من البداية عشان اكون واضح
اذا عندك كلمة خير او نصيحة احكيها ..
اذا سمحتم ما بدي حدا يزيدها عليي لاني والله العظيم تعبت كثيييييييييييير
انا متزوج من انسانة منذ اربع سنوات .. بحبها كثير وبتحبني وعنا بنت والحمد لله عمرها ٣ سنوات
زوجتي عرفتها بالكلية اللي درسنا فيها
حبيتها وحبتني وتزوجنا
وكأي شخصين بصير في خلافات ومناوشات وبنرجع بنتصالح وبتتجدد علاقتنا
من فترة سنة تقريبا زوجتي اكتشفت محادثات على الواتساب عندي مع بنات كنت بعرفهم من ايام الكلية ووحدة منهم كانت حبيبة سابقة وتزوجت والله يستر عليها .. هاي الحبيبة كانت هي اللي بتبعتلي دائما ومحادثتنا ما كانت تستمر لدقائق وحكي عادي واقل من عادي من مرحبا كيفك شو الاخبار فقط لا غير .. وباقي البنات كانو مجرد صديقات وانا بعد زواجي قطعت علاقتي معهم لكن مش تماما .. يعني كل ست شهور تقريبا كانت تصير محادثة عادية كزملاء فقط لا غير ولم يكن هناك حتى اي مكالمة بيننا ... استمر الموضوع لاشهر طويلة .. ولما زوجتي اكتشفت هاي المحادثات .. اتهمتني انه في اشي بيني وبين هاي البنات وليش بتحكي مع وحدة متجوزة واللذي منه ... انا ما لمتها ولا عاتبتها .. حكيتلها معك حق ومش كثير هاممني الموضوع وحكينا كان عادي وهيو قدامك موجود .. رفضت انها تصدق كونه في كلام بالمحادثات محذوف او رايح او اشي زي هيك طبعا بهالفترة انا كنت مغير جهازي مرتين او ثلاث مرات وما كنت استرجع اي محادثة فهي فكرت بطريقتها ... اشترطت عليي عشان ااكدلها اني بريء اني احكي معهم قدام عيونها وتشوف طبيعة الحكي وبالفعل هاد يلي حصل وتوعدت انها تنتقم مني .... استمر هالوضع لمدة خمس اشهر تقريبا وبهالخمس شهور انا وياها كنا متل السمنة على العسل .. طبعا هي نفسها عملت بلوك لباقي البنات وبس خلتني احكي مع الحبيبة السابقة ... وكان الحكي واضح قدامها وصريح ومتل ما اشترطت عليي عشان اثبتلها براءتها صار .. وربي شاهد على كلامي ....
بعد هالفترة بعثت رسالة لهالبنت وقلتلها ما في اي معنى لحكينا مع بعض .. ديري بالك على بيتك وزوجك بلاش نعمل لبعض مشاكل وراحت بحال سبيلها وزوجتي عرفت بالموضوع وكان كل اشي ماشي تمام ...
وفي يوم من الايام روحت من دوامي (طبعا انا بشتغل بدوامين مختلفين وطبيعة شغلي ممرض يعني شفتات وبالليل واللذي منه) المهم روحت من دوامي الساعة ١٢ بالليل وكانت زوجتي عند اهلها وانا روحت على البيت ارتاح لانه ثاني يوم الصبح عندي دوام .. غسلت وغيرت وقعدت وحكينا كالعادة وكان في لعبة نلعبها اونلاين مثل المزرعة السعيدة يعني وطلبت مساعدة او اشي زي هيك وساعدتها وسهرنا وضحكنا واجا وقت النوم الساعة ٢:٣٥ بالضبط ..
حكيتلها تصبحي على خير حبيبتي وحكتلي وانتا من اهلي .. طبعا قبل هيك ضلت تحكي اكثر من مرة "ما بدك تنام ؟" "روح ارتاح عندك شغل الصبح" واللذي منه ... اخر اشي نمت .. وصحيت بالزبط الساعة ٤:١٨ دقيقة على رفة ونخزة بصدري قويات جدا قطعتلي نفسي .. خفت شوي .. فتحت الجوال شفت زوجتي اونلاين عالمسنجر من ساعتين ... كتبت رسالة وحدة لعل وعسى ترد لاني كنت خايف يصيرلي اشي وانا بالبيت لحالي .. الرسالة كانت :"صاحية؟" ..
