انا قعدت في البيت كذا سنة مش بعمل اي حاجه مع اني لسة صغيرة عندي 17 سنة فجأة كده مبقتش عايزة اروح دروس ولا مدرسة فقعدت كذا سنة مروحتش دروس وكمان سنة قعدت من كل حاجه و المفروض عليا دلوقتي ان انا ارجع الدروس وكدة وانا بالفعل قلت هروح وكدة لكن ده صعب جدا وكمان مش عايزة اروح وكمان مش حابة حياتي كده وعندي مشكله اني شخص كتوم ومش بيتكلم وكمان معنديش ولا صديق ولا اي حد اتكلم معاه أحيانا كتيرة بقعد اعيط من غير سبب وعلى طول مخنوقه ومش قادره اواجه واقعي وكمان المشكله إن اهلي كويسين معايا وانا مخنوقة منهم لانهم كده بيضغطو عليا بمعاملتهم الحلوة يعني ياريتهم كانو بيعاملوني وحش لكن انا مليش حجة انا زهقت من حياتي كلها مش عارفه اعمل ايه فيها ولا انا حابة اقعد في البيت ولا انا حابة اروح الدروس المشكله انو مش فكرة مش حابه انا فعلا مش قادره
التقرب من ربنا احسن حاجه لتخرج من اى حاجه فحاولى تقربى من ربنا
تم النشر الاثنين، ٥ أغسطس ٢٠٢٤
شكرا ليكي على مشاركتك 🌷 احساس الفراغ النفسي الداخلي دا شعور مميت بيساعد الانسان انه يدخل في مود اوحش وانه ملوش لازمه فالحياة حتي التعامل الطيب من اقرب الناس ليه بيضغطه دا بيجي من ايه ؟ بيحصل مع عدم التعبير عن اللي أنا حاساه دلوقتي فمع كبت المشاعر بيحصل جهل بيها وانكار ليها فأنا موجوعه من جوايا بس مش عارفه ليه ولا قادره اعرف فبالتالي مش قادره اعيش الحياه بحلوها ومرها من اهم المهارات اللي المفروض تكون ميسره للكل هي التعبير عن المشاعر وفهمها لان ربنا باعتها لينا برساله فأما اقفل الإرسال خالص بكده هاقفل استقبال فهمنا التواصل زي الموبايل من غير شحن كهربا ولا خط هيكون ايه لازمته ففكري معايا كده ممكن نشحن ازاي ؟ بإيه ؟
تم النشر الاثنين، ٥ أغسطس ٢٠٢٤
بما أنك ذكرتِ أن أهلك متفهمين وودودين، أنصحك بطلب استشارة حياتية يعني ربما هذا يساعدك في إيجاد قيم حياتية تبني عليها أهداف وطموحات وتنشغلي بها وتجددي الحماس في روحك. الفراغ قاتل، ومرور الأيام والسنوات هكذا شيء يشبه الموت.
تم النشر الاثنين، ٥ أغسطس ٢٠٢٤
السلام عليكم ورحمه الله وبركاته بصي يا جميله اللي انت حاسه بيه ده هو تعود على الجسد. يعني راحه بزياده. لما بيكون في عندنا شخص لا قدر الله تعبان عنده شلل بيمنع جسمه ان يقوم يتحرك بيبدا واحده واحده لو متعملهوش علاج طبيعي كده بتبدا عضلاته يحصل لها ضمور ضمور يعني ايه عضلاته ما بتشتغلش حاجه لما بتشتغلش بتصلي. فشويه شويه بتبدا تفك في تعليقتها ان هي تشتغل اصلا فده اللي بيحصل مع نفسيتنا ومع ذهننا ومع اي حاجه اي عضو من جسمنا لو قعد شويه ما بيشتغلش خلاص يعني هينته وكان بيشتغل ازاي او زي ما بيجي حد كده يقول لك انا بعد ما رجعت للاجهزه مش فاكر الشغل كنا بنشتغل ازاي هو ده اللي بيحصل بما انك قعدتي فتره وما بتعمليش حاجه فذهنك اتعود على القعده وانت بتعيطي ليه ومخنوقه ليه ومتضايقه ليه لانه ربنا مش خالقنا عشان كده ربنا ما خلقناش عشان نقعد ما نعملش حاجه ناكل ونشرب وننام ونصحى ونمسك الانترنت بس لا وده اللي خان انك مش بتؤدي وظيفتك اللي ربنا خلقك عشان. لما تبداي تعملي كده واحده واحده هتبداي ترجعي ثاني تحسي بالمسؤوليه ومش هيبقى عندك مشكله في انك تتحركي وانك تروحي دروس وانك بتذاكري بس واحده واحده رجعي لنفسك ثاني للحياه وعايزاك تفتكري كويس قوي ان اكثر دافع يكون ليكي ان في اي لحظه ممكن حياتنا تنتهي ولما حياتنا هتنتهي من اول الاسئله اللي هنتقلها بعد ما نموت اا انت عملت ايه في حياتك عن عمرك فيه ما افنيته انت لما ربنا يبعث لك الملائكه كده قبل ما تتحاسبي قولي اي حاجه ويسالوكي ها قولي لناتقدري تساعديني في ايه وساعديهم فيه شوفيه ازاي تخليهم مبسوطين ماما بتحب اعملي لها بابا بتحبي اعمليه له كلمه ما تقعديش كده في الحياه وتنسي الدور اللي ربنا خلقك عشانه. ارجعي تاني حركي نفسك ان شاء الله الامور ترجع للتدريب.
تم النشر الاثنين، ٥ أغسطس ٢٠٢٤
يا حبيبيتي، أول حاجة عايزة أقولك إنو كلنا بنمر بأوقات صعبة كده. يعني طبيعي تحسي بالزهق والملل أحيانًا. بس أهم حاجة إنك تعملي خطوة صغيرة نحو التغيير. أولًا، حاولي تعملي حاجة بسيطة كل يوم، حتى لو كانت حاجة صغيرة زي قراءة كتاب أو مشاهدة فيلم بتحبيه. كمان ممكن تحاولي تمشي شويه في الهواء الطلق، ده هيساعدك تحسي بشعور أفضل. ثانيًا، إذا كان في أي حاجة بتحبيها، حاولي تفتحي نفسك لها. ممكن تحبي رسم، موسيقى، أو أي هواية. المهم إنك تلاقي حاجة تشغلك. وبخصوص التواصل مع الناس، حاولي تلاقي حد تتحدثي معاه، حتى لو كان شخص واحد. ممكن تتعرفي على أصدقاء جدد في المدرسة أو على الإنترنت. التواصل مع الآخرين هيخليكي تحسي إنك مش لوحدك. لو حسيت إن الضغوط كبيرة، ممكن كمان تفكري تتحدثي مع متخصص أو معالج نفسي. ده هيكون مفيد لو حسيتي إنك محتاجة مساعدة. وأهم حاجة متنسيش إنك مش لوحدك وإن ده مرحلة هتعدي.😊
تم النشر الاثنين، ٥ أغسطس ٢٠٢٤
لعرض السؤال في فدني اضغط هنا