعيدًا عن الشد. الأهم من واجب الفيزياء هو أنك اعتبرتِ أنها فتاة جيدة وتستحق المخاطرة، لا، شهر واحد لا يكفي لأن تأخذي قرار بالتدخل في حياتها بهذا الشكل. وهي زميلتك وليست صاحبتك.
تم النشر السبت، ٣١ أغسطس ٢٠٢٤
السلام عليكم ورحمة الله وبركاته بصي حضرتك هو من حقه عليكي انك تنصحي مره واتنين لحد لما تبدا تحل بيدها لان هي لو كملت عاي الوضع فالنتيجه مش هتكون كويسه خالص .
تم النشر الثلاثاء، ٣ سبتمبر ٢٠٢٤
انصحيها بلطف ويمكنكِ أن تعرضي عليها أن تدرسا معًا وتختارا وقتًا يناسبكما لتحلا مسائل الواجب معًا.
تم النشر الأحد، ١ سبتمبر ٢٠٢٤
انصحيها وحل الواجب سوا وقولي لها بس حاجه انت مش فاهماها ممكن تقولي لي عليها وانا افهمها لك وانا الحاجه اللي مش فاهما وكده وحاولوا تشاركوا بعض في المذاكره
تم النشر الأحد، ١ سبتمبر ٢٠٢٤
لعرض السؤال في فدني اضغط هنا