هذه الأيام صرت آكل بشراهة وأشعر بالذنب لأنني كنت أحاول فقدان وزني، كيف أتصرف؟

Question

أنا بقالي كام يوم حرفيا باكل بشراهه اوي و باكل كتير و بحس اني مش قادره ابطل اكل معا اني قبلها بكام يوم كنت حرفيا باكل قليل و اغلب اكلي كان بروتين و ألياف و كنت مقلله كربوهيدرات جدا بس دلوقتي باكل كتير فعلا و اغلبه كربوهيدرات يعني باكل مكرونه او رز كتير أو خبز مش عارفه هل انا فعلا باكل كتير ولا أنا اللي حاسه كدا علشان حرفيا بقيت احسب اكلي بالكالوري ف حاسه أنه كتير و علشان أنا كنت بحاول اخس بقالي فتره ف دلوقتي ضميري مأنبني اوي اني باكل كتير مش عارفه ياريت تفيدوني بجد أنا عندي ١٥ سنه و طولي 160 و اخر مره وزنت نفسي كان من ٣ شهور كنت 64 كيلو و مش قادره احدد أنا بخس ولا بتخن ولا زي ما أنا لاني معنديش ميزان في البيت و كمان لأني كان عندي تيشرتات واحد لاقيته تمام عليا و مش متخني مع أنه كان بيبقى عاملي كرش اوي و واحد تاني كان بيبقى تمام عليا بقى بيعملي كرش جامد و عايزه اروح اي صيدليه اوزن نفسي فيها بس خايفه الاقي نفسي تخنت بجد دا هياثر على نفسيتي جدا لاني كنت بحرم نفسي من حاجات أنا بحبها و كنت بتمرن كتير حتى لو يوم مثلا مش قادره فيه باجي على نفسي و اتمرن فيدوني بالله و شكرا.

Accepted Answer

حاولي يكون نظامك متوازن من غير حرمان. شعور جسمك بالحرمان وإنه داخل على تجويع بيدفعك لما تكسري الريجيم ترجعي للأكل بشراهة وتزيدي أكثر من الأول. ولاحظي كمان إن ممكن الموضوع يقلب معك لهوس ناحية فقدان الوزن والخوف من أي زيادة في الوزن وهتدخلي في مشاكل نفسية متعلقة بالمسألة دي. وممكن إحساسك بالذنب ناحية أكلك هو اللي مسبب لك ألم القولون أو ألم جنبك اللي اشتكيتِ منه في سؤال آخر من شوية. وازني حياتك ومتركزيش قوي مع حساب السعرات... قللي كربوهيدرات واعملي رياضة واتحركي ومتحطيش في بالك مسألة الوزن والحساسية منه. بالنسبة للرياضة كمان متقسيش على نفسك فيها، ابدأي دقائق قليلة وممكن تزوديها مع الأيام وممكن بدل ما بتركبي مواصلة لمنطقة قريبة تمشيها أحسن، بدل ركوب الأسانسير اطلعي السلم وهكذا.

Answer

طبيعي اننا ناكل كتيروأننا يزيد خاصه في الصيف بنشغر اغلبنا بحاله من الإفراط في الأكل بجد بتحصل كتير دا شيء طبيعي عكس الشتاء ودا لان طبيعيه الجو بتأثر علي النفسيه فتقرببا انتي من الناس اللي بتحب الشتا عشان كدا نفسيتك بتأثر بالصيف فدا بيكون سبب في انك بتفرطي في الأكل وطبيعي انط تضايقي من دا بس شعورك الدائم انك وزنك بيزيد وتفكيرك دايما في دا دا بيسببلك القلق اكتر يعني ممكن تكوني مش بتزيدي ووزنك طبيعي بس خيالك بيهيألك العكس بسبب افراطك في التفكير في انك بتأكلي كتير ودا هيسببلك توتر وهيأثر عليكي نفسيا لو استمريتي في كدا فبجد حاولي تتخلصي من التفكير الدائم في انك بتأكلي كتير وطبيعي انك تحبي تخسي وتقللي وزنك كمان سنك لسه صغير وطولك مناسب جدا فلو هيكون وزنك ٦٤ زي ما قولتي حاولي ٤ كيلو هتعوزي تخسيهم عشان يناسب طولك ولو عالسن فممكن يكون مثلا تخسي ٥ او كدا بس الوزن بيكون حسب الطول وعاوزا اقولك متزعليش من كونك وزنك كتير او قليل بنمر بحاجات زي كدا بس المهم منخليهاش تأثر علي نفسيتنا عشان متأثرشي بعد كدا وهتكون سبب في اننا نزيد من حجم المشكله حاولي تتخلصي من دا بأنك تواجه المشكله متخافيش من قياس وزنك بالعكس روحي اوزني نفسك اسألي طبيب مختص هيساعدك اكيد روحي جيم ومشي علي روتين معين حسب الوصف اعملي رياضه بس بلاش تضغطي علي نفسك زي ما قولتي كدا بتأذي نفسك كل حاجه وليها قدر عشان راحه جسدك بردو وبتمنالك تلاقي الحل المناسب وتكوني بأحسن حال♥️♥️

Answer

أولًا وزنك مثالي. ثانيًا الشراهة المؤقتة للأكل متعلقة بالحالة النفسية أو تغير في الهرمونات. في هذه الفترة لا تضغطي على نفسك بالحرمان، لكن في نفس الوقت لا تجعلي هذه المغريات في متناول يدك، يعني لا تشتري منها كمية وتضعيها في البيت. ثالثًا أنت في الأساس في فترة بناء، كل ما عليك فعله هو البعد عن السكريات والأطعمة المصنعة والكربوهيدرات البسيطة، واجعلي طبق السلطة الخضراء وزجاجة المياه أسلوب حياتك. توقفي عن كثرة التفكير في وزنك، الوزن ليس مقياسًا، وزن 65 قد يبدو على أحدهم نحيل ونحيف ويبدو على آخر أنه متوازن وعلى شخص ثالث سيبدو وزنًا زائدًا. أين السر؟ السر هنا في نسبة الدهون، الدهون كحجم تكون كبيرة لكن كوزن تكون خفيفة. ما أريد قوله لك، اجعلي مقاسك في الملابس هي المرجع وليس الميزان، وانتبهي لنوعيات الطعام وليس السعرات الحرارية.

هذه الأيام صرت آكل بشراهة وأشعر بالذنب لأنني كنت أحاول فقدان وزني، كيف أتصرف؟

صحية

تغذية

سؤال من Aya EL sherbiny

تم النشر الخميس، ١٨ يوليو ٢٠٢٤

6 إجابة

2 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك