انا كل ما لما أشوف واحد ملتزم وبيتأثر بالقرآن أو بيبكي بستغربه وبحس كده ان فيه حاجة غلط يعني راجل ده زي كائن فضائي وكلمة متدين يعني مش فاهم متدين ده كائن فضائي يعني والي مش متدين ده كافر يعني ولا ايه والواحد متلغبط مش فاهم انا رايح فين ولا هيحصل ايه بحس ان إيماني فيه مشكلة وبحس اني تايه مش عارف هيحصل ايه يا تري هخش الجنة ولا النار متلغبط وبحس اني تايه والله ببكي على حالي ومش عارف مفروض اعمل ايه ولما اسمع درس بحس في حاجة غلط في إيماني مش مظبوطة عندي
فكرة الحيرة اللى انت فيها دى بداية الصح لأنك لو غلط تماما مش هتحتار ولا هتفكر يبقا الحل انك تفضل تحاول كل محاولاتك انك تكون كويس او تقرب من ربنا دى بتتحسبلك بس الشيطان دايما هيفهمك انها مش هتغير حاجه وانك هتفضل كدا لا طبعا توب وابتدى اول حاجه تعملها تظبط صلاتك ابتدى بنيه جديده اتعلم من جديد مش غلط شوف فيديوهات تعليم الوضوء والصلاه بطريقه صح انا فاهمه انك اكيد عارف تصلى ازاي بس تأكيد ليك وعشان تطمن انك صح حاول تصلى قيام ليل ابتدى اقرا الاذكار وابعد عن الاغانى هتلاقى نفسك بتطمن بالتدريج وهتلاقى نفسك بتعمل عباده ورا التانيه
تم النشر السبت، ١٧ أغسطس ٢٠٢٤
أولا شعورك ان هناك شيء غلط فهذا علامة ايجابية نسأل الله أن تكون بداية الهداية أنا أقول لك من تجربة شخصية لأنني مررت بهذي المرحلة و اكن الحمد لله الذي هدانا لهذا و ما كنا لنتهدي لولا أن هدانا الله. في تجربتي بدأت أقرأ عن المعجزات العلمية و تكوين الخلق لانك تستشعر عظمة الخالق و من ثم اقرأ عن رحمة الله بعباده و كيف يسهل لنا الأمور و يرزقنا و تذكر النعم التي أنعم الله بها عليك التي لا تعد و لا تحصى. والله عندما تعرف عظمة الخالق و رحمته و لطفه بعباده سوف تدمع عيناك حبا و عشقا و عندما تتعلم عن خاتم الأنبياء و اخلاقه و حبه لأمته سوف تشعر بحبك له و تقول فداك أبي و أمي يا رسول الله. المختصر، انه الحل بمعرفة عظمة الخالق و معرفة رسوله الكريم و سوف يدخل الايمان في قلبك
تم النشر الخميس، ١٥ أغسطس ٢٠٢٤
السلام عليكم، أولًا، جيد أنك تشعر بوجود مشكلة وتحاول تغييرها... هذا معناه أن قلبك حي فلا تفقد الأمل فيه وفي سهولة أن تملأه بالإيمان. ثانيًا، يجب أن تعرف إن الإيمان يزيد وينقص وإن باستطاعتك أن تزيد من إيمانك وقربك من الله. الإيمان في ديننا عبارة عن قول وعقيدة وعمل.... هو القول باللسان والتصديق بالجنان (القلب) والعمل بالأركان (الجوارح) الطاعات تزيد الإيمان والمعاصي تنقصه. لا تركز مع إن فلان متدين أو علان ملتزم أو ما معنى هذا... ابدأ في تغيير نفسك من الداخل وبالتدريج ستفهم معنى متدين وملتزم وأنه ليس كائن فضائي وليس صعبًا تحقيق هذا. هذه بعض الخطوات التي يمكنها مساعدتك: اطلب العون من الله وادعه بإخلاص أن يهديك إلى سبيله ويزيد إيمانك... الهداية من الله والعون من الله. حافظ على الصلوات الخمس والتزم بها لفترة إلى أن تشعر إنها أصبحت أسهل ويمكنك بعدها التقرب إلى الله بصلوات السنن والنوافل. (الصلاة حاول قدر ما تستطيع تكون خاشع ومستحضر وقوفك بين يديّ الله) التزم بورد قرآني ولو صفحة يوميًا... القرآن لما تقرأه بتدبر وخشوع له أثر كبير في شفاء القلب وزيادة الإيمان. التزم بأذكار الصباح والمساء واجعل لك وردًا يوميًا من ذكر الله... الذكر من أسباب زيادة الإيمان وتزكية القلب والنفس. راقب ما تفعله في حياتك... هل هناك معاصي هي السبب في عدم شعورك بالإيمان وتزيد بعدك عن الله؟ حاول الابتعاد والتوقف عنها تدريجيًا. ما حال أصدقائك ورفاقك؟ الرفقة الصالحة من خطوات التزكية وزيادة الإيمان أيضًا. لا تهلك نفسك في التفكير في ماذا سيكون مصيرك بعد الموت... بل ركز كيف تستغل يومك لتقترب أكثر من الله وترجوه أن يوفقك إلى العمل الصالح وأن يقربك من الجنة وما قرب إليها من قول أو عمل ويبعد عنك النار وما قرب إليها من قول وعمل. لا تكثر على نفسك من الدروس الدينية وخاصة لو صعبة.. ابدأ بدروس سهلة عن تزكية النفس واقرأ في كتب الرقائق. لا تسمع لوساوس الشيطان ولا تسمح له يشكك في قلبك وعقيدتك أو ييئسك من نفسك. هداك الله لما يحب ويرضى. تحياتي.
