السلام عليكم انا تعبانه اوي واتمني حد يفدني انا متقدملي حد عنده 27 سنه وانا 20 انا في كليه وهو معاه دبلوم صنايع بس عنده محلين خاصين بتوعه ملك وعنده شقه ملك وهو شكله كويس جدا وشيك انا لسه مقعدتش معاه بس اتقالي انه بيصلي وهو شكله محترم وعيتله كبار ومحترمين وكمان كان خاطب قبل كدا انا مش عارفه اعمل ايه انا كان من سابع المستحيلات اوافق علي حد ف معهد اقوم موافقه ع حد حتي معهوش تعليم فوق متوسط
بس مشكلتي اني وحيده نفسي حد يعفني ويشيل معايا شويه الشيله انا تعبت دايما عايشه ف مشاكل اهل وتوتر وعياط
دخلت علاقه من فتره وسيبته بسبب انه كان من سني وكان عيل كدا ومتوافقناش وسيبته بس عماله اقارن دلوقتي دا كان ف كليه لكن دا دبلوم مع ان الجديد شكله احسن واكبر مني برضو هيقدر يحتويني مش زي اللي من سني
بس انا اصلا حاسه اني تعبانه دماغي قسما بالله مبتوقف تفكير
وبغيرررر من. كل حاجه ولازم احط الناس ف حياتي بحب اكون قدام الناس واوووو فكون اني هرتبط بحد اقل من تعليمي هبقي عاديه ف نظر الناس هل انا مريضه ومحتاجه اتاهل انا حاسه كدا
وهل فرق التعليم بيأثر ف العموم مع انه شيك وشكله كويس
السلام عليكم ورحمه الله وبركاته بصي خلينا ناخد من كلامك كده. الاهم في المهم. الاهم الحاجه اللي هتكمل معاكي لقدام وهي طريقه تفكيرك اذا طريقه تفكيرك فضلت مكمله بانك يهمك قوي نظره الناس ليكي صدقيني انت مش هتبصتي باختياراتك فالحياه عموما قدامي طيب. دي الحاجه الاهم ودي ضروري تتعاملي معاها وتغيريها جوه نفسك علشان هتفرق كثير قوي في كل اللي جايه في حياتك قدامه. النقطه اللي بعديها هي موضوع انك بتبصي ازاي للاشخاص؟ كل واحد حر في اولوياته مفيش مشكله خالص لو انت اولوياتك لا انا مش هرتبط بحد الا لما يكون تعالي والله دي حاجه ده حق من حقوقك حتى لو احنا لنا راي مختلف او هنقول لك يعني وجهات نظر مختلفه فده مش معناه ان انت مش من حقك تعتمدي على وجهه نظرك في اختيار الشخص اللي هترتبط بيه ليه لانه احنا ممكن نقول لك انه لا مفيش مشكله خالص مستوى تعليمه.
تم النشر السبت، ١٧ أغسطس ٢٠٢٤
الإخوة أجابوا بنصائح مفيدة وأنا مع إنك تصلي استخارة واللي فيه الخير ربنا يكتبه لك... لكن أنا حابة أضيف نقطة مهمة جدًا... بلاش فكرة استغلال الزواج كمهرب من المشاكل اللي عندك بالبيت... كتير من البنات اللي كانت بتعاني من مشكلة في بيتها للأسف عشان تهرب من المشكلة دي بتتزوج فبتلاقي نفسها هربت لنفس المشكلة ببيتها الجديد. بنت مثلًا والدها عنيف وبيضربها وعشان تهرب من الجحيم ده بتجري على أول عريس وتوافق... بتوافق بس عشان تهرب... اللي بيحصل إنها للأسف بتقع في جحيم أسوأ وبتلاقي نفسها مع زوج عنيف وبيضربها ومش بتقدر تطلب الطلاق وترجع للجحيم الأول. انتي بدل ما تفكري في الزواج كمهرب، صلحي من نفسيتك وأفكارك الداخلية عشان متاخديهاش معك في بيتك الجديد وتلاقي نفسك بتكرري نفس الحياة. ربنا يكتب لك الخير ويرضيك به. تحياتي.