ما ردت فحكيت اكيد نايمة شو مصحيها لهالوقت ..
معرفتش انام قلبت الفيسبوك شوي وفتحت الانستغرام .. لقيت زوجتي اونلاين ... رنيتلها مكالمة لقيت خطها مشغول .. فصلت وبعتلها رسالة مع مين بتحكي ؟
حكتلي شوي بحكي مع صاحبتي(بدون ذكر اسماء هي بالعادة بتحكي معها ولوقت متاخر من الليل بس مش مكااالمة) هاد الكلام كان الساعة ٤:٢٣ ...
حطيتلها طيب بتحكي مع صاحبتك وانا باعتلك رسالة عالمسنجر ردي عليي واحكيلي هيك هيك وروحي .. لازم انا اكتشف انك اونلاين وبتحكي مكالمة ؟ .. وطلبت منها تعملي سكرين شوت للمكالمة او المحادثة اللي هي فيها .. رفضت وصارت بدها تعمل طوشة .. واستمر الجدال العقيم بعدم قبولها تبعتلي سكرين شوت للمحادثة وطوش وفتح دفاتر قديمة واتهامات بالشك وحكي طالع ونازل لغاية الساعة ٧ صباحا (طبها اخر اشي حكتلي هاي السكرين شوت جاهزة بس ما رح ابعتلك اياها خليك تشك وتتعب ) .. حملت حالي وطلعت على شغلي ... والعصر بعد الدوام رحت عندها واتغدينا مع اهلها ومشى هداك اليوم .. وبعد يوم او يومين من الجدالات والمناوشات العقيمة .. طلعت على دوامي بالليل وطلبت منها ما تفتح الانستغرام هداك اليوم كله وما فتحته .. الصبح نزلت عندها ورنيت على حكاتي الساعة ٧ تفتحلي الباب .. فتحتلي الباب وفتت نمت بالغرفة اللي هي وبنتي موجودة فيها .. مسكت جوالها وهي نايمة وما عرفت اني اجيت ولا كانت عارفة اني جاي ..مسكت جوالها وفتحته باصبعها عن طريق البصمة .. ورجعت بالمحادثة مع صاحبتها هداك اليوم وما كانت في محادثة بنفس الوقت بالمرة .. كعكشت بمحادثات الانستغرام وما كان في محادثة ولا مكالمة مع اي حد بهاد الوقت .. وتذكرت انها حكتلي هاي السكرين شوت جاهزة وانها ما رح تبعتها .. ففتحت المعرض ودورت ولقيت صورة مقصوصة من محاظثة عبارة عن ملخص مكالمة صوتية من الساعة ٢:٣٠ لغاية الساعة ٤:٣٠ الفجر .. عرفت انها هي .. بس ليش مقصوصة !! .. خطر ببالي افتح سلة مهملات الجهاز لعل وعسى تكون ناسية تحذف منها الصوورة اللي انقصت .. واكتشفت انه المحادثة والمكالمة طلعت مع شب اول مرة بشوف اسمه .. دقات قلبي وصلت للمليووون .. تعبت كثير وعيطت دم .. المحادثة كانت عبارة عن ..
ازا بحكي معك مكالمة عالانستغرام وحدا رنلي على المسنجر بيعطيه مشغول ؟؟؟؟
فهو حكالها المفروض لا .. مين بدو يرنلك جوزك ؟ 😂
حكتلو شو دخلك... محبيني كتار 😌
مع هاي الايموجيات الباردة والحقيرة والمستفزة والكلام اللي بجرح الصخر ... بعد هالحكي ظهر ملخص المكالمة اللي هي بلشتها معه .. وما كان في حكي ثاني
انا تعبت كثييييير كثيير .. مضلش براسي عقل وجسمي صار يرجف كثير .. حكيت معه من حسابها اي كلام ورنيتله عشان ينتبه .. وحاولت احكي معه بإسمها عشان على الاقل افهم طبيعة العلاقة اللي بينهم وكم صرلها .. مفهمتش منه اشي لانه اسألتي بهداك الوضع كانت غبية كثير وسألته احنا كم صرلنا بنعرف بعض وحكالي لسا بنعرفش بعض .. وعملي بلوك !!
