والدتي توفت ومش قادره اتخطي اي حاجه حصلت ومش عارفه افرح خالص
نفس مشكلتى وللاسف يعنى المشكلة مهما مين قالنا حلول دى الام وجعها هايفضل مش بيداوى لان فقدنا حب وأمان حنية حجات كتيير جدا من بعدهم مش بتتعوض بس علطول بصبر نفسى بأن هما بيكونو شيفنا وحسين بينا اه هما مشيو بس روحهم معانا ولازم نكمل ونشوف هما كانو عيزنا نبقى اى ونحقق حلمهم سعات ربنا بيحطنا فى اختبارات ودة أصعب اختبار بس لازم نعدى لو مش عشنا علشان إخوتنا وهما اكيد اترحمو من الدنيا وراحو للمكان الأحسن عارفة انا بعدى اليوم بكلم إلى قولتو دة وبان قوية وانام وبليل بطلع كل حاجة وبقعد احكلها وكلم صورتها كأنها قدامى بس الحياة كدا للاسف مش بتقف ولا هتستننا الوقت بيجرى ولازم نحقق إلى كانو بيتمنو علشان نرد جزء من إلى هما عملو معانا واكيد هايكونو مبسوطين
تم النشر الأحد، ٣١ مارس ٢٠٢٤
ربنا يرحمها ويربط على قلبك .. قربي من ربنا وحاولي تشغلي بالك بدراستك أو شغلك أو اهتماماتك .. الحياة ستستمر على كل حال ف ليه ندي الحزن اكتر من مساحته !
تم النشر الاثنين، ١ أبريل ٢٠٢٤
ربنا يصبرك ياحبيبتي وربنا يرحمها ويغفرلها ادعي ربنا كتير أنه يلهمك الصبر وادعيلي بالرحمة وافتكري ان الدنيا فانية وأننا كلنا ميتين وربنا يجمعك بيها في الجنة بإذن الله،اذكري ربنا كتير واقرأي قرآن كتير والصلاة حافظي عليها وربنا يرحمها ويصبرك ياحبيبتي🖤🖤
تم النشر الاثنين، ١ أبريل ٢٠٢٤
اولا حاولي تاخدي وقت في حزنك ومتكتميش في نفسك بس بردك حاول تتخطي موقف رغم اني عارفا انوا صعب بس ادعي وترتاحي وحاولي تفعيلها كتير وتعملي صدقه علي روحها وخصوصا في شهر كريم ده
تم النشر الاثنين، ١ أبريل ٢٠٢٤
لعرض السؤال في فدني اضغط هنا