تم النشر الأربعاء، ١٤ أغسطس ٢٠٢٤
أولاً، عايزك تعرف إن الشعور بالتشتت والضياع في الإيمان هو شعور طبيعي يمر بيه كثير من الناس. كلنا بنمر بلحظات من الشك والريبة، وفي لحظات بنحس إن إيماننا مش قوي أو فيه حاجة مش مظبوطة. حاول تخلي كلامك مع الله حقيقي، يعني لما تحس إنك مضطرب، ابحث عن الطرق اللي تخلي إيمانك يتقوى. ممكن تقرأ أكتر عن الدين وتتابع دروس دينية، خاصة من الناس اللي تحس إنهم قريبين لقلبك. لا تقارن نفسك بالآخرين، كل واحد عنده طريقته وتجربته في الدين. سواء كانوا متدينين أو عاديين، فالأهم هو سعيك الشخصي ونيتك. ولا تفكر في الجنة والنار بشكل مرعب، ربنا رحيم وبيقبل التوبة. حاول تصلي وتقرأ قرآن كل يوم، حتى لو كانت ربع ساعة، ومع الوقت هتحس بتحسن في إيمانك. الأهم إنك تبقى صادق مع نفسك ومع ربنا. تابع مشاعرك واحكيها مع حد تثق فيه، يجعلك تحس بالراحة. وواثقة إنك هتلاقي الطريق الصحيح.
تم النشر الأربعاء، ١٤ أغسطس ٢٠٢٤
وبالنسبه لموضوع هتخش الحنه ولا النار ف محدش عارف مصيره ايه وربنا يكتبنا من اهل الجنه.. لكن ربنا هيجازيك علي قد معرفتك ف الدين ومجاهدتك لنفسك ف لازم ترضيه بكل الطرق علشان تضمن الجنه
تم النشر الخميس، ١٥ أغسطس ٢٠٢٤
هما بيبكوا لأنهم فاهمين آيات القرآن ف مركزين ف كل ايه وعارفين بتتكلم عن ايه بخلاف ناس كتير جدا بيكونوا كمان خاتمين المصحف ومش فاهمينه للأسف ف بالتالي مفيش مشاعر علشان تتحرك عندهم...ف انت لو عاوز تتغير وتلحق بيهم لازم تفهم كلام ربنا بيقول ايه وعلفكره انا بنضحك وينصح نفسي وربنا يهدينا جميعا
تم النشر الخميس، ١٥ أغسطس ٢٠٢٤
بص اول حاجه قرب للربنا وشويه شويه هتحب الصلاه لانك هتحس بعد لما تقرب من ربنا ان كل الابواب انفتحت فى وشك وابعد عن دماغك الافكار دى لان دا الشيطان هو اللى بيوسوسلك بألافكار السلبيه دى فستغفر الله واغزى الشيطان وادخل اتوضى وصلى
تم النشر الأربعاء، ١٤ أغسطس ٢٠٢٤
ملهاش علاقه او ليها أيًا كان انت عليك ان انت تقرب و تعمل اللي ربنا امر بيه ربنا مقلكش تعيط كل ما تصلي ولا كل ما تقرا قران دا طبعا حاجه كويسه بس مش مجبر بس لو عايز كدا قرب من ربنا واحده واحده و هتلاقي نفسك فاهم الكلام دا و فاهم اي اللي بيحصل و كلام ربنا هتتاثر و هتفهم
تم النشر الأربعاء، ١٤ أغسطس ٢٠٢٤
لعرض السؤال في فدني اضغط هنا