عيطت وانخنقت وتعبت ومقدرتش اتحمل .. صحيتها وسألتها ... قلتلها عمرك خنتيني ؟ صفنت وحكتلي لا .. حكيتلها وهديك الليلة عالانستغرام بتحلفي بالله العظيم انها كانت صاحبتك حكتلي والله كانت صاحبتي .. هون استحقرتها وقلتلها عن اسم اللي كانت تحكي معه وعن ملخص المكالمة بالضبط من اي ساعة لاي ساعة .. سكتت شوي وحكتلي شو عرفك .. من غبائي او ضعف حالي بهديك اللحظة قلتلها حكيت معه ومسكت جوالك وفتحته و .. و .. و ....
حكتلي فرجيني شو حكيتو وفرجيتها ... وهي زي اللي ما صدقت وشافت جملة " لسا بنعرفش بعض" وقالتلي هاد واحد بعتلي ورديت عليه وحكينا حكي عادي وتعارف واللذي منه .. قلتله ساعتين تعارف من التنتين ونص بالليل للاربعة ونص الفجر تعارف !!!! حكينا كثير وعتاب وطوش ومقاتلة وحملنا حالنا وروحنا ... محكيناش طوووا هداك اليوم .. وبالليل قلتلها قومي تحممي وتعالي ... راحت تحممت واجت وحطيت المصحف بيني وبينها وقلتلها شوفي يا بنت الحلال
.. انا من ناحيتي مش رح انسى عملتك هاي اللي قتلتيني فيها .. بس عشان اتطمن ولو ١٪ بدي اخلي الموضوع بينك وبين الله بس .. حطي ايدك اليمين عالمصحف واحلفي بالله العظيم انه هاد الشخص ما حكيتي معه اكثر من مكالنة وما شاف صورتك ولا انفتح بينكم فيديو وانه المكالمة ما كان فيها اي اشي شمال او وسخ .. حطت ايدها عن زعل اني مش مصدقها .. وحلفت يمين كامل بالله متل ما بدي بالضبط ... هديت شوي بس ما روقت ولا قدرت اتحمل الوضع .. واتفقنا انه منحكيش بهالموضوع وخلص .. مشت الحياة .. وانا كل يوم بخطر عبالي سؤال عن الموضوع بضطر اسألها اياه لاني اذا معرفتش جوابه بجوز اموت ... مثل شو كنتو تحكو بالزبط... شو حكيتيله عني ... ومن هالحكي ... وبعد ست اشهر يعني الان .. تقريبا الموضوع ضل بالبال وبوجع بس حبيت احلفها كمان يمين واطمنها .. قلتلها اسمعي .. عشان اريحك وتريحيني .. عليكي الامان ... وربي مسامحك دنيا واخرة وربي شاهد على هالحكي .. وقلتلها تحلف بالله انه كل اللي حكتلي ياه مزبوط ١٠٠٪ وانه فش اشي ناقص .. رفضت وهي بتضحك وبتحكيلي يعني انت شو خطرلك هلأ شو زكرك وشو ... وشو .. وشو ......
حكيتلها بس جاوبيني
حكتلي لا في !
