انا في علاقة مع شخص ٣ سنين و كمان شهرين هيجي يتقدم وعلاقتنا في السنة الاخيرة مريت بمشاكل كتير جداً وكل شوية كنا بنقول هنسيب بعض ومش بنكمل يوم ونرجع بس فكره اننا نسيب بعض موجوده تقلق.. مؤخراً المشاكل زادت صليت استخارة ٤ مرات لقيت اني اتقفلت اوي بس عايزاه و مش قادرة اصدق اننا ممكن نبعد هو بيحاول معايا بس انا مقفوله من كل حاجة مش منه هو بس من كل اللي حواليا...وفي نفس الوقت بقول يمكن علشان علاقتنا دلوقتي حرام ف اكيد في الاستخارة لازم هتقفل بس برضو اكيد ربنا عارف اني مش هينفع اتخطبله مش عارفة اعمل ايه وتعبت ومش قادرة اصدق ولا ليا حد احكيله
بصي مبدئيا صلي أستخارة تاني حاجة لازم تكوني مقتنعة تماما إن علاقتك بيه قبل كده كانت حرام ودي لا جدال فيها، وإن علاقتك بيه لو بقى خطيبك وحصل نصيب لازم تكون مربوطة بحدود ودا شرع ربنا إللي أمرنا بيه علشان نحافظ على نفسنا وقلبنا من إنه يتكسر.. تالت حاجة ديما بيكون في مشاكل بين أي إتنين في علاقة ما لو هي داخلة في منحنى حلال، الشيطان من الٱخر بيدخل يولعها في الناحيتين، حتى ديما تسمعي إن أي إتنين كتب كتابهم قرب أو فرحهم يحصل بيهم خناق على حاجات تافهة وعبيطة. أهم حاجة لازم تكوني صادقة مع نفسك عن حقيقة مشاعرك، يعني هل هي مجرد إعجاب؟ تعلق؟ تعود؟ ولازم تكوني مقتنعة إن النصيب والقدر هو إللي بيحدد مسار حياتنا والناس إللي خير لينا إنها تكون موجودة أو تمشي، ف صلي إستخارة وأشجعك تبعدي لحد ما يجي يتقدم ويدخل البيت من بابه وتطلبي من ربنا يسامحكم على علاقتكم إللي مكانتش ترضيه ويكتبلكم الخير. وديما كرري دعاء "اللهم إختر لي ولا تخيرني" و"لا إله إلا أنت سبحانك إني كنت من الظالمين"
تم النشر الاثنين، ١٣ مايو ٢٠٢٤
ابعدي لانه مستحيل يحترمك بعد الجواز انك ارتباطي بيه ٣ سنين ومنغير اي القاب يعني لا خطيب ولا كاتبه كتاب ولا حاجه ولا وكمان ربنا بيحزرك وانت مصممه يا شيخه اتقي الله
تم النشر الخميس، ١٦ مايو ٢٠٢٤
لو ليكي نصيب معاه هتكملو ولعله خير ولو بعدتو تذكري لو كان خيراً لبقى وإن ربنا عالم الخير عننا الله اعلم وانتم لا تعلمون يمكن اللي انتي بتحبيه وبيحيك دا يتغير بعد الجواز وعشان كدا بعد مصليتي مرتحتيش امشي ورا احساسك دا دليلك وربنا معاكي وفكري بالعقل وقولي يارب
تم النشر الخميس، ١٦ مايو ٢٠٢٤
لعرض السؤال في فدني اضغط هنا