كنت عاوزة اخد رأيكم في حاجة
كان في ف حياتي حد وبحبه جدا وهو كمان وهو كويس وكل حاجه بس فضل متغير معايا كأن مفيش بينا حاجة وبيتجاهلني ويعرف بنات وبعدنا فترة ورجع تاني يقولي عايز اتقدملك وفي نفس الوقت في حد تاني متقدم كويس جدا من كل حاجة وشاريني جدا جدا واهلي حابينه ومرتاحين ليه وانا شايفة الموضوع مناسب بس مش فرحانة بيه نهائي خصوصا بعد مالتاني قال انه عايز يتقدم
واللي كنت بحبه دا حتي لو حصل خطوبة اهلنا غير بعض خالص وهيكون في اختلافات كتير غير اني هستناه فترة كبيرة اوي علي مانتجوز وانا اصلا متخرجة من سنتين
وقولتله ان في حد متقدملي واحتمال اوافق قالي انا مش هعرف اعيش من غيرك انا حاولت كتير عشانك وكل الكلام دا وانا عارفة دا لانه بيحبني بس علشان مفيش بينا حاجة رسمي كان بيتصرف بتهور شوية لكن انا ضامنه انه فعلا بيحبني جدا وانا كمان مرتاحتش مع حد زيه وفاهم دماغي
بس الفكرة اني خايفة لان اهله مسيطرين عليه وشايفين دايما انهم اعلي من اي حد وبيتعاملوا علي اساس كدا
اختار مين ؟؟
هو بيقولي لو اتخطبتي هتبقي بيعتيني واتخليتي عني وانا مش عاوز غيرك وهتبقي دمرتيني بس انا كل حاجة مخوفاني وبحاول احسبها بعقلي بس
عزيزتي، أولاً اريدك ان تركزي على مشاعرك واحتياجاتك الشخصية قبل أي شيء آخر. لا تدعي قرارك يتأثر بضغوط الآخرين أو بخوف من العواقب. عند اتخاذ قرار، تحققي إذا كان يتوافق مع قيم وأهداف حياتك. عليك أن تفهمي أن قرارك سيكون لمصلحتك وليس لأي شخص آخر. إذا كان الشخص الثاني يعبر عن مشاعر حقيقية تجاهك وتراه شريكًا مناسبًا، فربما يكون من الأفضل التفكير في العلاقة معه. في نهاية المطاف، الشخص الذي سيكون إلى جانبك يجب أن يكون يدعمك ويقدرك كما تستحقين. لا تدخلي في علاقة تشعرين فيها بالتضحية بذاتك أو بشعور القلق الذي تعانين منه الآن. اعطي نفسك الوقت الكافي للتفكير والتأمل في الوضع، وتحدثي مع شخص موثوق به تثقين فيه للحصول على نصيحة إضافية قبل اتخاذ أي خطوة. اعملي على تحديد ما تريدينه بالفعل وما يجعلك سعيدة ومتوازنة.
تم النشر الجمعة، ٢٤ مايو ٢٠٢٤
يارب قدرلي الخير ولا تخيرني في شيء من امري ادعولي لو سمحتم ربنا يقدملي الخير
تم النشر السبت، ٢٥ مايو ٢٠٢٤
اختاري اللي بيحبك مش اللي بتحبيه اللي بيحبك هيعمل اي حاجه في الدنيا علشان تبقي مبسوطه إنما اللي بتحبيه مهما تعملي مش هيعجبه وصلي صلاه استخاره وسيبها علي الله وكل واحد بياخد نصيبه اهم حاجه بعد ما تتخطبي تنسي التاني خالص متدوريش عليه ولا تحطيه في دماغك
تم النشر الأحد، ٢٦ مايو ٢٠٢٤
بصي أن اختارتي الولد الي كنتي بتحبيه هتظلمي نفسك عشان مامتي كانت كدا ومش عايزه اقولك ع الجنه الي احنا فيها سواد من كل حته هيتعبوكي وهوا بيقولك كدا عشان مش عايز يطلع خسران يومين تلاته وهعيش محدش بيموت من غير حد عارفه انو صعب تتجوزي حد مش بتحبيه بس كفايا انو هيشيلك ف عينو وكفاية أنو شاريكي الحب بيجي بعد الجواز وهتعرفي أن الحب الي كنتي عيشاه مع الشخص دا مش حب الحب الحقيقي لما تكونو ف بيت واحد وبتكتشفو بعض في مثل بيقولك خدي الي يحبك ومتخديش الي تحبيه قلبك ماشي مع الي عايزو بس عقلك عارف مصلحتك لو فكرتي بقلبك هتخسري هوا لو بيحبك مش هيشوف غيرك ولا هيصاحب حتى لو اختو ومفيش بنهم حاجه مش هيزعلك ولا يتغير عليكي فتره انا مش عايزاكي تعيشي نفس تجربة امي هما حاليا انفصلو بعد 18سنه جواز وكانت سنين سودا ع الكل مش امي بس امي كانت خدامه لاهلو عشان هوا كان ابنهم برضو وبيمشو كلمتهم عليه وكان بيخون امي من اول اسبوع جواز انتي متخيله احسنلك عشان تعيشي مرتاحه خدي الي شاريكي والي مش هينيمك دمعتك ع خدك واتمنى تختاري صح ومتظلميش نفسك وحياه سعيده ليكي يارب ❤️❤️