حكيتلها احكي ... دمعت وعيطت وبعد ترجي انها تريحني وتحكي كل اللي في بالها حكتلي انه ما تعرفت عليه عالانستغرام .. وانها تعرفت عليه على لعبة جواكر واعطته الانستا تبعها وبعتلها رسالة .... قلتلها حمّيتي بالي عشان تحكيلي تعرف عليكي عجواكر؟؟ وهي صافنة وعيونها دموع .. حكيتلها حبيبتي طلعي اللي ببالك واحكيلي كل اشي ريحيني وارتاحي .. حكتلي رح تتعب ....... حكيتلها اذا بتحكيش رح اموت مش بس اتعب ... مسكت ايديي ووطت راسها وحكتلي انه انفتح فيديو بينهم .. وانه المكالمة ما كانت مثل ما حكتلي ... وانه كان فيها وسخ كثيير .. هون انا .. زي اللي صب رصاص سخن جوا قلبي .. ارتبط لساني وتعبت نفسيتي وانخنقت خنقة بس ربنا بعلم فيها .... ضحكتلها وقلتلها يعني شكي طلع بمحله من لحظتها .. وهي مش قادرة تحط عينها بعيني وبتعيط بحرقة .. حضنتها ! .. وعيطت عليها .. مش على الموضوع .. ومعرفتش ايش احكيلها وقلتلها اني قلتلك عليكي الامان واني مسامحك ... بس قتلتيني قتل بكلامك دبحتيني وقلبي رح يوقف .. حكتلي اتركني .. سكتت شوي بعدين حكيتلها لو شو ما عملتي .. انا بحبك ورح اضل احبك .. واذا سعادتك مربوطة بموتي ان شالله ربنا بستعجل بموتي اليوم قبل بكرة ... وضلينا عهالحال كم يوم لغاية اليوم ... بتعامل معها عادي ... بس من جوااي نااااار وبتغلي وما بنام زي الناس وتعب نفسي كثييييير كبير وجسمي مكسر على طول ... ونخزات بتضرب صدري ضرب متل السكاكين .. بحاول اسألها عن الموضوع وانا عامل حالي بضحك وانه اللي فات مات وانه عليكي الامان ... بس انا مش قادررر بالمرةةةة .. كثير تعبااااان ومخنووووووووووووووق على الاااخر .. صدري متطبق وراسي بوجعني ومغوط كثير ومتحطم ....
رجاااااء حاار ..
برد بأكدلكم اللي عنده نصيحة او كلمة خير او اي مواساة يكتبها ... مش متحمل ولا اي اشي سلبي ورب الكعبة افكار الموت بتوخدني وبتجييني ..... وشكرا واسف اني طولت عليكم
لذلك الله امر بالستر وان لا نكشف المستور اللى ربنا عارف انك تستطيع تحمله ...يكشفه لك وينزع الستر لحكمة يعلمها (مثل ما نغز شىء فى قلبك لتستيقظ وتكتشف المكالمه ) ما كان عليك كشف الستر بالنبش فى الهاتف هكذا ( لانك لم تتحمل تبعات ما عرفت ....والله كان يعلم ذلك فلم يكشفه لك من البدايه ) تريد ان تستريح حقا استغفر الله لنفسك اولا ( لانك لجأت للتجسس وهو ما نهى الله عنه بدون استثناءات) ربنا قال تبينوا ....ده زى ما عملت وسألتها بنفسك استغفر ربنا انك وعدت بشىء وحملت نفسك يمين لا تطيقه واذيت نفسك استغفر ربنا لها ولضعفها ...ساعدها تستغفر ذنبها افعلوا من الحسنات الكثيييير لكى تستبدل مكان السيئة . كل ابن ادم خطااء ( انت وهى ) عليك ان تتخلص من ما يثقلك فى سجودك ... هناك بعض التمرينات يمكنها ان تساعدك ... اكتب كل ما يؤلمك فى ورقه واربطه بحجر والقى به فى بحر ...واستشعر هذه المسافه التى يبتعدها الحجر مع كل ما يؤلمك ويذهب بعيدا امسك بالونا وتحدث بداخله بكل ما يؤلمك واطلقه فى مكان مفتوح وانظر اليه وهو يبتعد حتى يختفى عن نظرك تماما ......او فجر البالون فى النهايه بعد ملأه بالهواء واستشعر ان كل شىء انتهى. اسأل الله لكم صلاح الاحوال وحفظ من الشيطان
