في افكار بتيجيلي وبتحصلي فعلا
يعني مثلا ايجتلي فكره انني هعاني وبتحصل كده فعلا بس بعد مده
وفي فكره في دماغي بتيجيلي باني هعاني لمده سنه فوق طاقتي فمش عارف اعمل ايه
بصراحه مش عارف دي رؤيه ولا فكره
السلام عليكم ورحمه الله وبركاته هو الحقيقه الافكار هنا بتيجي منين يعني الافكار مش هتيجي فجأة احنا ممكن نكون بنغذي نفسنا من حوالينا بمحتويات اللي احنا بنشوفها بالحاجات اللي احنا بنقراها من الحاجات اللي احنا بنركز عليها اكثر في يومنا كله عموما بحاجات هي اللي بتبدأ تنتج لنا افكار معينه فلو انا الافكار اللي بتجيلي كلها افكار عن المعاناه فأنا من غير ما أحس أنا هبدأ فعلا اروح برجلي للمعاناه يعني هي مش بتبقى كده الفكره جاتلي بالصدفه تحققت أو انا كده كأن جات لي رؤيه وكاني عندي بصيره يعني باللي جاي وباللي هيحصل لانه لو انا متبصر قوي كده فانا هشوف حاجات مختلفه يعني الناس اللي عندهم الملكه دي وربنا مديها لهم بتجيلهم حاجات مختلفه مش كلها بتبقى في الحاجات السيئه. فهنا احنا الموضوع مرتبط بحاجات سيئه فقط المعاناه فقط فيبقى انا كده كاني انا اللي بهيأ نفسي للمعاناه وانا اللي بخلق المعاناه من غير ما أحس خلي بالك كويس قوي قوي من الحاجات اللي انت بتغذي بيها عقلك علشان ينتج افكار انا هقول لك ابسط حاجه لو انا حطيت في المكنه قطن هطلع قماش قطن لو حطيت فيها بلاستيك هطلع قماش بلاستيك فمخنا شغال كده على قد اللي احنا هنديهوله وعلى نوع اللي احنا هنديهوله هتطلع لي نوعيه افكار معينه فخلي بالك من ده كويس جدا.
تم النشر الاثنين، ٧ أبريل ٢٠٢٥
🎤 إجابة صوتية
تم النشر السبت، ٥ أبريل ٢٠٢٥
أخي أحمد، ما تمر به هو أمر يعاني منه العديد من الأشخاص، وهو تداخل الأفكار والمشاعر. قد يكون لديك ميل لتوقع أو تخيل أحداث مستقبلية، وهذا قد يؤدي إلى الشعور بالقلق أو التوتر. من المهم أن ندرك أن الأفكار ليست بالضرورة توقعات حقيقية لما سيحدث. قد تكون مجرد تصورات متأثرة بالقلق أو التجارب السابقة. إليك بعض النقاط التي قد تساعدك: التفكير الإيجابي : حاول استبدال الأفكار السلبية بأفكار إيجابية. بدلًا من التفكير في المعاناة، فكّر في النجاحات واللحظات السعيدة التي قد تحدث. الواقع : اسأل نفسك، هل الأسباب التي تجعلك تشعر بالقلق حقيقية أو أن هذه مجرد أفكار؟ حاول تحليل الموقف بهدوء. الاستشارة : إذا كنت تجد صعوبة في التعامل مع هذه الأفكار، قد يكون من المفيد التحدث مع متخصص في الصحة النفسية للحصول على النصيحة والدعم. الإيمان : تذكّر أن التوكل على الله والثقة في حكمته يمكن أن تساعدك على تخفيف حدة القلق والتوتر، فهو أعلى وأعلم بكل ما يحدث. لذا، حاول التركيز على اللحظة الحالية وكون متفتحاً للتجارب الجديدة. كل الأمور ستتحسن بإذن الله.
تم النشر السبت، ٥ أبريل ٢٠٢٥
استعذ بالله من الشيطان الرجيم ولا تمشي خلف الوساوس واشغل وقتك
تم النشر الاثنين، ٧ أبريل ٢٠٢٥
انت طالما مقتنع بيها ف هتحسه وافعالك هتترجم للي انت مقتنع بيه
تم النشر الأحد، ٦ أبريل ٢٠٢٥
بص هو جسمك او عقلك ده عامل زي مصباح علاء الدين كل اما تقول حاجه ف بتحصل عقلك لما انت بتقول ده هيحصل كذا وكذا عقلك بيفرز هرمونات للجسم انك تخاف او تشعر باي شعور تعب ده حاجه طبيعيه جدا حاول تطمن نفسك على قد ما تقدر وإنشاء الله يعفو عنك
تم النشر الأحد، ٦ أبريل ٢٠٢٥
لعرض السؤال في فدني اضغط هنا