كنت عاوزه احكي حاجه
امي ست طيبه وع نيتها بس فيها صفات وافعال بتخليني اعجز عن الكلام هي بنت وحيده وسط ولدين ف اتربت تربيه قاسيه جدتي تزعلقها وممنوع خروج وعيب والحاجات بتاعه زمان دي وحتي لما اتجوزت كان من اخيار اهلها هي ملهاش راي ف وفقت بيه وخلاص بحيث انه يطلعها من البيئه دي واتجوزت ابويا وعايشه ايام استغفر الله عذاب حرفيا خناقات وحصل مشاكل كتير اوي بقالهم 23سنه بيتخنقوا حرفيا وعمرهم مكانوا كويسين قدامنا بيدخلونا ف مشاكلهم وامي دايما عاوزانا ف صفها معن هي بتكون الغلطانه ومع ذلك بنقف ف صفهاا ونعدي الموضوع عمرها مبتشوف نفسها غلطانه ابداا افهمها واتكلم بكل احترام وادب تقولي هو انتي ملاك روحي شوفي نفسك انا مبغلطش انا عارفه انا بعمل اي وحرفياا بتعمل مشاكل وبتوقع نفسها ف ميت مشكله ومتناقضه حتي مع نفسها تقول حاجه اقولها اي تقولي لا مقولتش كده
معندهاش ثقه ف نفسها تماما دايما تفضل تقولي شكلي حلو اقول ده عادي بس بيأفور منها اويي دايما لو جيت اشتكلها من حاجه ف حياتي تسيب مشكلتي وتفضل تحكيلي عن حياتها مع ابويا زمان واد اي اهلي ابويا تعبوهاا ف بقيت بزهق وبسكت خالص بتشتكي كتتتير وكل يوم نفس الشكوه اختي اتخطبت بدات تغير منهاا وتتخانق معاها كل يوم وتعمل تصرفات غريبه وكل لما نيجي نقولها علي التصرفات دي تنكر وتفضل تعيط وتقول كلام ان هي ضيعت حياتها عشناا وابويا هو السبب وتفضل تكرهنا فيه اختي تعبت
دايما تفضل تقول انا اللي ربتكم وتعبت عشانكم وحرفيا ده محصلش واننا انا واخواتي اتربينا بالفطره مش منهاا والحمدلله اننا كويسين لحد دلوقتي ف دلوقتي انا تعبت وحاسه بزهق منها ومن البيت وبقي كل طموحي امشي واعيش ف حته لوحدي اي الحل مع امي وازاي اتعامل معاها
السلام عليكم ورحمه الله وبركاته. يعني خلينا. نجيب بالموضوع معاكي كده من ابسط الطرق. ربنا عز وجل قال في كتابه الكريم واغفر لهما جناح الذل من الرحمه يعني التعامل مع مامته. علشان تراعي النقطه دي هو انك. هترحميها. برحمه هي شافت كثير حاجات كثير عدت عليها سابت اثار في نفسيتها هي اللي بتطلع منها تصرفات هي شخصيه بتعملها بتلقائيه ومش عارفه الترفضي بناء على ايه يعني هي مش بتفكر في حاجه معينه هي بس بتلاقي نفسها عايزه تعمل ده او طالع منها الشعور ده من غير اي مقدمات ومن غير اي حاجه. فاا ضروري تبقي شايفه ده كويس جدا جدا جدا وانت بتدعم. الحاجه بس ان انتوا ممكن تعملوها معاها ان انتوا تبداوا انتوا تملونها الفراغ العاطفي اللي عندها هي محتاجه حد يدلعها هي لانها خالص هي محتاجه حد يقول لها انت حلوه حد يمدح في صفها حد يعيشها الجزء اللي هي مع انتوا كدا تقدروا تعملوا معانا غير البساطه فكل اللي هي بتعمله ابداوا انتوا يعني حتى لو بيجي خطيبك اختك وهي بتبدا تمدح بنفسها انتوا اعملوا ده الاول قبل ما هي تتكلم قولوا بقى شوف ماما لابسه عبايه حلوه ازاي ده ماما دي اللي يشوف هيقول عليها اختنا هتلاقوا ان هي هتهدى كثير هتاخذ اللي هي عايزاه ومش هتبقى محتاجه ان هي تعمل اللي هي بتعمله ده. خلوها كانها اختكم خلوها كانها صاحبتكم يتعاملوا معاها بجد على الاساس ده الموضوع هيبرد كتير.
تم النشر الثلاثاء، ٢٠ أغسطس ٢٠٢٤
المهم دلوقت تريحوها بمعني خالي باباك يقرب منها بطريقة حلوة متفهماش هي غلط خليه يقولها انه بيحبها وانتوا وضحوا ليها انكوا بتحبوها برده من ناحية اخري حاولو تاخدوها تخرج وتتفسح وتنفس عن اللي جواها لما تتكلم اسمعيها واقترحي حلول حاولوا تخلوها تاخد المواضيع بهداوة مش بالغضب والعصبية
تم النشر الثلاثاء، ٢٠ أغسطس ٢٠٢٤
أفهم مشاعرك تمامًا، وده موقف صعب جدًا. أول حاجة، لازم تعرفي إن مشاعرك طبيعية. أهو إنك تحسي بالضغط عشان أمك بتتصرف بالطريقة دي. حاولي تتكلمي مع أمك في وقت هادئ، وتعبري لها عن مشاعرك بطريقة هادئة. قولي لها إنك بتحسي إنها بتاعتي وبتكلم نفسك. حاولي تشوفيها بمساحة لتمسكي يدها أو توريها إنك موجودة عشانها. بس أكيد مع الوقت، حاولي تدعمي نفسك وتفكري في مستقبلك. لو الوضع بقى صعب جدًا أو بيسبب لك ضغوط، حاولي تتخذي وفت لنفسك وتفتحي المجال للتنفس بعيد عن الضغوط. اتصلي بأصحابك، واعملي حاجات تحبيها، افتحي مجال لإنك تمرني نفسك عالعناية بذاتك. الأوقات دي صعبة، بس المهم تعملي حاجة تبسطك وتبعدك عن التوتر. وإذا حسيت إن الأمور محتاجة مساعدة أكبر، متتردديش إنك تطلبي مساعدة من متخصص.
تم النشر الثلاثاء، ٢٠ أغسطس ٢٠٢٤
لعرض السؤال في فدني اضغط هنا