تم النشر السبت، ١٧ أغسطس ٢٠٢٤
ربنا يهديكى للصواب والخير والى ينفعك فى حياتك بس اهم حاجه صلاه الاستخاره ثم صلاه الاستخاره من كلامك انتى متسرعه جدااا بس المن المعروف ان الخطوبه دى فتره تعارف وتقييم هل دا يبنفعنى ومناسب ليا مش شهاده الزوج الى هتخلينى مبسوطه دينه واخلاقه وشخصيته هتبسطك كام واحد أسف معاه كليه وجاهل الشهادة مش مقياس بس لما تتكلمى معاه لو لقيتى فكره وثقافته مناسبه ليكى وافقى لقيتى انت فى وادى وهو فى وادى من الاخر أقل منك فكريا و ثقافيا بلاش عشان فى حاجه اسمها توافق بين الزوج والزوجه المفروض دا الى ناخده عشان ميحصلش فجوه كبيره كاالامر الدينى والمستوى الاجتماعى والتعليمى عشان لما الزوج يكون اقل فى بعض الامر بتحصل مشاكل كبيره لازم يكون فى تقارب لذلك خلى فتره الخطوبه تقيم صح واسالى اخوكى بيعمل لما يتكلمو سوا واستفسرى كتير وكده كده المواقف وأفعاله هتحكم سيبك من البدايه لازم وقت الخلاف هيبان كويس. لاحظت انك بتقولى بيهزر بالفاظ ودا مقلق بالنسبالى لان مع الوقت بما يتعود عليكى هتتقالك كويس انك بتدورى وراه اعرفى اكتر سلبياته عشان دى الى هتواجيها بعد الجواز بيعمل ايه اما يتعصب والخ متركزش بس انه بيضحك وكلام ده فى امور كتير بنركز عليا ركزى على المعدن وأهله كويسين ولا لا بيتعامل ازاى مع والده ووالدته و اخواته عنده شخصيه ولا لا عشان لما يحصل مشكله هيعرف يحل ولو حصل مشكله بينك وبين أهله هيعرف يفصل ويحكم ولا لا لان دا أمر مهم سيبك من كل الامر دى دا الاهم عشان فى أمور لازم تبنى عليها اختيار زوجك وشريك حياتك لان كل حياه زوجيه فيها مشاكل لازم يكون على قدر انه يحل مشاكله ويعاملك احسن معامله ويديكى حقك ويحترمك ويحترم اهلك ويقدرهم وقبل كل شئ يعرف ربنا بجد
تم النشر السبت، ١٧ أغسطس ٢٠٢٤
بصي هو مش مهم الكليه يعني في ناس يبقى معاها دبلوم تبقى احسن من اللي معاها كليه وحاجه كبيره وانتي بتقولي بيصلي وحلو ماديا ويعني فيه صفات كويسه بس اهم حاجه من كل ده انت تكوني بتحبيه اقعدي معاه وكلميه عشان طبعا مش هتتجوزي حد مش هتكوني متقبله ولا بتحبيه فانت حاولي تشوفي كده ففرق سبع سنين ده كويس جدا يقدر يحتويكي وفعلا احسن من اللي في سنك ف انتي متغيريش رايك لان هتقعدي توسوسي مش هتنخطبي خالص في باذن الله يكون خير ليكي وصلي قيام الليل وادعي وشوفي قلبك مرتحلو ولااي
تم النشر السبت، ١٧ أغسطس ٢٠٢٤