تم النشر السبت، ٢٥ مايو ٢٠٢٤
لا حول ولا قوة الا بالله العلي العظيم استغفر الله العظيم واتوب اليه
تم النشر الأحد، ٢٦ مايو ٢٠٢٤
السلام عليكم ورحمه الله وبركاته. انا شايفه ان انت مش محتاجه ان احنا نشرح لك حاجه لانه انت ما شاء الله عارفه تفكري وعارفه تشوفي يعني الوضع ده عامل ازاي والوضع ده عامل ازاي؟ لو اخترتي حاجه عشان بس انا عارفه انه بيحبني فالمعرفه دي اللي هي بالاحساس يعني انا اسفه كده ان هخليها في المسلسلات والافلام وما تجيش ناحيه حياتنا يعني لانه الواقع. ضروري يكون مثبت بالافعال واللي انت بتقوليه ده ما فيش افعال تثبت انه الشخص ده يحبك يعني بيحبك حب حقيقي محترم ان هو بقى يبقى بيعرف بنات وان هو يتجاهلك يعني زي ما انت بتقولي ما ارتحتيش معي وهو عارفك كويس قوي وفهمك يعني هو فهمك وبناءا على ذلك كان بيتجاهلك يعني وبيعمل معاكي طريقه مش لطيفه. انت بتحاولي انك تحطي مبرر لفكره ان هو بيحبني انت بقى القصه دي خالص لانه اختيار الزوج او اختيار شريك الحياه ما ينفعش خالص يكون بمعيار واحد. لا يمكن ايه هو المعيار فاحنا هنا لو بنتكلم على معيار المشاعر او الانجذاب العاطفي ومش هينفع ان يكون ده هو المعيار اللي يخليني. اختار الشخص. انا محتاجه اختار شريك حياه اختار زوج اختار اب فانت شايفه الشخص ده. يعني تكوني قدامه ولادك مبسوطه ان هو ده ابوهم هو ده جوزك يعني ما اعتقدش فخليك في التفكير في الصح قيمي شخص تاني ده ويعني خلاص الدنيا مش واقفه على الاتنين عادي جدا انت ممكن تتخطبي للشخص التاني بعد شويه يظهر لك في صفات تقول ان هو مش مناسب عادي جدا يعني انا مش بنتكلم على انه خلاص يعني قفلي حياتك على الشخص اللي متقدم لك واهلك مقتنعين به لانه لسه الحياه فيها احتمالات فايا كان الشخص اللي قدامك ركزي كويس قوي انك تشوفي كذا معيار يقولوا ان الشخص ده مناسب انا اكمل معه وهقدر ان انا اتحمله لمده طويله. انا شايفاه انه الشخص الثاني واضح ان فيه معايير تانيه كتير وتقدري انك تعتمدي عليها في انك توافقي على الموضوع الموضوع بقى ان هو التاني ده او الاولاني بيقول لك انت كده بعتيني وكل الكلام ده تمام يعني ما فيش مشكله مش اول ولا اخر واحد سوري يعني كده يعني ينجرح ويبقى يدوي جرحه ان شاء الله باي حاجه.
تم النشر الأحد، ٢٦ مايو ٢٠٢٤
صلي استخارة وخدي التاني انا شتيفه انه مناسب اما الاول دا فلا حتي لو فرشلك الارض ورد وهيرجع يعايرك ويقول انك مش محترمة للنك كنتِ بتكلميه و مش هتقدري تتعايشي مع اهله يعني دلوقتي المشكله فيه وفي اهله مش أهله بس فانفدي بجلدك يا بنتي +ربنا كرم البنت مقالناش نروح نكلم ونعمل احنا خُلقنا مُكرمين أعزاء بكرامة مش أي حد يقدر يوصلنا فكري في الكلام وبباش تقعي فيه تاني
تم النشر الأحد، ٢٦ مايو ٢٠٢٤
ردى عليه ،قوليله فعلا هدمرك وغور من وشى وبلا وجع رأس بيك وفى ستين داهية ، واختارى الشخص الحلو المناسب ، اسمعينى اللى يغدر مرة يغدر الف واللى يكلم بنت مرة يكلم الالف واللى يخون مرة يخون الألف ،ودى مش مجرد حكمة ده حقيقه اتطبعت على الانسان ،صدقينى اللى بياخد رشاوى كبيرة كان بياخد صغيرة واللى كلم مية بنت الموضوع ابتدى عنده ببنت ومتصدقيش حد يقلك اصل بطلت لأن الانسان هيقعد فى معافرة مع الذنب ده لحد ما يموت وانت فى غنى عن وجع الرأس ده
تم النشر السبت، ٢٥ مايو ٢٠٢٤
صلى استخاره ولو بتحبي التان وفعلا ومتاكده انو بيحبك وهتكون مبسوطه معاه فكرى
تم النشر الأحد، ٢٦ مايو ٢٠٢٤
لعرض السؤال في فدني اضغط هنا