تم النشر الاثنين، ٢ أكتوبر ٢٠٢٣
انا رأى انك تحاول تنسى الموضوع بكل الطرق وتقرب من ربك انت وهيا علشان خاطر بنتكوا والحياه تصير بينكم وبعدين كلنا بنغلط وهيا اعترفتلك واكيد ندمانه على غلطها يبقى لازم تسامح وربنا اسمه الغفور الرحيم ومتنساش إن انت السبب فى البدايه لما كنت بتكلم صديقات الجامعه يعنى الغلط منك فى البدايه حاولوا تنسوا اللى فات وبصوا للمستقبل وقرب من ربك وربوا بنتكم على طاعه الله ومتحاولش تفتح الموضوع معاها اوى مع اى حد تانى أنساه بكل الطرق واحمد ربك أنها مجرد مكالمه حصلت بينهم واعترفتلك وربنا يهدينا جميعا ويصلحلك حالك انت وكل اسرتك يارب مع تحياتى
تم النشر الاثنين، ٢ أكتوبر ٢٠٢٣
انا برائي انو انتو الاتنين تروحو تصلو الفجر في الجامع بعدين تطلعو من الجامع تروحو البحر وتقعدو جنب بعض والبحر قبالكو وكل واحد يحكي كل حياته يلي مرقت من بعد زواجكم بدون مقاطعة من الطرف التاني يعني طرف يحكي وطرف يسمع وبتبادلو وبس تخلصو كل واحد يسال التاني سوال والتاني يجاوب اجابة كاملة حقيقة وبعدين يسال الاول سوال وتكون الاجابة كاملة مشان ما تكون الحلقة ناقصة وتدورو وتلفو بالاجوبة وهيك تضلو تسالوا وتجاوبو بعض لحد ما قلبكو يرتاح وما يضل شي بقلبكو وتقرروا باخر القعدة انو تنسو كل يلي فات وتسامحو بعض عليه وترجعو على بيتكو وكانكو اول مرة تدخلو البيت وعرسان جداد وعيشوا الحياة فيها ثقة واهتمام واحترام وحب بين الطرفين.. واذا بدك كمان برائي تغير بيتكو لحتى تقدروا ترجعو البيت بفرحة وتوثقو ببعض و تتخطو الماضي وما تتذكروه ابدا.. انا اخترت وقت الفجر لانو بهالوقت نسمة الهوا بتكون حلوة كتير وبتعطي راحة نفسية للانسان.. ربنا يهدي بالكو ويطمن قلبكو ويرجعكو لبعض حبايب ويبعد عنكو كل شر وكل من يريد اذاكو يارب.
تم النشر الاثنين، ٢ أكتوبر ٢٠٢٣
محتاج تقعد معاها تتكلموا انتوا الاتنين باستفاضة اكتر عن أي حاجة جواكوا عشان مينفعش انتوا الاتنين تفضلوا تعبانين كدة، وياريت الحديث يبقي بعيد عن أنه لينتهي بوقت العياط♥️
تم النشر الأحد، ١ أكتوبر ٢٠٢٣
طالما سامحتها خلاص متحاولش تنكد على نفسك وعليها.. انا مقدرة انه صعب عليك كتير انك تكون بالموقف ده، ولكن طالما كان بمقدروك انك تسامح .. خلاص عدي وكمل حياتك معاها ومع بنتك. وهي اكيد كان ضميرها واجعها كتير لما حكت معه بالشكل ده، وهي اعترفت ليك على كل اللي حصل، واكيد انت حسيت قد ايه ضميرها واجعها ومكانتش قادرة تواجهك بعدها. حاول انك تتكلم مع مختص نفسي علشان تقدر تعدي كل اللي مريت بيه، لو مش عارف تنسى اللي حصل.