فكري بعقلانية يا أختي.... انتي سيبتي بتاع الكليه عشان هو مش كويس ليك صح؟ اصلا انتي سيبتي عشان كنت بدأت بالباطل للاسف مفيش حد هبحبك هيسترخص قيمتك فبلاش انتي تنزليها لمجرد مكانه تعليميه اللي بيتعمل معاك ده حرفيا منهج من الشيطان عشان يشيلك انسان محترم خلوق ويبدلك بالباطل اللي هوا اصلا اختارك عشان يعيش لحظات مش اكتر خليك فاهمه كدا كويس مش مجرد سطرين بكتبهم ليك انا شاب زيهم وعارف التفكير ده فخدي بالك الرسول لما وصانا ما قال من ترضون تعليمه بل قال خلقه.... انتي لو حسبتيها مع حالك هتسألي نفسك سؤال هل هتلاقي كل اللي محتاجه في بتاع الجامعه زي اللي متقدم حاليا؟ عايز اقولك التعليم مهم بس ما بتقف عليه لان طالما معاك انسان بيشتغل وبيفكر وبيعافر هي دي سمات الراجل المسئول هتعملي ايه انتي لو اخدي واحد شهاده عليا وعاطل لا يا اختي نقطه التعليم ما ليها لزوم دايما.... فعلا لازم يكون متعلم في دينه ومثقف لدنيا لكن كتعليم اكاديمي فكك التعليم للانسان لو هو انسان بيحب يتعلم مع حاله ويطور نفسه فأبشرك الصراحه بالخير
تم النشر السبت، ١٧ أغسطس ٢٠٢٤
وعليكم السلام ورحمة الله وبركاتة هو فين المشكلة إنه معاه دبلوم صنايع بس؟ يعني هو: بيصلي محترم عيلته محترمة كويس جدا ماديا يعني ماشاءالله من وصفه هو إنسان كويس جدا، فمتخليش معايير المجتمع هي اللي تختار ليك ! نقطة إن حضرتك بتقرنيه مع اللي فات، ديه مقارنة بايظة من أولها ده، ليه ؟ الأول ده واحد بيسلي وقته، وبيكلمك بطريقة حرمها الإسلام الثاني ده راجل داخل الباب من بيته، بيطلب إيدك _ مفيش مقارنة اصلا والله نقطة فارق التعليم ملهاش علاقة، انت لما تقعدي معاه هتشوفي هو مناسب ليك ولا لاء بإذن الله ربنا يوفقك لما يحب ويرضى
تم النشر السبت، ١٧ أغسطس ٢٠٢٤
وعليكم السلام! أول حاجة، أنا فاهمة تمامًا مشاعرك وتفكيرك. الموضوع صعب وأنتِ بتفكرِين فيه كويس. نتكلم عن العريس. هو عنده محلين وشقة ملك، يعني هو عنده استقرار مالي. كمان واضح إنه محترم وصالح لأنه بيصلي وعيلته محترمة. لكن المشكلة اللي عندك هي الفكرة بالذات عن التعليم، وده شيء طبيعي إنك تشيلي همّه. خليني أقولك، التعليم مهم طبعًا، لكن مش هو كل حاجة. لو هو عنده صفات كويسة وبيعاملك كويس ويقدر يفهمك، ده برضو يعتبر عامل مهم. الفكرة إنك تكوني مرتاحة معاه. أما عن شعورك بالضغط والأفكار الكثيرة، ده شيء محتاج تفكري فيه. لو حسيتِ إنك محتاجة دعم نفسي، مش عيب المساعدة من متخصص. ممكن يكون فيه تحديات لو اتجوزتي واحد أقل في التعليم في بعض الأوساط، لكن الأهم إنك تكوني مرتاحة وسعيدة مع الشخص اللي هتختارينه. قولي لي، إيه أكتر حاجة مخوفاكي من الموضوع؟ وخلينا نتناقش أكتر!
تم النشر السبت، ١٧ أغسطس ٢٠٢٤
لعرض السؤال في فدني اضغط هنا