تم النشر الأحد، ١ أكتوبر ٢٠٢٣
انا عايزه اقولك انك راجل قوي واللي عملته ده حاجه كويسه انك سترت عليها وكملت معاها عشان بتحبها وعشان بنتك بس رأيي انك تراقب تليفونها فتره من غير ماهي تعرف ولو الفتره دي لقيتها فعلاً معملتش حاجه تغضب ربنا او تغضبك يبقى انسى اللي فات كله ولا كإن حاجه حصلت ولو لقدر الله لقيتهها لسه بتتلاعب يبثى بجد لازم تسيبها بس بإحترام وادب وربنا يصلح حياتكوا وعايزه اقولك الشيطان بيوسوس للي بعد عن ربنا خليها تقرب من ربنا بالصلاه والاذكار وقراءة القرأن وانت كمان ربنا يهديكوا ع بهعض
تم النشر الثلاثاء، ٣ أكتوبر ٢٠٢٣
سافر ابعد فتره عنها عشان تعرف تفكر ،شهر او اكتر وبعدها فكر تكمل لو تنفصل بس نصحيه محدش هيقولهالك طالما فكرت فى غيرك يبقى مبقتش تحبك لو كملتو هتبقو مكسورين فى نظر بعض نصيحه انفصلوا عشان ترتاحو انتو الاتنين
تم النشر الثلاثاء، ٣ أكتوبر ٢٠٢٣
ارجع أفتكر حضرتَك وهيا اتجوزتو لِي عشان كنت بتحبيها وعاوز تكمل معاها وهكذا، كلنا بنغلط وِ سمحها من باب ان كلنا بشر وبنغلط وفي لحظات ضعف بتخلينا نُقع فِ الغلط، مش برر الذنب ابدا بس في لحظات ضعف لا يُمكن انكارها تمام، خد وقتَك فِ الزعل وحضرتك قولت اخر قعده قعدتو سوا اتكلمتو فِ كل حاجةة وحضرتك عرفت كل حاجةة بس كده متخليش الشطان يفتح الموضوع زه تانِي ربّ يباركلك ويقدملك اللي فِيه الخِير ويطمن قلبك.اعملو لحظات جميلةة من الاول وجديد حاول.
تم النشر الثلاثاء، ٣ أكتوبر ٢٠٢٣
الله يهديها حاول تسامح عشان قلبك مايتعبش ولو استحالت العشرة فالطلاق هو الحل الامثل
تم النشر الثلاثاء، ٣ أكتوبر ٢٠٢٣
السلام عليكم ورحمة الله وبركاته شكرا لحضرتك ع المشاركة احساس حضرتك واصلني الله يهون عليك ويعينك مدام حضرتك اتكلمت يبقي اكيد الأمر زاد علي كتافك ومش قادر تشيله لوحدك قدامك حل من اتنين: 📌الأول انك تكمل حياتك الزوجية ودا هيتطلب منكم انتوا الاتنين تعب وشغل ع العلاقه عشان تستقيم من تاني الجرح مازال ينزف لابد من تطهيره اولا حتي يلتئم ولا يترك ألم ودا ممكن يحدث بجلسات متابعة مع كوتش علاقات او أخصائي نفسي أسري 📌الثاني انك تنهي حياتك الزوجيه ودا هيكون قرارك انك تريح نفسك من الحمل ده بس طبعا هيحرمك من أسرتك وبنتك وعواقب الانفصال التي لابد ان تقرا وتعرفها اولا وحقوق وواجبات عليك الإلتزام بها استخير واستفت قلبك ولو أفتوك
تم النشر الاثنين، ٢ أكتوبر ٢٠٢٣
هقولك شيء واحد ربنا كاتب انكم تكملو سوا بجد مجربة قرب من ربنا اكتر وادعوه فى السجود ان يريحك من كل التعب اللي انت حاسس فيه ربنا وحده يقدر يداويك بجد مفيش احن من ربنا عليك وحاجه كمان ممكن تروح لاخصائى نفسى انت محتاج تخرج كم الضغط الى انت فيه والاخصائى هيساعدك تنجاوز الازمة دى وان شاء الله ربنا يريح بالك وحالك وتعيش حياتك بشكل طبيعى ارمى حمولك على الله بس ضرورى الاخصائى ده شغله هيقدر يساعدك جدا وانا هدعيلك ربنا يريح بالك وقلبك يارب
تم النشر الأحد، ١ أكتوبر ٢٠٢٣
لعرض السؤال في فدني اضغط هنا